Ɉeremi 27:5 - Bible

⁵ Ŋá ŋ̀éniɛi kpɛ̀tɛ da zu-ƃela kélee é pɛ́lɛ vɛnɛ-sãai kélee dîa a ŋáwala-wala laa kɛ́tɛi. Ŋa pɔ̂ri dɛɛ̂i núu sîi kélee da pɔ́ nyíi ŋa ŋ̀wɛ̂lii.

Yálá laawoo hɛɓɛ (dc)

⁵ Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Yálá laawoo hɛɓɛ

⁵ Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Ɉeremi 27:5 Iomraidhean Croise

Zɛnɛse 1:25

Nya ƃe Ɣâla è lɔɔ fɛnɛ-sãa kpɛ̀tɛ ǹɔii ma yɛ̂ɛ berei dísîi káa lai, da taa-tulɛ-ŋa é pɛ́lɛ tɔara-sãa kélee dîa yɛ̂ɛ berei dísîi káa lai. Nya ƃe Ɣâla è gàa a gɛɛ dílɛlɛɛi.

Zɛnɛse 9:6

Ǹúui kélee a m̀arâŋ ŋãa pûi, da pâi ŋɔ̂i pûi. Kpɛ́ni fêi, ŋá núu-kpune kpɛ̀tɛ a ŋ́gbîŋ ƃóloŋ-maa.

Ɛsdrasə 1:2

“Ńyãa Sarɔ, Pɛsia-ŋai díkâloŋ, Ɣâla Yâwɛɛ nyii gáa Ɣâla-taai, a ŋ́gɛ a kâloŋ ǹɔii ŋuŋ-ŋai kélee mɛi ŋ̀éniɛi su. A wála-wala-laa tɛɛ ḿbɔ a gɛɛ ŋá ŋɔpɛ́rɛi tɔ́ɔ Zerusâlɛŋ taa-leei su Zuda lɔii su.

Nehemi 9:22

“É kúla nyíti pôlu, í gɛ̀ dí kâloŋ-ŋa yée mɛi ɣále, dí dílɔii ŋuŋ-ŋai síɣe. Dí Ɛsibɔŋ lɔii mɛi Kâloŋ Siɔŋ yée mɛi ɣâle da Basãŋ lɔii mɛi Kaloŋ Oŋ. Í gâloŋ-ŋai ŋí dílɔii kélee tɛ̀ɛ dípɔ.

Mąątɛ̨nɛ̨ 102:25

Yá ƃé ǹɔii kpɛ̂tɛ tãi su kôyaa tɛɛ pôlu ma, í ŋ̀elei kpɛtɛ a yá kpîŋ íyee.

Mąątɛ̨nɛ̨ 96:5

Ǹɔii-ŋuŋ da kpɛ́ni su ɣala-ŋai díkaa nɔ́ a núu kpɛtɛ ɣâla-ŋa, kɛ́lɛ Yâwɛɛ ƃé ŋ̀elei kpɛ̂tɛ.

Lɛɛ gbɔwɔ ɓa 20:11

Kpɛ́ni fêi, fólo lɔ́ɔlu mɛi da yée mu ƃé Yâwɛɛ è ŋ̀elei kpɛ̀tɛ la da ǹɔii da ǹyái da zɛŋ kélee gáa dísui é víi tɔ́ɔ a mɛi feerɛ ɣelei. Mɛni ƃé Yâwɛɛ è lûwa làa la Vii-tɔɔ-ɣelei mâ é maa wáa.

Lɛɛ gbɔwɔ ɓa 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Azaya 42:5

Ɣâla Yâwɛɛ ƃé ŋ̀elei kpɛ̀tɛ da ǹɔii. È fúlu-sãa kélee kpɛ̀tɛ ǹɔii ma, é núu-kpune kpɛtɛ é ǹyaa Ɣâla ǹɛwo da ŋɔmɔ̂leŋ pú gbonôi. A m̀ôi ŋɔtíi kɛ́ nuui ma ǹyɛɛi,

Azaya 44:24

Yâwɛɛ a m̀ôi ǹyɛɛi, “Ńyãa ƃa káŋuŋ ma ƃó nuui Yâwɛɛ. Ńyãa ƃé kákpɛ̀tɛ. Ńyãa ƃa Yâwɛɛ. Ńyãa ƃé sɛŋ kélee kpɛ̀tɛ. Ŋá ŋ̀ele-kɔ̂lɔŋ fulomo ńyãa tɔnɔ. Ŋá ǹɔii kɛ̀ a zu kɛ́tɛ. Gbɛ̂ɛ ƃé kpɔŋ mâa tɛ̀ɛ ḿbɔi?

Azaya 45:12

Ŋá ǹɔii kpɛ̂tɛ, ŋá núu-kpune kpɛ̀tɛ, ŋá bú naa mɛi. Ńyãa ƃé ŋ̀elei kpɛ̀tɛ da zu sãa kélee. Ńyãa ƃa vóloi, ŋ̀áloŋ da bɛ́mɛlɛ̂ŋ-kao-ŋai kélee téniŋ tɔ̀ɔ.

