Ɉeremi 11:8 - Bible

⁸ Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Díkelee dí tùa nɔ́ yɛ̂ɛ berei díwôlii kpɔ̂lɔ maa kili-ŋa sia nyɔ́mɔɔi káa lai. M̀ɛni ma ŋá pá dípɔ a dɔŋ kpɛ́-maai kélee gáa gbanaŋ-wooi su nyii ŋá mò dîa a gɛɛ dí gɛ́ kɛ́lɛ dífe gɛ́ nii.”

Yálá laawoo hɛɓɛ (dc)

⁸ Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Yálá laawoo hɛɓɛ

⁸ Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 11:8 Iomraidhean Croise

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Nehemi 9:29

Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Ɉeremi 13:10

Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Ɉeremi 3:17

Tãi ŋí à sèri, da pâi Zerusâlɛŋ tôlii a ‘Yâwɛɛ ŋɔkâloŋ-see-sɛŋ.’ Ǹyaŋ ǹɔii-ŋai kélee da pâi díŋa tɛ̂i gîe ma naa dí kɛ́ ǹáa maa tɛ̀. À kɛ̀ tí, dífe ŋɔ́nɔ pâi lɛɛ̂i díkpɔɔi lii-su-kpanaŋ nyɔ́mɔɔi pôlu.

Ɉeremi 31:32

Vé pâi kɛ̂i yɛ̂ɛ gbanaŋ-wooi nyíi ŋá gɛ̀ dínâŋ pɔlɔ-ŋai yêei a tãi ŋá dísòŋ la a díyee ŋá díkula Ize lɔii sui. Berei máŋ ŋá kɛ̀ la yɛ̂ɛ dísurɔ̂ŋ, dífe ŋákpanaŋ-wooi mɛi káa ní.

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Ɉeremi 34:14

kóraŋ lɔ́ɔlu mɛi-feerɛ kélee su, dí díƃarâa Ibulu-nuui nyíi gáa díyêei a luɛ nyíi a tíi kɛ́ dîɛ a kóraŋ lɔ́ɔlu-mɛi-dai ŋuŋ ma ƃó. Kɛ́lɛ, kánâŋ pɔlɔ-ŋai dífe díwoli tɔ̀ɔ ní ḿâ, kpaa máŋ dí m̀ɛnii kɛ́ ŋá mò dîai.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 35:17

M̀ɛni ma, Ńyãai a Ŋ̀wála-wâla kélee Yâwɛɛ, nyíi gáa a Eezuɛ Ŋɔɣâlai, ŋa pâi pâi a m̀ɛni kpɔ̂lui ŋá ŋ́gono tèe a gɛɛ ŋa pâi pâi la Zuda da Zerusâlɛŋ-ƃelai dîai. Ŋa pâi nyíŋi kɛ̂i, kpɛ́ni fêi, káfe káwoli tɔɔ ní m̀ɛnii ma ŋá mò kâai. Káfe káyee see ní ŋ́oo mu a tãi ŋá kátòli lai.”

Ɉeremi 38:20

Ŋá mò mà, “Dífe pâi ítɛɛ̂i dípɔ. Ŋa pɛlɛ̂i a íkɔɔ a gɛɛ í íwoli tɔ́ɔ Yâwɛɛ ŋɔworɛ̂-wooi ma. Gɛ̀ ní, m̀ɛnii kélee a pâi kɛ̂i a ǹɛ́lɛɛ ímɛni ma, ílɛɛ a ífulu.

Ɉeremi 44:16

“M̀ɛnii kpɔ́ í mò kûa Yâwɛɛ láai sui, kúyee fé mu.

Ɉeremi 44:17

M̀ɛnii nɔ́ kú mòi, ǹyaa nɔ́ ƃé kwa pâi gɛ̂i. Kwa pâi sâla kulâi kúɣâla-nɛnii ma, nyíi gáa a Ŋ̀âla-taa Kâloŋ-nɛnii. Kwa pâi kpele-sɛŋ sala kulâi m̀a yɛ̂ɛ berei nɔ́ kwa kúnâŋ pɔlɔ-ŋai, kúkâloŋ-ŋai da kúlaa túɛ-ƃelai kwa kâa gɛ̀ la daa-ŋai su Zuda da Zerusâlɛŋ pere-ŋai mai. Tãi tí ma, mii-sɛŋ támaa è kɛ̀ kúyêei, kúkɔ̃lîŋ támaa, mɛni kpɔ̂lu da fé kúpôlu.

Ɉeremi 44:5

Kɛ́lɛ, káfe káwoli tɔɔ ní ḿâ, kpaa máŋ ká m̀ɛni-ŋai kɛ́ nyíi-ŋai maa-nɛ̃ɛi ká gɛ́i. Ká kɛ̀ nɔ́ ká ŋwana-lɔɔ tuai kɛ̂i ká kɛ́ sâla kùla ɣâla da kpɛ́ni-ŋa dîa.

Ɉeremi 7:13

Yâwɛɛ è mò ǹyɛɛ, kpɛ́ni fêi, kâa m̀ɛni-ŋai ŋí kɛ́i, berei ŋá lòno la kápɔ gîe mɛi a gɛɛ káfe gɛ̀ tíi, káfe ká wóli tɔɔ ní ḿâ. Tãi ŋá ká tòli lai, káfe ŋ́oo su too ni.

Ɉeremi 7:24

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Kɛ́lɛ dítùa a dínîa-pere. Dí liî su kpanaŋɔ̂ɔi a mɛni nyɔ́mɔɔ kɛ́ɛ. Díkɛ lí pôlu pere dífa lî tuɛ-pere.

Ɉeremi 7:26

Kɛ́lɛ, dífa díwoli tɔ̀ɔ ḿâ, kpaa dí ŋ́oo mɛni. Kɛ́lɛ da kɛ̂ nɔ́ ŋuŋ-su kpânaŋ kulâi. Da mɛni nyɔ́mɔɔ ŋánaa kɛ́ a tɛɛ dínâŋ pɔlɔ-ŋai dîa.”

Izikiɛ 20:8

Kɛ́lɛ dítɔ̂ɔ ḿâ, dífe díwoli tɔɔ ní ḿâ. Dífe dí ɣâla pɔɔkɔŋ nyɔmɔ ŋai pili ni, kpaa máŋ dí dípôlu tɔ̀ɔ Ize ɣâla pɔɔkɔŋ ŋai dîa. Ŋá nâa gbɛtɛ a gɛɛ ŋá ńii wãna kpɔ́ dîa a ŋánaa Ize.

Zakari 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Zakari 7:11

“Kɛ́lɛ dífe díwolii tɔɔ ní, dí díkoôŋ tɛ̀ a dia dí díwoli láa tɛ́ a gɛɛ dífe mɛni mɛ̂ni,