Timote dɔlɔɔ 4:1 - Bible

¹ Mɔ̂leŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ-mɔleŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

Yálá laawoo hɛɓɛ (dc)

¹ Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Yálá laawoo hɛɓɛ

¹ Yálá-Nįį a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote dɔlɔɔ 4:1 Iomraidhean Croise

Zɛnɛse 3:13

Nya ƃe Yâwɛɛ Ɣâla è mò nɛnîi ma ǹyɛɛi, “Lé ƃé ŋí ƃa gɛ́i?” Nɛnîi ǹyɛɛ mai, “Galii ƃé ńdûmo ŋá mii.”

Tɔɔɓɛlaa dɔlɔɔ 13:18

Ɣâla ŋɔlóno kɛ́-nuu pɔlɔi è zu tòo ǹyɛɛ m̀ai, “Ńyãa máŋ ŋ́gaa a Ɣâla ŋɔlóno kɛ́-nuu nɔ́ yɛ̂ɛ berei íkaa lai. Ɣâla-taa kela tɔnɔ è lòno ḿbɔ a Yâwɛɛ wóo ǹyɛɛi, ‘Pá la pôlu ípɛrɛi lá a gɛ́ɛ é mii-sɛŋ mii, é yá kpéle.’ ” Kɛ́lɛ è kɛ̀ lɛ́ɛ kɛ̂i ma.

Azaya 2:2

Ɣele-ŋa da pâi, maa tãi tí, ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai, a pâi kɛ̂i ŋ̀éniɛi su yee kpaya-kpayai kélee mɛi. A pâi kɛ̂i a dɔɔ́ dɛɛ́ ǹyée-ŋai kélee dîa. Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.

Ɉeremi 23:26

Tãi ɣɛɛlu yée mu ƃé ɣâla ŋɔlóno kɛ́-ƃelai tí da pâi kɛ̂i lɛ́ɛ kɛ̂i la ŋánûai dîa a ǹɛ́ɛ-ŋai da gbɛ̀tɛ díkili ŋái?

Ɉeremi 48:47

Kɛ́lɛ, ŋ̀elei káa pâi nyíi Yâwɛɛ a pâi gɛ̂i Môa é ŋɔ́nɔ ƃûu ƃó lai. M̀ɛni-ŋai ŋí ƃé Yâwɛɛ è wɔ́lɔ mò a gɛɛ a pâi kɛ̂i a Môa.

Ɉeremi 49:39

Kɛ́lɛ, ǹaa-loŋ a gɛ̀ tí, ŋa pâi gɛ̂i Elaŋ é ƃûu ƃó ŋɔ́nɔ. Ńyàa Yâwɛɛ ƃé mò tí.”

Izikiɛ 38:16

Ya pâi pâi ŋánûai Eezuɛ mɛi yɛ̂ɛ Tuna-ya-kpini a ǹɔii mɛi pɛ̂lɛ. Ǹaa a kɛ̀ tí, ŋa pâi pâi a yá íkɔ pɛ́lɛ ŋálɔii ma a gɛɛ ŋ̀éniɛi su lɔii-ŋuŋ-ŋai dí gɔ́lɔŋ ǹúui ńyãai a Yâwɛɛ ŋ́gaa lai. Ŋa pâi ŋá maa wâa laai lɛ̂i a m̀ɛnii ŋa pâi gɛ̂i yá Gɔ̂ɔ ísarâi.

Danîa 10:14

M̀ɛni ma ŋá pá a gɛɛ ŋá m̀ɛnii ŋá lɛ yâ pâi kɛ̂i a ínûai tínaa tuɛ-perei. Zĩai ŋí káa tínaa tuɛ-pere mɛni ma.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Mise 4:1

Ɣele-ŋa da pâi, maa tãi tí, ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai, a pâi kɛ̂i ŋ̀éniɛi su yee kpaya-kpayai kélee mɛi. A pâi kɛ̂i a dɔɔ́ dɛɛ́ ǹyée-ŋai kélee dîa. Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.

