Apocalipsis 14:3 - Masas Pit Jesucristowa

³ Uspane Dios uzmukin masas kanta kaiz kiara. Ampara uztuz uzkinkas, ɨlaparuz uzkinkas, kanta kaiz kiara. Mazantuzmin masas kanta kamazi. Ciento cuarenta y cuatro mil awane, kanta kaiz kiara, Dios usparuza au sukin watsat mɨlnara akwa.

Apocalipsis 14:3 Iomraidhean Croise

1 Coríntios 1:18

Na Dios watsal pit kainammtuasmin, nane ka kaiztus: “Cristone au akwa kurishta irɨt.” Wan kaarɨttuzne “au paramtu aizpa kain pit i” kizamtu. Uspane wan kaarɨt kit ĩnta ɨanazi. Diosne Cristora piantuza kiwainnanazi. Katmizna Cristo au akwa irɨt akwa, Dios tɨnta pitne aumɨza watsat mɨlninnanazi.

1 Coríntios 2:14

Sɨnam Izpul mɨjchiruzne Sɨnam Izpul kamtamtu aizpa sappasachi. Usparuzne an pit tɨmpa pitkanain minñamtu. Uspane sun pit mɨasachimai, Sɨnam Izpulta mɨjarachi akwa.

Apocalipsis 14:1

Suasne mamasa iztau. Sión ɨzara iztuasmin, nane Pɨrikurakas, 144.000 awaruzakas iznarau. Uspane Pɨrikuwa munkas paiña Papihshpa munkas kɨnijkin wan panarɨt mɨjazi.

Apocalipsis 15:3

Uspane Moisés Diosta kiwainmumika kantakana, Pɨrikura kantakas kaiz kiat kit kizara: “Nune wan kal kit aizpa kwisha watsal kirɨt. Au Anpatne, au Diosne wan kal kishinai. Nu wan kimtu aizpa kwisha wari. Nune an sukin uzturuza ɨninnamti.

Apocalipsis 2:17

Mɨshimtumikane Diospa Sɨnam Izpul kaiztu aizpa mɨri. Usne wan wanmakmuruza iglesia yalkin ka panamtu: “Nane an sukin kwail kirɨt aizpa anuppammikasha Dios puintɨt mɨj aizpa mɨlanash, watsal uznapa. Nane masas mun putchã ukta panarɨt ussa mɨlanash. Uk saptamikain sun munmin piankamnazi.”

Apocalipsis 5:9

Uspane masas kanta kaiz kiara: “Nune sun iptɨt pɨnkɨh sap kit sun pɨnkɨh sietekima pustɨt nakpiz kit izshinai. Nu au akwa piantarɨt akwa, up aimpi puzta akwa, Diosne wan awaruza mamaz pit paramtuza, kwailtas painara, awa kwail kiarɨt aizpa sɨnam sananapa, Dioskasa uzanapa.

Apocalipsis 7:4

Awa kɨnijkin Diospa mun panarɨttuza wianta. Wan Israel painkulpa kwaltuza wiantawane, 144.000 wianta.