Wafilipi 2:7 - Lagano da Sambi kwa Wanhu Wose

⁷ Mbali kwa kulonda yeye mwenyewo, kayalekelela yayo yose, na kawa fana mtumwa. Kelekigwa kuwa munhu, kawoneka fana munhu.

Biblia Ching'hwele

⁷ Mbali kwa kulonda yeye mwenyewo, kayalekelela yayo yose, na kawa fana mtumwa. Kelekigwa kuwa munhu, kawoneka fana munhu.

Wafilipi 2:7 Iomraidhean Croise

Masayo 12:18

“Ino ni msang'hani wangu, yonimsagule, yonimulonda, na ninogeligwa nayo. Nizakwika Muhe wangu mchanyha yake, na kezagong'onda kwa haki muna zisi zose chila chinogile na chihile haulongozi wa Mulungu.

Masayo 20:28

fana viya Mwana wa Munhu hezile kusang'haniligwa bule, mbali kusang'hanila na kulava ugima wake kwa ichimu cha kukombola wanhu wengi.”

Maliki 9:12

Yesu kawedika, “Kweli Eliya kezakwiza teng'hu na kusasala chila chinhu goya. Mbali, habali yandikigwa Mwana wa Munhu kezagazigwa ng'hani na kulemigwa?

Luka 22:27

Kwaviya yelihi yeli mkulu? Ija yokala hasi yoja, hebu ija yosasala ndiya? Ni ija yokala hasi yoja. Mbali niye ni munhu yoyosang'hanila mgati yenu.

Yohana 1:14

Ija yoyatangigwe Mbuli kawa munhu, nayo kakala hamwe na cheye. Na cheye chiuwona utunhizo wake, utunhizo wa Mwana Nyachende yoyezile kulawa kwa Tata, kamema utunhizo na ukweli.

Waloma 1:3

Mbuli Inogile yomulonga Mwana wa Mulungu, Mndewa wetu Yesu Chilisito, kwa unhu wake kelekigwa muna welesi lwa Daudi.

Waloma 15:3

Kwaviya Chilisito hailondile mwenyewo bule, fana viya Yamaandiko Yelile viyolonga, “Maligo yose yowakuligile weye, yanipata niye Mulungu.”

Waloma 15:8

Kwaviya nowalongela kuwa Chilisito ugima wake kawasang'hanila Wayahudi, yapate kulagusa uwaminifu wa Mulungu na iviya ivilagano viya va Mulungu viyaweng'hile wasaho zetu, vidahe kufika.

Waloma 8:3

Yaja hayadahile kutendeka na Malagilizo ya Mulungu yoyamwing'hile Musa, kwaviya lukuli luli na uhasanyi lukala lwabule ludabwa, Mulungu katenda ivo kwa kumgala mwanage nyachende yeli na lukuli ulingile fana ng'huli zetu zili na uhasanyi, ivo katagusa uhasanyi uli muna ulukuli ulo.

2 Wakolimso 13:4

Mbali hata kawambigwa kwa ichimu cha unyondenyonde wake. Na sambi mgima kwa udaho wa Mulungu, na cheye iviya chawanyondenyonde muna ukuilumba na Chilisito, mbali chizakala nayo kwa udaho wa Mulungu muladi usang'hane usang'hano vimuli.

2 Wakolimso 8:9

Kwaviya muumanya unovu wa Mndewa wetu Yesu Chilisito, ingawa kakala na chila chinhu, yeye mwenyewo kaitenda ngayengaye kwa ichimu chenu, muladi mudahe kuwa na chila chinhu kwa ungayengaye wake.

Wagalatiya 4:4

Mbali lusita luja lwikigwe vilufikile, Mulungu kamtuma mwanage. Yoyelekigwe na mwanamke na kakala kwa kulangulizigwa na Malagilizo ya Mulungu yoyamwing'hile Musa,

Wafilipi 2:6

Chilisito kakala Mulungu kweli, mbali hagesile kuwa kulinga fana Mulungu ni chinhu cha kunanahila kwa ludabwa.

Waebulaniya 12:2

Chimulole Yesu, mwene kwandusa na kukomeleza uhuwilo wetu. Kwaviya kavimanya deng'ho dondayapate hamwande, kafunyila umoyo kudanganika mumsalaba na halolile chinyala chake. Lelo kakala na udaho kuna ichigoda cha chifalume cha Mulungu.

Waebulaniya 13:3

Sekemuwazimize waja weli muna ichifungo fana viya mufungigwa hamwe nawo. Sekemuwazimize waja wogaya fana viya mogaya fana wawo.

Waebulaniya 4:15

Mkulu wa nhambiko wetu digogogo kochiwonela ubazi ng'hani muna unyondenyonde wetu, kwaviya yeye mwenyewo kagezigwa fana cheye kwa chila nzila mbali hatendile uhasanyi bule.