Lonon mo 24:14

Gáa, ŋa pâi liî pôlu ŋánûai pɔ́ naa kɛ́lɛ ŋá lɛ́ɛ pâi liî pôlu, ŋa pâi mɛnii lɛ̂i yâ Eezuɛ-ŋai da pâi gɛ̂i a ínûai tínaa-tuɛ-perei.

Maafîu 18:7

Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!

Lukə 17:1

Nya ƃe e mò ŋɔpôlu-ƃelai dîa, ǹyɛɛi, “Va wɔ́lɔ pɔ̂ri kɛ̂i a gɛɛ su-kɔɔŋ fé pa; kɛ́lɛ, kpalo ƃélaâi ǹúui ma a pa lai!

Ɉaan 16:13

Dɔ̃yâ-mɔleŋ à pà, a pâi kátenîŋ tɔɔ̂i dɔ̃yâi kélee su. Kpɛ́ni fêi, ve pâi lônoi a gbɔɔ̂i-woo. Kɛ́lɛ, nyiŋi kélee a mɛ̀nii, a pâi m̀ôi ǹyaŋ a pâi zɛŋ lɛ̂i káa gáa pâi.

Gɛlaɠaa 13:2

Dí kɛ́ɛ Kúnuu-namui fɛlîi, díkɛ pili suŋ sui, M̀ɔlêŋ Maa Waai è mò dîa ǹyɛɛi, “Ka Banaba da Sɔ̂ɔ kula kásama díi ŋá dítòli a gɛ́ɛ dí gɛ́i mɛni ma.”

Gɛlaɠaa 17:18

Da Ɛpikureaŋ tare-ƃelai da-ŋa da Sitoi tare-ƃelai dí pɛ̀lɛ díkîe ni sia toôi. Díta-ni dí mò, dîyɛɛ, “Le ƃe moo-lono kɛ́-naloŋ ŋí a ŋ̀wɛ̂lii é m̀oi?” Da-ŋa dîyɛɛi, “Gɛ̂ɛi yɛ̂ɛ ǹyaa ƃé gáa mɛni lɛ̂i é pîlaŋ lɔii da kpɛ́ni su ɣâla-ŋa dîa.” Dí m̀o tí, kpɛ́ni fêi, è kɛ̀ Duŋ Lɛ́lɛɛi ƃôi é pîlaŋ Zîsɛ ma da mu-siɣeɛ saa-yeei.

Gɛlaɠaa 20:23

fɛ̂ɛ M̀ɔlêŋ Maa Waai a mò mâ kpɔ́ a zu ponoɔɔ a gɛ́ɛ daai kélee ŋa lì zui, kpini-pɛrɛ da mɛni kpɔ̂lu díkaa ḿaa kpɛnîi naa.

Gɛlaɠaa 21:11

È pà kúpɔ, è Pɔ̂ɔ ŋɔseɣe mu ɣiri-ɣɛlii síɣe é gbɔɔ̂i kɔɔi ɣiri la da ǹyée, ǹyɛɛi, “M̀ɔlêŋ Maa Waai ƃé mò, ǹyɛɛi, ‘Bere ƃé Zûu-ŋai díkaa Zerusâlɛŋ da pâi nalôŋ ɣirîi la nyíi bɔ́ɔ ƃa zeɣe mu-ɣiri ɣɛlii ŋí. Da pâi dɛɛ̂i Zɛ̃tai-ŋai pɔ́.’ ”

Gɛlaɠaa 28:25

Díkɛɛ díwoo fe laa ni ma díkîe-ni loai, dí li, tãi Pɔ̂ɔ e mɛni tɔnɔi ŋí ƃo la, ǹyɛɛi, “M̀ɔlêŋ Maa Waai e mɛni sã́a ƃo tãi e mò la kúnâŋ-ni pɔlɔ-ŋai dîa Azaya sârai, ǹyɛɛi,

Korɛntə dɔlɔɔ 10:20

Kpao, ŋa m̀ôi a gɛ́ɛ zãâi ɣâla-kpolowa-ŋa da gùla a sâlai, da gùla a sâla nyinaŋ nyɔ́mɔɔ-ŋai dîa, kɛ́lɛ Ɣâla fei. Fe ŋ̀wɛ̂lii a gɛ́ɛ ka nyinaŋ nyɔ́mɔɔ-ŋa ká kɛ́ zu tɔnɔɔ.

