Apocalipsis 10:1 - Masas Pit Jesucristowa

¹ Mane mamaz tɨnta ángel chiyuras wanishkasain kihshtu iztau. Paiña kɨzpukin kwilchi aizta. Paiña matsɨh pãnkanain naztam iztɨt. Paiña mittɨkas pimpulkas ĩnkanain iztɨt.

Apocalipsis 10:1 Iomraidhean Croise

San Mateo 17:2

Suane usne uspa iztakin mamaz tuntukanain maiztɨt. Paiña matsɨhne pãn naztamkana malta. Paiña kwaksham impilkanain putchã iztɨt.

San Lucas 21:27

Suasne uspane Chiyuras Ampura izarɨnazi. Us wanishkin amtuasmin, usne uspa izarakin tɨnta nam kit kwisha watsal namtɨnazi.

Hechos 26:13

Ɨninmumika mɨri. Miwara ɨmtuasmin, nane paizka payura impil chiyuras iztau. Impilne pa kinka anza kai nawakas ap izmuruzakas malta.

Apocalipsis 1:7

Cristone wanishkasa anazi. Wan ussa nɨjkultuchiruzne ussa izanazi. Ussa piantarɨttuzkas wan suras awaruzkas uspa kwail kiarɨt akwa, us akwa ishkuat kit tɨnta azanazi. Sunkana kirɨnazi.

Apocalipsis 18:1

Suasne kwiztane nane mamaz ángel chiyuras kihshtu iztau. Usne katsa ɨninmikakana azi. Usne pãn maltakanain aizta, wan su kai puranapa.

Apocalipsis 18:21

Maza katsa ángelne katsa chara kɨmu uk mut kit katsa pira kiain kit kaizta: “An katsa Babilonia pɨpulune karɨnazi. An uk katsa pira kiaintakanain karɨnazi. Mɨnminkas sun pɨpulura chinkas izamanazi.

Apocalipsis 20:1

Suasne chiyura iztuasmin, nane maza ángel chiyuras kihshtu iztau. Sunne paiña chihtɨkin ainkih kulpa llavekas katsa cadenakas mɨlta.

Apocalipsis 4:3

Sun uzmikane jaspe maiza ukkanain iztɨt. Kwanam cornalina maiza ukkanain iztɨt. Sun pikamta mikwa uzmu ɨsalta panainta. Pijtammin wirɨt, esmeralda ukkanain naztam iztɨt.

Apocalipsis 5:2

Maza tɨnta ángeltakas iztau. Usne tɨnta ka mɨmara: “¿Mɨnma wat awa an iptɨt pɨnkɨh nakpiz kit izshinasa?” kizta.

Apocalipsis 8:13

Suasne nane katsa wam chiyura pɨltu iztau. Usne tɨnta ka kaizta: “An sukin uztuzne naizarɨnazi. Uspane an tɨnta naizarɨnazi. Mamaz kutña ángeltuz uspa iru kwil usakane, an sukin uztuzne an tɨnta naizarɨnazi.”