Luke 8:10 - Kwara'ae

¹⁰ ma nia ka olisida ka Ꞌuri, “KaidaꞋi sui ki, God noaꞋa kasi faꞋamadakola Ꞌua faꞋuta neꞋe nia ke baꞋa gwaungaꞋi fafia ngwae nia ki. Bore ma taꞋena, na madakolaꞋa niniꞋa dao naꞋa fuamuꞋa. Fuana ta ngwae laꞋu, nau ku fata Ꞌani tarifulaꞋa ki, ma noaꞋa naisi faꞋamadakola, fasi Ꞌiri, ‘Kira ke fafarongo, ma kike fafarongo, bore ma noaꞋa kira kasi saiana faꞋarongoꞋa God. Ma kira ke lia, ma kira ke lia, bore ma noaꞋa kira kasi lisia tae neꞋe God sasia fuada.’”

Luke 8:10 Iomraidhean Croise

Matthew 11:25

Ana kaidaꞋi neꞋeri, sa Jesus ka foꞋo ka fata Ꞌuri, “MaꞋasi, ꞋaeꞋo neꞋe Ꞌoko gwaungaꞋi fafia ru ki taꞋifau Ꞌi langi ma Ꞌi ano logo. Nau ku baꞋatafe Ꞌoe, duꞋungana neꞋe Ꞌoko faꞋataꞋinia GwaungaꞋi Ꞌanga Ꞌoe fuana ngwae neꞋe kira diꞋia ngela tiꞋitiꞋi ki, ma Ꞌoko sofongaꞋinia ru neꞋe ki faꞋasia ngwae neꞋe kira auraꞋeda duꞋungana kira liatoꞋo, ma kika lia saiana ru Ꞌoro ki.

Matthew 16:17

Ma sa Jesus ka fata Ꞌuri, “Simon na ngela sa John Ꞌae, nia ꞋoilakiꞋa fuamu. Sulia ta ngwae kasi faꞋataꞋinia ru neꞋe fuamu. Bore ma na maꞋa nau Ꞌi langi neꞋe nia faꞋataꞋinia fuamu.

Mark 4:11

Ma nia ka olisida ka Ꞌuri, “KaidaꞋi sui ki, God noaꞋa kasi faꞋamadakola Ꞌua faꞋuta neꞋe nia ke baꞋa gwaungaꞋi fafia ngwae nia ki. Bore ma taꞋena, na madakolaꞋa niniꞋa dao naꞋa fuamuꞋa. Ngwae neꞋe noaꞋa kira kasi oga fafarongo aku, nau ku fata Ꞌani tarifulaꞋa ki, ma noaꞋa naisi faꞋamadakola

Mark 4:12

fasi Ꞌiri, ‘Kira ke lia, ma kira ke lia, bore ma noaꞋa kira kasi lisia tae neꞋe God nia sasi fuada. Ma kira ke fafarongo, ma kike fafarongo, bore ma noaꞋa kira kasi saiana faꞋarongoꞋa God. Sulia diꞋia kira lia saiana, ma kira ka rongo saiana, Ꞌirai kira ke abula maꞋi fuana God, ma nia ke rufuanata ana taꞋangaꞋa kira ki.’”

John 12:40

Saena KerekereꞋa Abu, God nia fata Ꞌuri, “Nau ku bokota naꞋa na maada fasi Ꞌiri noaꞋa kira kasi lisia tae neꞋe nau ku sasi fuada. Nau ku faꞋangasia naꞋa manatalada fasi Ꞌiri noaꞋa kira kasi saiana tae neꞋe nau ku sasi fuada. Nau ku sasi ꞋunaꞋeri Ꞌada fasi Ꞌiri noaꞋa kira kasi saiana kakari alifaꞋi Ꞌanga laꞋu maꞋi Ꞌuaku Ꞌiri nau kui faꞋamauri kira.”

Na KerekereꞋa Sa Paul Fuana Ngwae FaꞋamamana Ki ꞋI Rom 16:25

Kuke fuꞋusi ꞋinotoꞋa ana God, osiꞋana nia saiana faꞋangasingasi lamuꞋa sulia na FaꞋarongoꞋa LeꞋa neꞋe nau ku faꞋataloꞋania. Na FaꞋarongoꞋa neꞋe nia leka sulia sa Jesus Christ. KaidaꞋi tau naꞋa maꞋi God noaꞋa kasi faꞋataꞋi madako ana FaꞋarongoꞋa LeꞋa neꞋe.

1 Korint 12:11

Sui bore Ꞌana nia ka kwatea na ngasingasiꞋanga matamata ki fuaka taꞋifau sulia na kwaiogai Ꞌanga nia, ma taꞋi AnoꞋi ru Abu goꞋo neꞋe kwateꞋe.

Kolose 2:2

Nau ku rao ꞋunaꞋeri sulia nau ku oga nai alungaꞋi kamu, ma Ꞌiri muke alafe fuamuꞋa kwailiu, ma muke saiana taꞋifau naꞋa faꞋarongoꞋa sulia sa Jesus Christ neꞋe God noaꞋa kasi faꞋataꞋinia maꞋi Ꞌi naꞋo.

1 Timoti 3:16

Nia mamana liu neꞋe na faꞋarongoꞋa God neꞋe nia faꞋataꞋinia fuaka nia mamana taꞋifau. Na faꞋarongoꞋa ba Ꞌuri, “Sa Christ alu nia ka ngwaeꞋa. Ma na AnoꞋi ru Abu ka faꞋataꞋinia naꞋa na sagalana. Ma na Ꞌainsel ki kira ka lisia naꞋa. Kulu ka faꞋarongo naꞋa Ꞌani niaꞋa fuana kwaluꞋani ngwae. Ma na ngwae saena fanoa Ꞌoro ki kira ka faꞋamamana naꞋa ana niaꞋa. Ma God ka ngali nia naꞋa Ꞌuana Ꞌi langi.”