Luke 10:7 - Kwara'ae

⁷ Muke tua Ꞌi saena na luma neꞋeri, ma muke Ꞌania, ma muke kwaꞋufia ta ru neꞋe kira kwatea fuamuꞋa. OsiꞋana na ngwae neꞋe nia rao, nia ke ngalia nama Ꞌana na folifoliꞋa nia. Kamu ke tua toꞋo, ma noaꞋa kamu kasi lae luma kwailiu.

Luke 10:7 Iomraidhean Croise

Mark 6:10

Ma kaidaꞋi ta ngwae nia kwalo kamu, kamu ke tua faꞋinia, leleka ka dao ana kaidaꞋi kamu ke leka faꞋasia na fanoa neꞋeri.

Luke 10:6

Ma diꞋia na ngwae neꞋe nia tua Ꞌi neꞋeri nia kwalo kamu Ꞌania aroaroꞋa, na faꞋaleꞋanga kamu ke tua logo faꞋinia na ngwae neꞋeri. Ma diꞋia ka noaꞋa, na faꞋaleꞋanga neꞋeri ka oli logo maꞋi fuamuꞋa.

Luke 9:4

Ma ti ngwae ana ta luma neꞋe kira kwalo kamu, muke tua babatoꞋo Ꞌi saena luma neꞋeri, leleka ka dao ana kaidaꞋi neꞋe kamu ke leka ana.

Acts 16:15

ꞋUnaꞋeri niaꞋa faꞋinia na ngwae saena luma nia ki, kira ka siuabu taꞋifau. Ma nia ka sae kaimili ka Ꞌuri, “OsiꞋana neꞋe kamu alafafia neꞋe nau ku faꞋamamana naꞋa ana na Aofia, nau ku oga muke leka maꞋi ma muka tua Ꞌi luma nau.” Ma kaimili ka tua Ꞌi luma nia sulia naꞋa fatalana.

Acts 16:34

Sui nia ka talaꞋia sa Paul ma sa Silas, kira ka leka Ꞌuana luma nia, ma nia ka saredaroꞋo. Ma nia faꞋinia na tuaꞋa nia, kira ka saeleꞋa liu, sulia kira faꞋamamana naꞋa ana God.

Acts 16:40

KaidaꞋi sa Paul ma sa Silas kera ruꞋu faꞋasia luma ni lokafo, kera ka leka saena luma Ꞌi Lidia. ꞋI neꞋeri kera ka dao toꞋona na ngwae neꞋe kira faꞋamamana ki, ma kera ka kwatea naꞋa alaꞋanga ana kwairaduꞋanga fuada, sui kera ka fiꞋi leka naꞋa adaroꞋo faꞋasia Ꞌi Filipae.

Galesia 6:6

Na ngwae neꞋe faꞋamanata kamu sulia fatalana God, bolo faꞋinia muke kwatea nama na kwaiꞋafiꞋanga ki fuana osiꞋana na faꞋamanataꞋanga leꞋa neꞋe.

1 Timoti 5:13

DiꞋia kira noaꞋa kasi Ꞌafe laꞋu, tama kira saiana faꞋalilana na kaidaꞋi kira ki fuana liu kwailiuꞋanga ana luma ki. Ma na ru neꞋe taꞋa ka tasa neꞋe kira tua ni alaꞋa goꞋo Ꞌada ana ti ngwae, ma kira ka fata sulia na ru neꞋe noaꞋa kasi bolo fuana alaꞋanga suliꞋi ki.

2 Timoti 2:6

Ma na ngwae neꞋe ka rao ngasingasiꞋa saena na oꞋola, nia totolia ka eta Ꞌania na ru ki saena oꞋola nia.