Azaya 48:13

Ńyãa ƃé ǹɔii kpóŋ sèe. Ńyãa ƃé ŋ̀ele-kɔ̂lɔŋ kpɛ̀tɛ ŋá dɛ́ ǹɔii m̀ɛi pere. Ŋa lòno dípɔ, da ŋ́oo m̀ɛni.

Azaya 51:13

Ya nia íkpɛtɛ nuui Yâwɛɛ ma íkɛ̀-ɣéniɛi su. Ǹyaa ƃé ŋ̀elei kpɛ̂tɛ, é ǹɔii zônoŋ su kɔni-ŋai lâa ǹâai. Lé ƃé yao káa nɔ́ la kákɔlɔi kákpɔara-ƃelai mɛ̂ni ma nyíi-ŋai díkpîŋ kpɛtɛɛi a gɛ́ɛ dí kásu-karai? Dílii ŋwânai fé pâi sɛŋ da kɛ̂i a kâa.

Ɉeremi 27:4

Mó dîa a gɛɛ dí mó dímɛi-ƃelai dîa a gɛɛ Ŋ̀wála-wâla kélee Yâwɛɛi nyíi gáa a Eezuɛ Ŋɔɣâlai ǹyɛɛ ká mó kámɛi-ƃelai dîa kâa Yâwɛɛ ǹyɛɛi,

Ɉeremi 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔ̂ɔi ímaa mɛni ma.

Ɉeremi 51:15

Yâwɛɛ è ǹɔii kpɛ̂tɛ a ŋɔwála-wala-laai, ŋɔtárei ƃé è ŋ̀éniɛi kpɛtɛ la, é ŋ̀ele-kɔlɔŋ fúlomo.

Danîa 2:38

A wála-wala-laa tɛɛ ípɔ núu-kpune, fɛnɛ-sãa da ŋɔni-ŋa mɛi. Ƃɛ́i kélee da naai, íwala-walai káa dímɛi. Bɔɔ-kɔɔ̂ŋ ŋuŋ tí a gôoi ǹyaa ƃa yá.

Danîa 4:14

È lòno a ŋ̀óo su kɛ́tɛ ǹyɛɛi, “Kúla ŋ̀urii su í pîlaŋ í ŋ̀oŋo tée-tèe m̀a. Ǹáa kélee kpôloŋ mà í m̀á taa-taa. Yà gɛ̀ tí, zua-ŋai da pâi pûi ŋ̀ɔni-ŋai dí koôŋ.

Danîa 4:17

Ɣâla-taa kela-ŋa ƃé pà dí m̀ɛnii ŋí duŋ tòo a gɛɛ ŋ̀éniɛi su-ƃelai kélee dí gɔ́lɔŋ Ŋ̀wála-wâla kélee Ɣalai ƃe gáa kâloŋ-laa kélee mɛi. A wála-wala tɛ̀ɛ núu kélee pɔ́ yɛ̂ɛ berei a wɛ̂li lai. A nɛ̃ɛ ma maa nuui é kɛ́ a núu doo-mu.”

Danîa 4:22

“Óo Gâloŋ, yá ƃa ŋ̀úrii tí. Yaâ kɛ́tɛ, íkponôi a kpanaŋ. Íkɛtɛ-laai a ƃɔlɔ a seri ŋ̀ele-kɔlɔŋ ma, íwala-walai a ǹɔii mɛi pɛ́lɛ.

Danîa 4:25

A pâi íkulâi núu-kpune sáma ka fɛnɛ-sãa ka ƃò kwaa tɔ̂a. Ya pâi kɛ̂i naa a kóraŋ lɔ́ɔlu mɛi feerɛ kala kɛ̀ ƃò a íkɔnɔ̃ŋ yɛ̂ɛ niŋa, nɛŋ kɛ́ pù yâ. Ya pâi gɔlɔnîi a gɛɛ Ɣâla ŋɔwála-walai tɛɛ̂i kâloŋ-laa kélee ma. Ǹyaŋ a wála-wala tɛ̀ɛ núui pɔ́ a wɛ̂li é dɛɛ bɔ́i.

Danîa 5:18

“Ŋ̀wála-wâla kélee Ɣalai è ínâŋ kɛ̀ a núu kɛ́tɛ, é mù wùyɛ é wála-wala-laa tɛɛ bɔ́.

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Gɛlaɠaa 17:24

Ɣâla è ŋ̀éniɛi kpɛ̀tɛ da zu-sãa kélee. Gáa a ŋ̀elei da ǹɔii Dínuu-namu. Va kɛ̂ pɛ́rɛ da nyíi mu nyíi nûa da dɔ̀ɔ a díyêei.

