Apocalipsis 21:3 - Masas Pit Jesucristowa

³ Nane Dios uzmukin tɨnta kwiantumikasha mɨrau. Ka kaizta: “Diosne awa purakin tuanazi. Awakasa uznazi. ‘An awane ap kwal i’ kiznazi. Diosne uspa Dios namnazi.

Apocalipsis 21:3 Iomraidhean Croise

San Juan 1:14

An Pit muntɨtmikane awa namta. Usne awaruza pashinat kit kiwainnashimtu. Uskas aumɨza nil kamtanara, Diosta piankamanapa. Usne aukasa an sukin uzta. Aune ussa iztamakpas. Usne kwisha wat kai puzta. Diosne paiña painkultain kwisha tɨnta namninta.

San Juan 14:23

Jesúsne sɨnkara: “Nawa pashimtumikane na kamtamtu aizpa kinazi. Ap Taittane ussa pashinazi. Taittakas nakas nawa pashimtumikakasa uzna amtuas.

2 Corintios 6:16

Diosta wakpuj wainturuzkas Diosta wakpuj waintuchiruzkas usparuzpain wat nɨjkulasachi. Aune Diospa yalkana makpas, sua Dios aukasa uztu akwa. Ñamin Diosne sunkana pɨnkɨhta panin kit kaizta: “Nane uspa kaijchukin uznash, uspakasa chan. Nane uspa Dios ish. Nane usparuza ap kwal namninnanash.”

2 Corintios 6:18

Suasne nane u Papihsh namnash. Nane uruza ap pashparuzkasa namninnanash. Sunkana tɨnta Diosne, wantuza ɨninmikane, ka kiznara.”

1 Tesalonicenses 3:11

Mane au Taitta Diostakas, au Anpat Jesústakas akumtumakpas, u uzkin azain aumɨza ɨninnanapa.

Hebreos 11:16

Uspane anza wat su, chiyura su, pashiara. Katmizna Diosne uspa akwa mamaz su sara, Dios uztukin puranpa. Dios uspa akwa mɨtsalchi akwa, Diosne “nane uspa Dios ish” kiztu.

Hebreos 8:10

Nane mamaz payura masas contrato usparuza chɨhkananazi, Israel awaruz masas contrato nappanapa. Diosne sun masas contratokin ka parɨt: Nane na ɨnintɨt aizpa usparuza piankamninnanash. Nane uspa kaijchukin ap pit nɨjkulninnanash. Nane uspa Dioskanain tuanash, usparuza kiwainana. Uspane ap kwalkanain puranazi.

Hebreos 8:2

Us au katsa pariya namtɨt akwa, usne Dios uztukin paiña kal mɨj. Awane Diospa uztukin sarachi.

Apocalipsis 10:4

Siete ippa azarawane, nane uspa paraamtu aizpa pɨnkɨhta pashirau. Nane maza chiyuras kaizka mɨrau. Ka kizta: “Sun siete ippa kaizara aizpa puintain watsari. Pɨnkɨhta pamun.”

Apocalipsis 10:8

Diosne, sun chiyuras nawa pararɨtmikane, mamasa nakasa kwinta kit kit kaizta: “Ángel numal mittɨ pirakas, kwiyamal mittɨ piltakas kuntumikasha ɨtti. Usne iptɨt pɨnkɨh paiña chihtɨra nakpiztɨt mɨj. Sun iptɨt pɨnkɨh pizti,” kizta.

Apocalipsis 12:10

Suasne nane chiyura tɨnta parammikasha mɨrau. Usne ka kiztuazi: “Mane au Diosne awaruza kwailtas tainak kit watsananazi. Usne wanta tɨnta ɨninnanazi. Cristokas wanta ɨninnanazi. Diosne au aimpihshtuzpa kwail paramturuza chiyuras ɨninnara. Sun kwail paramturuzne Dios iztakin payuwarakas amtawarakas nɨjkulturuzpa kwail kizara.

Apocalipsis 21:7

Anuppamtumikane na kin namtɨt aizpa piankam kit sapnazi. Nane paiña Dios namnash. Usne ap painkulkanain namnazi.

Apocalipsis 22:3

Sua chinkas kwail wanmalsachi. Dioskas Pɨrikukas sua uzpailnazi. Paiña kiwaintuzne ussa kiwainanazi.

Apocalipsis 7:15

“Ka akwaizna, uspane Dios ɨninmu uzkin purai. Payuwarakas amtawarakas paiña yalkin ussa kiwainat kit wakpuj wainñamtu. Usne paiña ɨninmu uzkin uzi. Usne usparuza iznat kit watsanamtu.