Matthew 17:9 - Kwara'ae

⁹ Ma ana kaidaꞋi kira koso maꞋi faꞋasia Ꞌi gwauna faꞋi ua neꞋeri, sa Jesus ka fata totongaꞋi fuada ka Ꞌuri, “NoaꞋa kamu kasi faꞋarongoa ta ngwae ana ru niniꞋa kamu lisiꞋi ki, leleka ka dao ana kaidaꞋi God ke taꞋe nau, na Ngela Ngwae, faꞋasia na maeꞋa.”

Matthew 17:9 Iomraidhean Croise

Matthew 12:16

Ma sa Jesus ka fata luida noaꞋa kira kasi alaꞋa suli nia siana ta ngwae laꞋu.

Matthew 17:12

Ma nau ku saea laꞋu fuamuꞋa, sa Elaeja nia dao maꞋi ka sui naꞋa. Bore ma na ngwae ki noaꞋa kasi lia sai goꞋo ana. Nia neꞋe, kira ka sasia goꞋo Ꞌada ru taꞋa ki ana niaꞋa sulia na kwaiogaiꞋanga kira ki. Ma kike baꞋa sasi ꞋunaꞋeri logo ana nauꞋa.”

Matthew 17:20

Ma sa Jesus olisida ka fata Ꞌuri, “Nia ꞋunaꞋeri, osiꞋana neꞋe faꞋamamanaꞋanga kaumulu nia olidoko liu. Ma nau ku saea fuamuꞋa, diꞋia na faꞋamamanaꞋanga kaumulu ana God doe ka diꞋia bore Ꞌana na maga Ꞌai tiꞋitiꞋi neꞋe kira saea Ꞌani mastad, kaumulu saiana muke sasia goꞋo Ꞌaumulu na tae neꞋe nia ka ꞋafitaꞋi. DiꞋia nia ꞋunaꞋeri, faꞋi ua loꞋoko bore, kamu ka Ꞌidua faꞋasia fuila Ꞌani fatalaumulu. Ma diꞋia kamu faꞋamamana ana ngasingasiꞋanga ana God, noaꞋa ta ru kasi ꞋafitaꞋi fuana muke sasia.”

Matthew 17:22

Ma ana kaidaꞋi fafarongo nia ki kira fiku maꞋi Ꞌi Galili, sa Jesus ka fata Ꞌuri fuada, “NauꞋa, na Ngela Ngwae, kike baꞋa kwate nau fuana malimae nau ki,

Matthew 17:23

Ꞌiri kira ka saungi nau. Bore ma ana uulu faꞋi asoa, God ke baꞋa taꞋe nau laꞋu Ꞌuana mauriꞋa.” Ma kaidaꞋi fafarongo ki kira rongoa sa Jesus nia fata ꞋunaꞋeri, kira ka kwaimanatai liu.

Matthew 17:8

Ma ana kaidaꞋi kira lia kwau, noaꞋa kira kasi lisia naꞋa ta ngwae, bore ma taꞋifilia sa Jesus goꞋo.

Matthew 8:20

KaidaꞋi sa Jesus rongoa na ru neꞋe, nia ka fata Ꞌuri, “NoaꞋa nia kasi talangwaraꞋu. Na kui kwasi ki kira toꞋo ana na kula kira ki fuana teoꞋa, ma na noꞋo ki logo kira ka toꞋo ana na nuꞋi kira ki. Bore ma nauꞋa, na Ngela Ngwae, noaꞋa nau kusi toꞋo ana ta luma Ꞌaku talaku fuana maliuꞋa ana.”

Matthew 8:4

Sa Jesus ka fata Ꞌuri fuana, “NoaꞋa Ꞌoe kosi faꞋarongoa laꞋu ta ngwae Ꞌani ru neꞋe nau ku sasia fuamu. Bore ma Ꞌoke leka basi, ma Ꞌoko faꞋataꞋinia naꞋa nonimu fuana na fata abu God, Ꞌoko alaꞋania fata abu God ka iroꞋo. Sui ma Ꞌoko kwatea na kwaisuꞋusiꞋanga Ꞌoe diꞋia ba sa Moses nia saea fuana kwatelana, fasi Ꞌiri ke kwatea faꞋamamanaꞋanga fuana na ngwae ki taꞋifau neꞋe nonimu nia mafo naꞋa.” Ma sa Jesus ka kwatea ngwae neꞋeri ka leka naꞋa Ꞌana.

Mark 8:30

Ma sa Jesus ka fata totongaꞋi fuada ka Ꞌuri, “NoaꞋa kamu kasi faꞋarongo laꞋu Ꞌani nau fuana ta ngwae.”

Luke 8:56

Na teꞋa nia faꞋinia na maꞋa ngela neꞋeri, kira ka Ꞌarefo liu ana ru neꞋeri. Sui sa Jesus ka luida noaꞋa kira kasi alaꞋa laꞋu sulia ru neꞋeri ki fuana ta ngwae.

Luke 9:36

Ma kaidaꞋi lingaꞋi fataꞋa neꞋeri nia sui naꞋa, taꞋi sa Jesus naꞋa Ꞌana neꞋe nia tua faꞋinia na uulu fafarongo nia ki Ꞌi neꞋeri. Ma kira ka noto fafia na ru neꞋeri, ma ana kaidaꞋi neꞋeri noaꞋa kira kasi faꞋarongoa naꞋa ta ngwae ana ru neꞋe kira lisia.