Matthew 9:3 - Kwara'ae

³ Ana kaidaꞋi neꞋeri, ti ngwae faꞋamanata ana taki ki kira ka manata Ꞌuri, “TalitoꞋona goꞋo God neꞋe saiana rufuanatalana taꞋangaꞋa ki. Nia ka faꞋabolotaꞋinia naꞋa faꞋinia God.”

Matthew 9:3 Iomraidhean Croise

Matthew 26:65

GoꞋo na ꞋingataꞋi fata abu neꞋeri, nia ka gasia na toro keta nia talana ka faꞋataꞋinia na saetaꞋanga nia, ma ka fata Ꞌuri, “Kulu kasi oga laꞋu ta ngwae ni fata faꞋamamana! Kulu rongoa taꞋifau naꞋa nia faꞋabolotaꞋinia naꞋa faꞋinia God.

Matthew 7:29

sulia kira sai leꞋa ana neꞋe sa Jesus nia faꞋamanata Ꞌani ngasingasiꞋanga ma na mamanaꞋanga maꞋi ana God. NoaꞋa nia kasi donga laꞋu sai Ꞌi ruꞋanga ngwae faꞋamanata ana taki sa Moses ki, osiꞋana kira faꞋamanata lala Ꞌani ngasingasiꞋanga kira ki talada.

Mark 14:64

Kaumulu tala rongoa naꞋa nia faꞋabolotaꞋinia faꞋinia God! Kamu manata faꞋuta ana?” Ma kira taꞋifau goꞋo, kira ka saea fasi nia rora naꞋa, ma nia bolo faꞋinia kira ke saungia naꞋa.

Mark 3:28

“Ru mamana nau ku saea fuamuꞋa, na abula taꞋangaꞋa ki, ma na fata faꞋalilana God neꞋe ngwae ki kira sasi, God nia rufuanata goꞋo Ꞌana.

Mark 3:29

Bore ma, diꞋia ta ngwae ke inaꞋo ana fata faꞋalilana na AnoꞋi ru Abu, God noaꞋa kasi rufuanata, sulia taꞋangaꞋa neꞋeri nia teoteo firi.”

Mark 7:21

OsiꞋana na manataꞋanga taꞋa ki nia saka maꞋi faꞋasia saena na liana ngwae, nia ka sasia ru taꞋa ki, ma nia ka bili, ma nia ka sau ngwae,

Luke 5:21

Ma na ngwae faꞋamanata ana taki ki faꞋinia Farasi ki, kira ka ngunungunu buri fuada kwailiu ma kira ka fata Ꞌuri, “Reala kwa! Nia saea niaꞋa ta ngwae faꞋuta mala niniꞋa? Nia faꞋabolotaꞋinia naꞋa faꞋinia God. Ngwae ki noaꞋa kasi rufuanata ana taꞋangaꞋa ki. TalitoꞋona goꞋo God neꞋe saiana rufuanatalana taꞋangaꞋa ki.”