Korɛntə dɔlɔɔ 11:19

kpɛ́ni fêi, fɛ̂ɛ nɔ́ ŋa-kɔlɛ e kɛ́ káloai a gɛ́ɛ diai díkaa a dɔ̃yâ-ƃelai dí díkɔlɔŋ.

Korɛntə dɔlɔɔ 12:11

Nyíŋí-ŋai kélee M̀ɔlêŋ-sii tɔnɔi ƃé gɛ̀ é ŋáa kɔlɛ núu kélee ma tɛi-tɛ́i yɛ̂ɛ berei a ŋ̀wɛ̂lii lai.

Korɛntə dɔlɔɔ 2:10

Ɣâla a gélee lɛ́ kûa M̀ɔlêŋ sârai. Kpɛ́ni fêi, M̀ɔlêŋ a sɛŋ kélee kɔ̀ri é tóo máŋ Ɣâla ŋɔtárei kpóŋ seêi ma.

Korɛntə veelɛ 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ gàlii è Iî pɛ̀lɛ la a ŋɔwôyai, bere ƃe kákili-ŋa-siai a pâi kakulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Dutɛrɔnome 4:30

Tãi ka pâi kɛ̂i la mɛni-kpulu-ŋai ŋí su lii-too pôlu támaa kɛ́ ƃò kâai, ka pâi tínanii Káɣâlai Yâwɛɛ pɔ́ naa pere ká káwoli tɔ́ɔ mà.

Kolosə 2:18

Káfe ǹɛɛ naa núu da fe mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa-kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fe ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Timote veelɛ 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Timote veelɛ 4:4

Da pâi dípôlu tɔɔ̂i dɔ̃yâi ma dífa díwoli tɔ̀ɔ ma, kɛ́lɛ, da pâi díwoli tɔɔ̂i ƃoo-mɛni-ŋa dîa.

Zĩi 3:15

Dárei ŋí káa a tárei nyii vé kula ní ŋ̀elei sui. Kɛ́lɛ, gáa a ǹɔii ḿâ ƃɛ-tare. Vé kùla ní Mɔ̂leŋ yêei, gáa a Dɛ̂ƃele ŋɔtárei.

Piɛrə dɔlɔɔ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

Piɛrə veelɛ 2:1

Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Piɛrə veelɛ 3:3

Maa-ŋuŋ fɛ̂ɛ ká táre nyíŋi su a gɛɛ ɣɛlɛ-maa-ƃela da pâi pâi a ɣɛlɛ-maa a ŋelei gbɛɛ ŋái, díkɛ pîlaŋ díkpîŋ-tua-pere-nyɔŋ maa-sɛŋ-wɛliɛi pôlu,

Zɔ̂ŋ Maa-ŋuŋ 2:18

Nîa-pɛlɛɛ, tãi gbɛɛ ŋái ká yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. Maa-mɛni ma kwa gɔ́lɔŋ a gɛɛ gáa a tãi gbɛɛ ŋái.

Zɔ̂ŋ Maa-ŋuŋ 4:6

Kúkaa a Ɣâla pɔ́ɔ. Núui kélee Ɣâla kɔ́lɔŋ, a ŋ̀óli tɔ̀ɔ kûa, ǹyaŋ ǹúui vé a Ɣâla pɔ́ɔi, va ŋ̀óli tɔ̀ɔ kûa. Nyíŋi su ƃe kwa dɔ̃yâ-mɔleŋ da ǹɛ́ɛ-mɔleŋ kɔ̀lɔŋ naa.

