Matthew 2:2 - Kwara'ae

² Ma kira ka saefiloa ngwae ki ma kika Ꞌuri, “ꞋUri ma na ngela ba ke baꞋa tatalafaꞋa fuana Jiu ki, nia futa Ꞌi faꞋi? Kami saiana nia futa Ꞌi neꞋe, osiꞋana kaidaꞋi kaimili tua Ꞌua maꞋi Ꞌi fanelana sina, kami lisia naꞋa faꞋi bulubulu neꞋe faꞋataꞋinia futalana maꞋi, ma kami ka leka maꞋi Ꞌiri mika bobo uruuru, ma mika faꞋa aofia.”

Matthew 2:2 Iomraidhean Croise

Matthew 2:3

Ma na manatana sa Herod na ngwae tatalafaꞋa nia manata Ꞌabera liu kaidaꞋi nia rongo sulia na ru neꞋeri, ma na ngwae Ꞌi Jerusalem ki logo.

Matthew 21:5

“Muke saea fuana ngwae ki Ꞌi Jerusalem muka Ꞌuri, ‘Lisia basi. Na ngwae tatalafaꞋa kamu, nia leka naꞋa maꞋi siaumulu. Nia ka faꞋatiꞋitiꞋi nia, ma ka leka maꞋi Ꞌi fafona na dongki. Nia ka leka maꞋi Ꞌi fafona na kala dongki.’”

Matthew 27:11

Ma sa Jesus ka uu Ꞌi naꞋona sa Paelat, na ngwae gwaungaꞋi faꞋasia Ꞌi Rom. Ma sa Paelat ka saefiloa ka Ꞌuri, “ꞋOe na ngwae tatalafaꞋa Jiu ki niniꞋa?” Sa Jesus ka olisia ka Ꞌuri, “Nia neꞋana Ꞌoko saea naꞋa.”

Luke 19:38

Ma kira ka fata Ꞌuri, “God Ꞌoke ꞋoilakitaꞋinia na tatalafaꞋa neꞋe nia leka maꞋi Ꞌani na ngasingasiꞋanga Ꞌoe! Ma na aroaroꞋanga faꞋinia God. Kuke baꞋatafea God neꞋe gwaungaꞋi Ꞌanga nia tasa!”

Luke 2:11

ꞋI taꞋena na FaꞋamauri kamu nia futa Ꞌi saena maꞋe fanoa sa David Ꞌi Betlehem, ma nia neꞋe na Christ na Aofia.

Luke 23:3

Ma sa Paelat ka saefiloa ka Ꞌuri, “ꞋUri ma ꞋaeꞋo neꞋe tatalafaꞋa ngwae Jiu ki kwa?” Ma sa Jesus ka olisia ka Ꞌuri, “Nia neꞋana Ꞌoko saea naꞋa.”

Luke 23:38

Ma kira ka keresia na alaꞋanga Ꞌuri maꞋi gwauna na Ꞌai rara folo, “NiaꞋa naꞋa neꞋe na ngwae tatalafaꞋa Jiu ki.”

John 1:49

Ma kaidaꞋi sa Nataniel ka rongoa na ru neꞋe, nia ka fata Ꞌuri, “FaꞋamanata Ꞌae, ꞋaeꞋo naꞋa neꞋe Ngela God! ꞋAeꞋo neꞋe na ngwae tatalafaꞋa ngwae Jiu ki!”

John 12:13

Kira leka, kira ka ngalia maꞋi uila niniu ki, ma kira ka leka maꞋi Ꞌiri kika saka toꞋona sa Jesus. Ma kira ka ri kira ka Ꞌuri, “BaꞋatafea God! God Ꞌoko ꞋoilakitaꞋinia na ngwae neꞋe nia leka maꞋi Ꞌani na ngasingasiꞋanga Ꞌoe! God ke faꞋaleꞋa na ngwae tatalafaꞋa kia Ꞌi Israel.”

John 18:37

Ma sa Paelat ka saefiloa ka Ꞌuri, “ꞋUri ma ꞋaeꞋo ta ngwae tatalafaꞋa niniꞋa?” Ma sa Jesus ka olisia ka Ꞌuri, “ꞋAeꞋo neꞋe Ꞌoko saea nauꞋa na tatalafaꞋa. Nau ku futa, ma nau ku dao maꞋi saena na magalia neꞋe fuana taꞋi ru goꞋo, fuana nai alaꞋa sulia na ru mamana. Ma sa tai neꞋe ka oga na ru mamana, nia roꞋo suli nau.”

John 19:19

Ma sa Paelat ka keresia na alaꞋanga, ma kira ka alua Ꞌi gwauna Ꞌai rara folo sa Jesus. Na alaꞋanga neꞋeri ki nia keresia ka Ꞌuri, “Sa Jesus faꞋasia Ꞌi Nasaret, na ngwae tatalafaꞋa Jiu ki.”

John 20:28

Ma sa Tomas ka olisia ka Ꞌuri, “ꞋOe na Aofia nau, ma na God nau.”

John 5:23

Nia kwatea ru neꞋe fuaku fasi Ꞌiri na ngwae ki taꞋifau kira ka fuꞋusi doe aku, diꞋia logo neꞋe kira fuꞋusi doe ana na MaꞋa nau. Ma sa tai neꞋe noaꞋa kasi fuꞋusi doe ana nauꞋa, nia noaꞋa kasi fuꞋusi doe logo ana MaꞋa nau neꞋe nia asungaꞋi nau maꞋi.

John 9:38

Ma na ngwae neꞋe ka saea, “Aofia Ꞌae, nau ku faꞋamamana naꞋa amu.” Ma nia ka bobo uruuru Ꞌi ano Ꞌi naꞋona Ꞌaena sa Jesus.

Hebrus 1:6

Ma ana kaidaꞋi neꞋe karangi fuana God ka kwatea maꞋi na Ngela ꞋinotoꞋa nia Ꞌuana na magalia, nia ka fata Ꞌuri, “Na Ꞌainsel nau ki taꞋifau kika foꞋosia.”

Reveleson 22:16

Ma sa Jesus ka fata laꞋu Ꞌuri, “NauꞋa sa Jesus neꞋe nau ku kwatea kwau na Ꞌainsel nau fasi Ꞌiri ke faꞋarongo Ꞌani ru neꞋe ki fuamuꞋa na ngwae faꞋamamana ki. NauꞋa neꞋe na ngwae ana na olitana kwalafa sa David na ngwae tatalafaꞋa. Ma nauꞋa naꞋa neꞋe na kwalikwali Ꞌofodangi neꞋe raralana ka madako liu.”