1 Juan 3:2 - Masas Pit Jesucristowa

² Na uruza pashinamtu akwa, u Diosta piantuz mɨrain. Aune Diospa pashpakanain makpas. Kwiztane aune miza Dios aumɨza maizarɨnsa pianchimakpas. Jesucristo akane, aune uskanain iztɨt namarɨnapas. Suasne aune ussa wat izanapas.

1 Juan 3:2 Iomraidhean Croise

San Mateo 5:8

Ayukta kaijchura sɨnam sarɨttuzne an watsal kulat kit Diosta izanazi. Dios ayukta kaijchura sɨnam saninnamtu akwa, uspane an wat kulat kit Diosta izanazi.

San Lucas 17:30

Dios Painkul akane, wan awane sunkana uzanazi. Sun payura uspane ussa izananzi.

San Lucas 20:36

Uspane sua mamasa iamanazi. Dios usparuza mamasa uzninnarawane, uspane Dios painkul manazi. Diospa ángelkanain manazi.

San Juan 1:12

Sunkana mɨnpazha ussa sappamturuzkas us kaizta aizpa nɨjkulamturuzkas Dios painkul namashina.

San Juan 11:52

Sun Judío awa akwa imtukas, usne mamaz sura uztukas inazi, Dios usparuza maza kwalkanain, Dios painkulkanain wanmakkanapa.

San Juan 17:24

Ap Taitta, mɨzha. Nane nu nawa ɨnintɨttuz akwa paikwashimtus, uspa na tukin tuanpa, uspa nawa anza tɨnta i izanapa. An su sarachasmin, nune nawa pashit kit nawa anza tɨnta namninta.

Romanos 8:16

Diospa Sɨnam Izpulne au izpulkasa wanmaktu, au Diospa kwal makpas piankamninnanapa.

Romanos 8:18

Ma an sukin uzamtuasmin, aune parishiziznapas. Awa an sukin parishiztukas, Diosne Diosta piantuza wat kiwainnanazi, kwisha watsal puranpa. An sukin parishizamtukas, aune mamaz payura Dios iztakin anza watsal manapas.

Romanos 8:19

Dios an sura uztuza paiña kwal namninnashimtu akwa, uskas usparuza maiznat kit wat namninnanazi. Suasne awane Dios an su sarɨtkin wat kianazi. Aune tɨriztawamakpas, Dios wan sarɨt aizpa maiznakima.

Romanos 8:29

An su sarachasmin, Diosne au ussa nɨjkulamturuza nanara, paiña painkulkanain namanapa, Cristo uztakanain uzanapa. Diosne “Cristo an tɨnta i” kiz kit wan ussa piantuza sapnamtu, paiña kwal namanapa.

1 Coríntios 13:12

Ma au an sukin uzasmin, aune wan kai iztuchimakpas. Wan wat piankamtuchimakpas. Sunkana maizakasa wan izsachi. Mamaz payura aune Diosta piankam kit paiña matsɨhta iznapas. Mane we pianmakpas. Mamaz payura sun pit wan piankamanapas. Aune Dios aumɨza piankamtukanain wan piankamanapas.

1 Coríntios 15:49

Au sukin uzamtuasmin, aune an ñancha uztamikakanain uzaramakpas. Kwiztane chiyura aune Cristokana iztɨt namtɨt puranapas.

1 Coríntios 2:9

Sunkanain Dios pit ka kizta: “Diosne akkwan mɨlan mɨji, ussa pashimturuza mɨlanana. Mɨnminkas us watsarɨt mɨj aizpa pianchimai. Mɨnminkas us watsarɨt mɨj aizpa minsachimai. Usne aumɨza, ussa pashimturuza, chiwazha watsal aizpa mɨlananazi.”

2 Corintios 3:18

Cristora nɨjkulamtu akwa, aune paiña pit kwisha wat piankamtumakpas. Au Anpatta piankamamtu akwa, au awa iztukin nil uzamtu akwa, mazantuzne ussa piankamashina. An sura uzamtuasmin, aune ussa mɨat kit impara imparain uskanain namtumakpas. Paiña Sɨnam Izpulne pailta payu aumɨza maizninnamtu, au Anpatkana namanapa.