Gɛlaɠaa 17:26

A sîi-ŋa kélee kula koo-ƃɔlɔŋ tɔnɔ su a gɛ́ɛ dí kɛ́ ǹɔii gwaa kélee. A díɣeniɛi koyaŋ tèe. A dílɔii-ŋai loai lâa,

Dutɛrɔnome 2:19

Ka sèri Amɔŋ ǹônii dîa, káfe dílii wána mɛni kɛ̀, kpaa máŋ ká kɔ́ pɛ́lɛ dîa. Fé pâi dílɔii da tɛɛ̂i kápɔ, kpɛ́ni fêi, ŋá nàa tɛ̀ɛ La ǹônii pɔ́ a díkɔ̃liŋ.’ ”

Dutɛrɔnome 2:21

Dí kɛ̀ a díyee-laa mu-seɣɛɛ, dítamaa, yɛ̂ɛ Anakiŋ-ŋa. Kɛ́lɛ Yâwɛɛ è wála-wala tɛ̀ɛ Amɔŋ-ŋai pɔ́ dí díkula ǹɔii ma dísee naa,

Dutɛrɔnome 2:7

“Yâwɛɛ a lûwa láa kâa m̀ɛnii su ka gɛ̂i. È m̀ɛnii kɔ́lɔŋ ká tɛ̀ɛ zu vɛ̃ɛ-kpâlaŋ sui. Góraŋ buu náaŋ ká gɛ̀ naa è kɛ̀ kákɔlɛ. Sɛŋ da gôlo fé tòo ní kâa.

Dutɛrɔnome 2:9

Yâwɛɛ è mò mâ ǹyɛɛi, ‘Káfe sɛŋ da kùla Môa-ŋai yêei kpaa máŋ ká kɔ́ dípɔ. Fé pâi dílɔii gbua da tɛɛ̂i kápɔ. Kpɛ́ni fêi, ŋá Âa tɛ̀ɛ La ǹônii pɔ́ a gɛɛ é kɛ́ a díkɔ̃liŋ.’ ”

Dutɛrɔnome 32:8

Tãi Ŋ̀wála-wâla kélee Ɣalai è ǹɔii-dílɔii-ŋai tɛ̀ɛ la dí pɔ́i, È ŋ̀áa kɔ̀lɛ ǹûai dîa ǹɔii su é goyaŋ-pere-ŋai láa díloai, é Ɣâla-taa kela-ŋa see dímɛi díkɛ dímɛi kâa.

Dutɛrɔnome 4:17

fɛnɛ-sɛŋ, ŋɔni,

Dutɛrɔnome 4:25

“Tãi ka pâi kɛ̂i la ǹɔii su a tãi su kôya ká nîa-pɛlɛɛ maa sɔlɔ ƃó, diaŋ dí kɛ́ díwɔ̂ nia-pɛlɛɛ maa sɔlɔ ƃoi, à kɛ̀ kà pɛ̀lɛ wôya mɛni-ŋa kɛ̂i, ká Ɣâla pɔkɔɔŋ-ŋa saa kámɛni ma, ká kɛ́ mɛni nyɔ́mɔɔ da kpɛ́ni-ŋa kɛ̀, nyii vé a Yâwɛɛ líi láa mɛni-ŋai,

Dutɛrɔnome 4:32

“Íkili-ŋa sía é pîlaŋ wɔlɔ-wɔlɔi tí su mà, tãi dí fé nîi kɛ̀ ímaa sɔlɔ ƃó ní lai é tóo tãi ma Ɣâla è núu-kpune kpɛ̀tɛ la ŋ̀éniɛi sui. Mɛni kɛ́tɛ kɛ́ɛ ŋí ta a wɔ́lɔ kɛ́ a bɔlɔ? Núu da a tá wɔ́lɔ nyíŋi da mɛni?

Dutɛrɔnome 4:35

È mɛni-ŋai ŋí kɛ̀ káŋɛi-tuɛ a gɛɛ ká gɔ́lɔŋ ǹyaa ƃa Káɣâlai Yâwɛɛ. Ɣâla da kpɛ́ni fé naa é kúla bôlu.

Dutɛrɔnome 5:16

“ ‘Ka ŋumɛ maa tɛɛ kánâŋ-ni da kálee-ni pɔ́ yɛ̂ɛ berei ńyãa Yâwɛɛ Káɣâlai ŋa m̀ôi la kâai. Ka gɛ̀ tí, gɛ̀ ní káfulu-laai su a pâi kôyai ǹɔii ma Káɣâlai Yâwɛɛ a dɛɛ̂i kápɔi.

Dutɛrɔnome 9:29

Nyiŋi pôlu mà, díkaa a ínûai, nyii-ŋai dí siɣe zu dí ƃò tela a ípɔ̀ɔ-sɛŋ namela. Í díkula Ize í pà a dia a íwala-wala laai.’

Kolosə 1:16

kpɛ́ni fêi, sɛŋ kélee e kpɛtɛ gbonôi, ŋ̀elei su-sãai kélee da ǹɔii ma-sãai kélee, nyíi-ŋai kwa díkâa da nyíi-ŋai kúfa díkaâi, é máŋ kɛ́ a kâloŋ-laa, kpaa nuu-namu-laa, kpaa nuu-mɛi-ƃela, kpaa máŋ wála-wala-ƃela-sɛŋ kélee e kpɛ̀tɛ zarâi, m̀aa-mɛni ma.

Hebreu 1:2

Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi.

M̀ɛni-lɛɛi 4:11

“Ímaa nɛɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”