Ɉeremi 16:4 - Bible

⁴ Kɔlɔ-fela nyɔ́mɔɔ a pâi dípaâi, núu da fé pâi dímaa ḿâloŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Yálá laawoo hɛɓɛ (dc)

⁴ Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Yálá laawoo hɛɓɛ

⁴ Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 16:4 Iomraidhean Croise

Tɔɔɓɛlaa veelɛ 9:10

À kɛ̀ a Zɛsebɛɛ, ɣîla-ŋa da pâi boma miî Zariɛɛ kpiniŋ su. Gbua da fé pâi lɛɛ̂i.” Nya ƃe è kɛ̀ tí, Ɣâla ŋɔlóno-kɛ-nuui è gbôŋ lá ƃò é pú a kîrɛ.

Mąątɛ̨nɛ̨ 78:64

Dí dísâla láa soŋ-ƃelai pàa a ŋwana-lɔ̂ɔ pere. Pɔ̂ri mâa fé kɛ́ ní dínɛyâai dîɛ a gɛɛ dí maloŋ see ƃó dímɛni ma.

Mąątɛ̨nɛ̨ 83:10

Í díyee mɛi ɣâle Ɛŋdɔŋ, dípoma é lɛ́ɛ a dáa tâa ǹɔii ma dí lûla.

Azaya 18:6

Díkɔ-kuluƃa wála-wala-ŋai kélee da pâi saâi dípoma táa-tâa banaŋ ma. Dípoma a pâi kɛ̂i a ŋɔni-ŋa da fɛnɛ-sãa kɔ́nɔ̃ŋ.”

Azaya 5:25

M̀ɛnii ŋí ƃa gɛ́ Yâwɛɛ a ǹíi ŋwána ŋɔnûai dîa. A dísu-kara a lii ŋwâna-pere. A gɛ́ ǹyée kpaya-kpayai da kpɛ̃lîŋ. Ǹûai poma a táa-tâa bere lêe-ŋai dîa. Berei máŋ gáa tí lai, Yâwɛɛ ŋɔlii ŋwânai ŋáa fé niî yeŋ ní ǹyaŋ a pâi dí kula maa kɛ̂i.

Ɉeremi 19:7

Ŋa pâi gwaai ŋí ma kɛ̂i a pîleŋ ŋá. Ŋá Zuda da Zerusâlɛŋ dímɛni kpɛtɛɛ-ŋai kélee su kara. Ŋa pâi gɛ̂i dínûai dí lɛ́ɛ kɔ́ su díkpɔara-ƃelai yée mu. Ŋa pâi dípoma tɛɛ̂i ŋ̀ɔni-ŋai pɔ́ díkaa ŋ̀elei sui da vɛnɛ-sãai díkaa ǹɔii mai a dí kɔ́nɔ̃ŋ.

Ɉeremi 21:6

Fúlu-sãa kélee gáa daai ŋí sui, ŋa pâi gélee paâi, a nɛ̃ɛ ma é kɛ́ a núu kpaa taa-tulɛ. Kɔlɔ-fela nyɔ́mɔɔ a pâi dípaâi.

Ɉeremi 25:33

Maa tãi tí ma, diai Yâwɛɛ a pâi dípâai, dípoma a pâi kɛ̂i a dáa-taa ǹɔii gwaa kélee ma. Núu da fé pâi kɛ̂i naa é dísaa wɔ̂lɔ kɛ́ kpaa é dísaa lóo. Kɛ́lɛ dípoma a pâi kɛ̂i a dáa-tâa ǹɔii ma yɛ̂ɛ kpó.

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Ɉeremi 34:20

Ŋa pâi dítɛɛ̂i díkpɔara-ƃelai pɔ́ nyii-ŋai ŋ̀wɛ̂lii dí dípaai a gɛɛ dí dípaa. À kɛ̀ tí, da pâi kɛ̂i a ŋɔni-ŋa da fɛnɛ-sãa kɔ́nɔ̃ŋ.

Ɉeremi 36:30

M̀ɛni ma, ńyãa Yâwɛɛ ŋa môi yâ gâloŋ Zɛoakiŋ a gɛɛ ísuui su-nuu da fé pâi kɛ̂i a kâloŋ Deeƃé ŋɔkâloŋ-laai su. Da pâi ípoma pilîi ƃɛ́i a pâi kɛ̂i naa banaŋ ma vóloi kɛ́ tòo m̀a a ɣele-ƃɔɔ, kɔ́lɛ kɛ́ pù ma a gbínii.