2 Corintios 4:17

An sukin tɨnta parishiztuasmin, nane pailta payukima parishizmanash. Sun pailtɨnazi. Na parishiztukas, Diosne nawa kwisha wat kit kit uskasa pailta payurakima uzninnazi. Tane kwisha wat puranapas.

Gálatas 3:26

U Jesucristora nɨjkulara akwa, Diosne uruza paiña kwal namninnara.

Gálatas 4:6

Mane aune Diospa pashpakanain makpas, Dios paiña painkulpa Sɨnam Izpulta aukasa chanpa ɨninta akwa. Sɨnam Izpul au kaijchukin nap uztu akwa, aune Taitta Diosta paikwashinamakpas.

Filipenses 3:21

Dios tɨnta kimtu akwa, usne au wan najtɨt ña paiña watsal ñakanain namninnazi. Dios tɨnta kishimtu akwa, wan chiwal ɨninshina, us kishit aizpa kianapa.

Colosenses 3:4

Cristone aumɨza mamasa uzninnanazi. Us kailkane, usne kwisha watsal naztam izanazi. Suasne ukas Cristokas parejuin puranazi izmuruzkanain.

Hebreos 9:28

Sunkana Cristone maza piji it kit au akwa piantatmika namta, au kwail kiarɨt akwa naizna. Sunkana usne wan awa kwail kiarɨt aizpa sɨnam sanashina. Cristo mamaz payura mamasa kailtukas, usne sun kailtu payura awa kwail kiarɨt aizpa sɨnam sammanazi, uspa kwail kiarɨt aizpa me sɨnam sarɨt akwa. Sun kailtu payura usne ussa tɨrizturuza watsat mɨlnanazi, chiyura uskasa uzanapa.

2 San Pedro 1:4

Diosne us kin namtɨt aizpa aumɨza chɨhkanarɨt, Diospa kwal namanapa. Usne watsal mɨlam mɨji. Aumɨza sun mɨlam kin namtɨt akwa, Diosne aumɨza kiwainnanazi, an sukin awa kwail kishimtu aizpa kiamanpa.

1 Juan 2:28

Mane, pashimtu pashpakanain, mɨrain. Cristokasa pailta payukima nukkultain, us amtu payura tɨnta nɨjkulanapa, us iztakin mɨtsal paamanpa.

1 Juan 2:7

Nane uruza, ap pashimtu añakanain, sun pɨnkɨhta an ñancha ɨnim akwa pananamtus, sun kianapa. Sun ɨnim masas chi. Cristora nɨjkularasmin, sun Dios watsal pit mɨarasmin, une sun antikwa ɨnim kiamɨzta.

1 Juan 3:1

Taitta Dios aumɨza kwisha pashinamtu akwa, usne aumɨza Diospa pashpa namninnarɨt. Watcha, Diospa pashparuz makpas. Katmizna au sukin uzturuzne, Diosta pianchiruzne, aumɨza pianchi, Diosta piankamarachi akwa.

1 Juan 3:10

Sunkana aune Diosta piantuzakas Diablokasa chamtuzakas pianmakpas. Wat kimtuchimikakas, paiña aimpihshta pashimtuchimikakas Diospa kwal chi mai.

1 Juan 3:21

Na pashimturuz, mɨrain. Kwail kirɨt aizpa ayukta nukkultukine, aune Diosta paikwashimakpas, ishkwatchin.

1 Juan 5:1

Wan “Jesús Cristo i” kiz kit nɨjkulturuzne Diospa kwalkana mai. Papihshta pashimtumikane papihshpa pashparuzakas panashimtu.

Apocalipsis 2:28

Maza kɨma kɨnmɨzka, naztam aizmu. Nane anuppamtumikasha sun kɨma aiztukanain namninnash, awa us akwa wat minñanapa.

Apocalipsis 22:4

Uspane paiña matsɨh izanazi. Usne paiña mun uspa kɨnijkin parananazi.