Apocalipsis 3:3 - Masas Pit Jesucristowa

³ An ñamin u nɨjkularɨt aizpakas u mɨarɨt aizpakas nɨjkultain. Sun pit mɨarɨt aizpa nɨjkultuasmin, une sun pit kiarawa. U kwail kiamtu aizpa chɨhkat kit Diosta kaiyarawa. Na kaiztu aizpa mɨamtukine, nane u uzkin maza walkumkanain kainarachin anash, uruza ilnana. Une na amtu payu pianchimai.

Apocalipsis 3:3 Iomraidhean Croise

San Mateo 25:13

Suasne Jesúsne ka kaiznara: ‘Wan kapal sawizanaka, u Ampu namtɨtmika amtu payura pianchi akwa,’ kiznara.”

San Marcos 13:33

Ukas na kailtu payura pianchimai. Katmizna mɨrain. Iztain. Diosta paikwarain.

San Marcos 13:36

Paiña kailtu payura tɨrizamtuasmin, aune ussa sait kit paiña kal kiarawamakpas.

1 Tesalonicenses 5:2

Mɨnminkas mizurainkas au Anpat kailtu pianchi. Walkummika amtawara mamazpa yalta napna chamtuasmin, yalpamikane mizurainkas walkum amtu pianchi. Sunkanane mɨnminkas au Anpat kailtu payura pianchi.

1 Timoteo 6:20

Timoteo, mɨzha. Dios nua kamtarɨt aizpa chɨhkarɨt akwa, nune sunmin watsatpa, awaruza kamtananapa. Awa kain pit paraaka, mɨkikain, uspa Diospa paraamtuchi akwa. Akkwan pianish kizmuruza mɨkikain, uspa kaizamtu aizpa nilchi akwa.

2 Timoteo 1:13

Nu na watsal pit kamtara aizpa mɨra akwa, kawarain mamaztuza kamtanarain, Jesucristora nɨjkulanapa. Diostakas awaruzakas pashianarawa.

Hebreos 2:1

Dios paiña painkul akwa aumɨza paranarɨt akwa, aune awa aumɨza kamtanarɨt aizpa an akkwan mɨmɨztawamakpas, Dios watsal pit mainmanpa, paiña watcha pit chɨhkamanpa.

2 San Pedro 1:13

An sukin uztuasmin, nane uruza na kurunnarɨt aizpa nɨjkulninnanash.

2 San Pedro 3:1

Na pashimtu izmuruz, mɨrain. An paas pɨnkɨh pat kit uruza ɨninnarau. Nane sun paas pɨnkɨhpara uztuza kurunashimtus, an wat kamtanarɨt aizpa nɨjkulanapa, nil minñanapa.

2 San Pedro 3:10

Au Anpat Jesucristo kailkane, usne walkum amtukanain anazi. Us kailtu payu taizkane, wan chiyune tɨnta az kit azain karɨnazi. Suasne wan su impaknin kit azpiantɨnazi. An sukin kal kirɨt aizpa impak kit karɨnazi.

Apocalipsis 16:15

Katsa mikwaruzne Armagedón ɨnkal sura wanmakkara. Hebreowa pitta Armagedón munta. Cristo kaiztu aizpa mɨrain. “Nane anpain ish. Maza walkumkanain kainarachin anash. Sun payu tɨrizturuzne, uspa putchã pĩn watsamtuzne, watsal kulanazi, piltɨm chamanpa, paiña iztakin mɨtsal kiamanpa.” Putchã pĩnwa paramtukas, usne uspa kwail kiarɨt aizpa sɨnam samtu kaiznara.

Apocalipsis 2:25

Mane sun pit kurunamtus. Sun pit mɨarɨt aizpa nɨjkul kit watsarain, na amtu payukima.

Apocalipsis 2:5

Ka akwaizna, une an ñancha kiara aizpa nɨjkularain. Mane sun kal kimtuchimai. Umin maiztain, an ñancha kal mamasa kianapa. Uruzpain maizamtukine, Diosta mamasa mɨamtukine, nane mamasa anpain ish, uruza pailninnana, up impil nakana.

Apocalipsis 22:7

Cristone ka kaizta: “Nane anpain ish. An ñancha pit kaiztu aizpa mɨmturuzne, an pit pɨnkɨhta parɨt aizpa mɨmturuzne, watsal kularɨnazi.”

Apocalipsis 3:11

Masakin anash. Sun pit mɨarɨt aizpa min kit watsarain, Dios kin namta aizpa kamanpa.

Apocalipsis 3:19

Nane wan nawa pashimturuza kurunamtus, kwail kiamanpa. U na kuruntu aizpa mɨmtukine, usparuza ilnanash. Ka akwaizna tɨnta kulnintain. U kwail kimtu aizpa masain wan maintain, Dios miwara ɨanapa.

Apocalipsis 3:2

Izkultain. Wan awaruza kiwaintain, nukkulturuz Diostas puzamanpa. Ap Diosne iz kit u kiamtu aizpa pian. U Dios iztukin we kal kiamtu aizpa pianish.