Apocalipsis 7:3 - Masas Pit Jesucristowa

³ Ka kaiznara: “Au Diospa kal kiwaintuza uspa kɨnijkin Diospa mun panamtuchi akwa, piltakas pirakas tɨrakas kwail kiman,” kiznara.

Apocalipsis 7:3 Iomraidhean Croise

San Mateo 24:22

Diosne sun naizmu payu an azain pailninnazi, wan awa iamanpa. Dios narɨttuza pashinamtu akwa, usne sun payura an azain pailninnazi.

San Mateo 24:31

Iru karaskwil ustuasmin, usne paiña ángeltuza ɨninnanazi, wan narɨttuza akwaninana. Uspane narɨttuza wan chiwal suras wanmakninnanazi.”

San Juan 12:26

Mɨnpazha na ɨnintu aizpa kishitne, nawa kanpazha. Uskas na tura tuanazi. Ap Taittane na ɨnintu aizpa kishittuza kiwainat kit an tɨnta namninnanazi.

San Juan 3:33

Us kaizta aizpa nɨjkultumikane Dios kaizta aizpa watcha i kiztu.

Romanos 6:22

Dios au kwail kiashit aizpa kanintɨt akwa, usne aumɨza paiña kiwaintuz namninnara. Usne aumɨza sɨnam awakanain namninnamtu, pailta payukima chiyura uzanapa.

Apocalipsis 13:16

Sun katsa kalpane wan awaruza uspa numal chihtɨkin chiwazha panapa ɨninnara. Chihtɨkin parakine, kɨnijkinkas chiwazha panapa ɨninnara. Ainkiruzakas, katsaruzakas, kwazparuzakas, puizaruzakas, anpat mɨjchiruzakas, anpat mɨjtuzakas, chiwazha panapa ɨninnara.

Apocalipsis 13:17

Chihtɨkin chiwazha parɨt aizpa mɨjchiruzne, katsa kalpawa mun parɨt aizpa mɨjchiruzne, paiña número parɨt aizpa mɨjchiruzne, chinkas paisachi, chinkas paininsachi.

Apocalipsis 14:1

Suasne mamasa iztau. Sión ɨzara iztuasmin, nane Pɨrikurakas, 144.000 awaruzakas iznarau. Uspane Pɨrikuwa munkas paiña Papihshpa munkas kɨnijkin wan panarɨt mɨjazi.

Apocalipsis 14:9

Kwiztane mamaz ángelkas paas ángeltuza kanpaat kit tɨnta kaizta: “Diosne aliz kalpara wakpuj waintaruzakas, kalpa aliz kalpakana sarɨtta wakpuj waintaruzakas, aliz kalpawa marca kɨnijkin parɨttuzakas, aliz kalpawa marca chihtɨkin parɨttuzakas, tɨnta naizninnanazi. Diosne usparuza kwisha aliz kulnazi. Usparuza ĩnta, asufre ĩnkasa, ɨninnanazi, kwisha naizanapa. Diospa ángelkas Pɨrikukas chiyuras usparuza iznanazi.

Apocalipsis 19:2

Usne wan awaruza wat mɨmanamtu, uspa kwail piankamanapa. Mamaztuza ilnamtukas, us kimtu aizpa watcha i. Usne an Babilonia pɨpulura uztuza naizninnara. Uspane kwail ashampakana uzat kit wan awaruza kwail uznapa kamtanara. Mane Diosne usparuza naizninnarɨt, Diosta kiwaintaruza piantanarɨt akwa.”

Apocalipsis 20:4

Mama chiyura iztuasmin, nane akkwan ɨnintuzpa uzmu iztau. Piantarɨttuzne, kɨzpu tɨt irɨttuzne, wan uzmukin uzara. Uspane iara, Dios pit kainara akwa, Jesúspa pɨnkɨhta panarɨt akwa, aliz kalpara wakpuj wainñarachi akwa, aliz kalpakana sarɨtta wakpuj wainñarachi akwa, aliz kalpawa marca kɨnijkinkas chihtɨkinkas parachi akwa. Mamasa kakulakane, sun awaruzne Cristokasa maza mil añokima ɨninñanazi.

Apocalipsis 22:4

Uspane paiña matsɨh izanazi. Usne paiña mun uspa kɨnijkin parananazi.

Apocalipsis 6:6

Nane ampara uztuz paizkakin maza kaiztumikasha mɨrau. Akkwan kumira wachi akwa, sunkana kizta: “Maza payu kal kit pialkasa tarawai, maza kilo chara pippa sapna. Maza payu kal kit pialkasa tarawai, kutña kilo cebada pippa sapna. Olivos pippa tɨrakas wankail pippa tɨttakas kwail kimun.”

Apocalipsis 7:1

An kwiztane nane ampara ángeltuza pianamal sukin uzara iztau. Uspane ampara tɨnta inkwa mɨjazi. Uspane wan inkwa surakas pirakas, tɨrakas nuppainintuchi; panintachi mama.

Apocalipsis 7:2

Suasne nane mamaz ángel pãn puzmuras amtu iztau. Paiña chihtɨkin Diospa pɨnkɨh pam mura, Dios akwa panapa. An Diosne watcha uz. An ángelne ampara ángeltuza tɨnta kwianara. Usne usparuza ɨninnara, surakas pirakas wan kwail kianapa.

Apocalipsis 9:4

Diosne usparuza pɨt piltakas, wan katsa pɨt pijtamtakas, wan tɨrakas kwail kimanpa ɨninnara. Uspane Diospa mun paiña kɨnijta panarachiruza kwail kinashinai. Usparuza kwanashinai.