Ɉeremi 15:4 - Bible

⁴ Ŋa pâi gɛ̂i gâloŋ-laa-ŋai díkaa ŋ̀éniɛi sui, díɣɛlɛ-maa kúla díkponôi, m̀ɛnii Zuda kaloŋ Ɛsekaya nyíi kɛ̀ a Manasɛ ǹóŋ è wɔ́lɔ gɛ̀ Zerusâlɛŋ mɛ̂ni ma.”

Yálá laawoo hɛɓɛ (dc)

⁴ Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Yálá laawoo hɛɓɛ

⁴ Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 15:4 Iomraidhean Croise

Tɔɔɓɛlaa veelɛ 21:1

Manasɛ è kɛ̀ a kóraŋ puu káo feerɛ tãi è pɛ̀lɛ gâloŋ-laai kɛ̂i la Zuda lɔii sui. Manasɛi ŋí ǹee láa ƃé kɛ̀ a Ɛziba. Manasɛ è kɛ̀ gâloŋ-laai su a kóraŋ buu lɔ́ɔlu káo lɔ́ɔlu. Zeɛ́ɛ è kɛ̀ Zerusâlɛŋ taa-leei su.

Tɔɔɓɛlaa veelɛ 21:15

Ŋa pâi nyíŋi kɛ̂i a ŋánûai kpɛ́ni fêi, da sɔnyɔ̂ŋ kɛ́ a ńyãa é síɣe tãi ma dínûa pɔlɔ-ŋai dí kùla la Ize lɔii su é tóo sâai ŋí ma.”

Tɔɔɓɛlaa veelɛ 21:2

Manasɛ è Yâwɛɛ wóo pìli a bîlaŋɔɔ mɛni nyɔ́mɔɔ-ŋai kɛ́ɛ pôlu nyii ǹɔii-ŋûŋ-ŋai dí kɛ̀ gɛ̂i Yâwɛɛ kɛ́ díkpɛ̀ Eezuɛ ŋɛ́i-tuɛi.

Kɔlɔnikɔ Veerɛi 33:1

Manasɛ è wɔ́lɔ kɛ a koraŋ puu-káo-feerɛ tãi díwɔlɔ gɛ la a kâloŋ. È gɛ galoŋ-laai su a koraŋ buu-lɔ́ɔlu káo-lɔ́ɔlu. Zeɛɛ è kɛ Zerusâlɛŋ.

Kɔlɔnikɔ Veerɛi 33:2

È tùa-nyɔ̂ŋ támaa kɛ Yâwɛɛ ŋɛ́i. A kâa tùa nɔ́ yɛ̂ɛ ǹɔii-ŋai kɛ gɔlɛ mai su-ƃelai nyíi ŋai Yâwɛɛ è wɔ́lɔ díkpɛ Eezuɛ-ŋai ŋɛ́i-tuɛi.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Ɉeremi 9:16

Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”

Woolaa 1:8

Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Izikiɛ 18:19

“Kɛ́lɛ ka pâi mòi kaai, ‘Lé ƃe kɛ ǹoŋ-nuui fé mɔ̃lɛ ni ǹâŋ ŋɔmɛni nyɔ́mɔɔi maa mɛ̂ni mai?’ A kɛ ǹoŋ-nuui è teniŋ ƃô tua kɛ́, ǹyaŋ gɛ ŋatɔ̂ŋ ŋai mɛi káa a ǹɛ́lɛɛ, a pâi lɛɛ tí-ti ƃôi ɣele ma.

Izikiɛ 23:46

Ŋ̀wála-wâla kélee Yâwɛɛi è mò ǹyɛɛi, “Pá a núu-kpulu a gɛɛ é mɛni kpɔ̂lu láa dîa, é ŋúma kɛ́ dîa.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Dutɛrɔnome 28:25

“A pâi gɛ̂i kákpɔara-ƃelai yée é tɛ́ɛ kâa. Ka kɔ̀ dípɔ ka pâi pûi díyêei. Ǹɔii-ŋuŋ kpéli-ŋai su-ƃelai da ká kàa dílaa a pâi kpâlai dîa.

Dutɛrɔnome 28:64

“A pâi kátaa-tâai lɔii-ŋuŋ-ŋa su. Ka pâi kɛ̂i naa ká kɛ́ ɣâla da kpɛ́ni-ŋa fɛli nyii-ŋai díkpɛtɛ̂i a wúru da kɔni-ŋai, nyii-ŋai ka kánâŋ-ni káfe kɛ́ ní a díkɔlɔŋɔɔi.