Ɉeremi 44:12

É máŋ kɛ́ yɛ̂ɛ diai da lɛɛ dí kɛ́ ŋ̀wɛli a gɛɛ dí lí dí sée Izei, ŋa pâi lɛɛ̂i dípôlu ŋá dísu kara. É máŋ kɛ́ a ǹûa kpaya-kpayai kpaa máŋ bɛlɛɛ-pɛlɛɛi, díkelee da pâi saâi Ize lɔii su a puru, kpaa máŋ dílɛɛ kɔ́ su. Da pâi kɛ̂i a ɣɛ́lɛ maa sɛŋ. Nûa láa a pâi kpâlai dîa, díkɛ ɣɛ́lɛ-maa kûla díkponôi, dí kɛ̀ dífoo a dílaa.

Ɉeremi 44:27

Ŋa pâi gɛ̂i káfa ƃûu ƃo, kɛ́lɛ ka pâi saâi. Kákélee kpɔ́ ka pâi saâi kɔ́ su kpaa máŋ a kɔlɔ-fela é lɛ́ɛ la zu káta dɔnɔ kpîŋ da fa lɛ̂ɛ ɣele ma.

Ɉeremi 7:33

Ǹûai ŋí poma a pâi kɛ̂i a ŋɔni-ŋai da vɛnɛ-sãai kɔ̃́nɔŋ ǹyaŋ núu da fé pâi kɛ̂i naa é díkpɛ.

Ɉeremi 9:22

Yâwɛɛ è mò ǹyɛɛi, “Kɛ́ yɛ̂ɛi, ‘Núu poma a pâi kɛ̂i a daa-tâa ǹɔii su yɛ̂ɛ niŋa kpô. A pâi kɛ̂i yɛ̂ɛ mɔlɔŋ a tàa-taa mɔlɔŋ-kpâŋ su mɔlɔŋ tée núu pôlu. Núu da fé naa é díloo.’ ”

Woolaa 4:9

Diai dí dípàa a ƃóa-sɔkpɔ-ŋai, dímaa nɛ̃ɛ̂i é tɛ́ɛ diai dîa puru ŋánaa è dípàai. Dílɛ̂wo é kɛ̀ kpɛɛ̂i díkponôi, mii-sɛŋ da fé naa dí mii.

Izikiɛ 24:21

‘Ŋá worɛ̂ɛ-wooi ŋí ƃó Eezuɛ-ƃelai dîa. Ŋa pâi ŋá ɣâla-pɛrɛ kɛ́tɛi nyii ka kɛ̀ ŋɔwála-walai laai maa yôŋka têei maa-tĩa karâi. Ka ŋ̀wɛ̂lii ká ŋ̀âla-pɛrɛi ŋí káa, ká lí mu. Ǹyaŋ ká lônii-sinaai da kálônii-nɛyãai nyii-ŋai pâi lɛɛ̂i ká pôlu ká taai sui da pâi lɛ̂ɛi ƃóa-sɔ̂kpɔ mù.

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔ̂kpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔpɔ kuláa daâi.’

Sofoni 1:17

Yâwɛɛ è mò ǹyɛɛi, “Ŋa pâi mɛni kpɔ̂lu lâai núu-kpune ma kpɛ́ni fêi da sɔnyɔ̂ŋ kɛ́ a ńyãa. Pɔri mâ fé pâi kɛ̂i dîɛ yɛ̂ɛ ŋ̀ɛ́i-pu-nuu nyii gáa berei kɔ̂rii. Díŋãa a pâi pûi yɛ̂ɛ yá. Ǹyaŋ dípoma a pâi lûlai ǹɔii ma.”

Dutɛrɔnome 28:22

A pâi tɔ̃lɛ kɔlɔ-fela pilîi kâa, fɛ́ɛ-fɛɛ kɔlɔ fela da kɔlɔ fãa-maa kpanaŋ. A pâi gɛ̂i fólo é tóo a ŋánaa fãa kpanaŋɔɔ kɛ́ tɛ̀ɛ nyii pâi gɛ̂i kási-sãai dí kpála. À kɛ̀ tí puru kɛ́tɛ a pâi toôi ǹɔii su. A pâi gɛ̂i pûŋ é pɛ́lɛ kási-sãai dîa dífa ŋɔ́nɔ ƃà. Mɛni-ŋai ŋí da pâi lɛɛ̂i kɛ̂i a káa é lɛ́ɛ la zu ká sáa kpɔ́ kpúŋ.

Dutɛrɔnome 28:26

Kápoma a pâi kɛ̂i a mii-sãa ŋ̀ɔni-ŋai da ǹɔɔ-fɛnɛ-sãai mɛni ma. Núu da fé pâi kɛ̂i naa é dímaa yao.