Zûu 1:18

Dí mò kâa, díyɛɛi, “Ŋelei gbɛɛ ŋái da pâi kɛ̂i a ǹûai da ɣɛlɛ-maa kùla Ɣâla kponôi. Da pâi kɛ̂i a ŋwana-lɔ̂ɔ-ƃelai nyíi-ŋai da pîlaŋ díkpîŋ tua-pere-nyɔŋ maa-sɛŋ-wɛliɛi pôlui.”

Zûu 1:4

Kpɛ́ni fêi, núu da-ni da lɔ́ kúsama loo-pere su nyíi-ŋai dítɔ̂ŋ-pu-maai maa-mɛni è ƃò nàa tuɛi. Maa-ƃelai díkaa a ŋwana-lɔ̂ɔ-ƃela nyíi-ŋai Kúɣâlai ŋɔƃɛlɛ-sêei pène wolii-kpɔlɔ su. Dí Kúmɛi-nuu tɔnɔi Kúnuu-namui Zîsɛ Kôrai maa-sia tòo.

M̀ɛni-lɛɛi 13:14

A diai pɛ̂lɛ díkaa ǹɔii sui a ŋɛi-kɛ-maa-ŋai nyíi-ŋai dí nɛ̀ɛ naa a gɛɛ é tíi kɛ́ a dia zuai ŋ́ɛi-tuɛi, a dímarê kɛ̀ a gɛɛ dí pɔɔkɔ̂ŋ saa zuai mɛni ma nyíi dí ŋwàna a m̀óa-sɔ̂kpɔi, kɛ́lɛ, gáa niî ɣele mai.

M̀ɛni-lɛɛi 16:14

Kpɛ́ni fêi, díkaa a nyînaŋ nyɔ́mɔɔ-ŋai, da ŋ́ɛi-kɛ-maa-ŋa kɛ̀. Da lî ǹɔii kélee su-kaloŋ-ŋai pɔ naa a gɛɛ dí díŋa tɛ́ díkîe-ni dîa kɔ́-kɔ́ mɛni ma a Ŋ̀wála-wâla kelee-Ɣalai ŋɔɣele kɛ́tɛi ŋ̀ele.

M̀ɛni-lɛɛi 18:2

Nya ƃe è tóli ƃò kpɔ́ a ŋ̀óo su wala-walaa, nyɛɛi, “Babelɔŋ kɛ́tɛi a wólo! Babelɔŋ kɛ́tɛi a wólo! Nàa a kɛ́ a nyînaŋ nyɔ́mɔɔ-ŋa kɛ̂i. Nàa a kɛ́ a m̀ɔlêŋ nyɔ́mɔɔ-ŋa kélee-kɛi. Nàa a kɛ́ a ŋ̀ɔni nyɔ́mɔɔ-ŋa nyíi-ŋai díkpɔara-lii káa núu-kpune koi kélee-kɛ̂i.

M̀ɛni-lɛɛi 18:23

Laŋpo fé ŋɔ́nɔ pâi sonîi ísu. Nɛnî-kula-surɔ̂ŋ da ǹɛnîi díwoo fé ŋɔ́nɔ pâi tɛ̂i ísu. Kpɛ́ni fêi, ípɔni-tɔɔ-ƃelai ƃe kɛ̀ a ǹɔii su-nuu kpaya-kpayai. Í lɔii-ŋuŋ kélee pɛ́lɛ a íwulu-tuai.

M̀ɛni-lɛɛi 19:20

Dí zuai sòŋ da Ɣâla-maa-wôya lono-kɛ-nuui nyíi ŋɛ̀i-kɛ-maa-ŋa kɛ̀ zuai ŋ́ɛi-tuɛi. Diai zuai pɔ́ɔ è kɛ̀ dítôŋ lá da diai zua-pɔɔkɔ̂ŋ fɛlii, Ɣâla-maa-wôya lono-kɛ-nuui, é dípɛlɛ a ŋɛ̀i-kɛ-maa-ŋai ŋí. Dí zuai da nalôŋ ŋí pìli a dífulu ŋɔŋ kɛ́tɛ su nyíi kɛ̀ yɛ̂ɛ póa kɛ́tɛi, nyíi a sɔɔfɔ kèreŋ.

M̀ɛni-lɛɛi 2:11

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-ma kɛ̂i, zaai veerɛ-ɣelei fé pâi sɛŋ solîi ma.’

M̀ɛni-lɛɛi 2:17

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi manaa loɔɔi da tɛɛ̂i bɔ, ŋa kɔni kole tɛɛ bɔ̀ láa nina pɔ̃yɛɛ ma nyíi núu da fé gɔlɔŋ fɛ̂ɛ ǹúui a zɔlɔ ƃôi.’

M̀ɛni-lɛɛi 2:29

Ǹúui wóli káa ma a gɛɛ é mɛni mɛ̂nii, tɔ̀ɔ é m̀ɛnii mɛni Mɔ̂leŋ a m̀ôi Kôrai-toli-kpɔŋ-ŋai diai.’

M̀ɛni-lɛɛi 2:7

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi nɛɛ̂i naa é vúlu-laa-wooi ƃá mii nyíi gáa Ɣâla ŋɔsuâi sui.’

M̀ɛni-lɛɛi 20:10

Dɛ̂ƃele, nyíi dípɛ̀lɛi, da pâi bilîi ŋɔŋ kɛ́tɛi su da sɔɔfɔi nyíi gáa yɛ̂ɛ poai, ƃɛi zuai da Ŋ̀âla-maa-wôya lono-kɛ-nuui dí kɛ̀ naai, ǹyaŋ nàa ƃe da pâi kɛ̂i naa, díkɛ maa-pêne sɔlɔ ƃô a fólo da kpíni wɔlɔ-wɔlɔ da wɔlɔ-wɔlɔ.

M̀ɛni-lɛɛi 20:8

Ǹyaŋ a pâi kulâi a gɛɛ é ǹɔii-ŋûŋ-ŋai pɛlɛ, nyíi-ŋai díkaa ǹɔii-ƃela náaŋ mai. Zu-kulâi ƃa Gɔ̂ɔ da Magɔ̂ɔ, a gɛɛ é díŋa tɛ́ díkîe-ni dîa kɔ́-kɔ mɛni ma. Dítamaâi yɛ̂ɛ yúoi-ŋɛya.

M̀ɛni-lɛɛi 3:13

Ǹúui wóli káa ma a gɛɛ e mɛni mɛnii, tɔɔ é m̀ɛnii mɛ́ni Mɔ̂leŋ a m̀ôi Kôrai-toli-kpɔŋ-ŋai dîai.’

M̀ɛni-lɛɛi 3:22

Ǹúui wóli káa ma a gɛɛ e mɛni mɛnii, tɔɔ e mɛnii mɛni Mɔ̂leŋ a m̀ôi Kôrai-toli-kpɔŋ-ŋai dîai.’ ”

M̀ɛni-lɛɛi 3:6

Ǹúui wóli káa ma a gɛɛ e mɛni mɛnii, tɔɔ e mɛnii mɛni Mɔ̂leŋ a m̀ôi Kôrai-toli-kpɔŋ-ŋai dîai.’

M̀ɛni-lɛɛi 9:20

Núu-kpune kpeli-ŋai, nyíi-ŋai dífe dípaa ni a mɛni-kpɔlu-sii saaƃai ŋí, dífe dílii pene ni dítii-ŋai dí gɛ̀i mɛ̂ni mà, kpaa máŋ dífe kpera ni nyînaŋ nyɔ́mɔɔ-ŋa fɛliɛ ma da ŋ̀âla-pɔɔkɔ̂ŋ-ŋai nyíi-ŋai díkpɛtɛ a gôo, káne, ƃara, kɔni, da wurii, nyíi-ŋai dífa kwaa kâa, kpaa máŋ dífa mɛni mɛ̂ni, kpaa máŋ dífa siai.