Timote dɔlɔɔ 3:3 - Bible

³ Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Yálá laawoo hɛɓɛ (dc)

³ hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Yálá laawoo hɛɓɛ

³ hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 3:3 Iomraidhean Croise

Hanwon 1:19

Ǹúui a sɛŋ kɔ̂ri ŋwana-lɔ̂ɔ-pere sui, a ŋɔfúlu-laai su kàra.

Hanwon 15:27

Ǹúui a sɛŋ kɔ̂ri a wôya-perei, a ŋɔpɛ́rɛi wòlo, kɛ́lɛ ǹúui a yee-pɛlɛ ǹá-sɛŋ-kao kpɔ̀arai, a ƃâlo.

Ikilisiati 7:8

Mɛni kpɛɛ-ŋa lɛ̂lɛɛi é tɛ́ɛ gɔ́ɔ pîlanii ma. Lii-kpele lɛ́lɛɛ é tɛ́ɛ su-mɛni kɛ̂tɛ ma.

Azaya 28:1

Kpalo ƃêlaai Eezuɛ láa túɛ-ƃelai dîa. Díkaa a lɔɔ ŋánaa kpele-ƃela. Díyoŋkaai, dísu mɛni kɛ́tɛɛ. Kɛ́lɛ díkɛtɛ-laai maa mɛ̂ni a kpɛɛ̂i nûa kíli ŋá. Lɔɔ ŋánaa kpeleɛɛ a dímaa fálenîi yɛ̂ɛ da wúru poa kùla ŋ̀á fólo kɛ́ tòo ma. Díkpeleɛ̂i díkɛ ƃò lâani yɛ̂ɛ nûa da sàa.

Azaya 28:7

Ɣâla ŋɔlóno kɛ́-ƃelai da zâla láa soŋ-ƃelai dia máŋ da díkpelêi nɔ́. Da lɔɔ kpânaŋ ŋánaa-ŋa kpelêi díkɛ kɛ̀ tàka-taka. Ǹɔɔi a díŋuŋ su kɛ́ wúlee yɛ̂ɛ ƃoo-ƃela. Ɣâla ŋɔlóno kɛ́-ƃelai dífe m̀ɛni-ŋai ŋá kâai nyii Ɣâla a ŋ̀á lɛ̀ dîa zĩ̂a sui. Dífa ŋɔ́nɔ pɔri da maa mɛ̂ni ŋá lɛ̂i núu da kélee ma. Lɔɔ kpeleɛ́ɛ a gɛ́ zâla láa soŋ-ƃelai dífe ŋɔ́nɔ pɔrîi mɛni-sâa da kélee ƃôi dí ŋ̀á tée a ǹɛ́lɛɛ.

Ɉeremi 6:13

É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Izikiɛ 44:21

Zâla láa-soŋ-ƃelai dífe ŋwã̂ai kpèle dílɛɛ pâi liî ziɣãŋ su-pere ŋ̀ɔi su.

Levetekɔ 10:9

“Ka ílônii káfe ŋwãai kpele kpaa máŋ lɔɔ kpanaŋ sii kélee da a tãi ka kɛ̀ liî la ŋápɛrɛi mui. Ka gɛ̀ tí, ka pâi saâi. Dɔ̂ŋ ká ŋí ímɛni ma ka ílônii wɔlɔ-wɔlɔ da wɔlɔ-lɔlɔ.

Mise 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Malasi 1:10

Ŋ̀wála-wâla kélee Yâwɛɛ ǹyɛɛi, “Eî kɛ̀ núu da káa kásama a gɛɛ é Ŋ̀âla-pɛrɛ Kɛ́tɛi ŋɔkpôŋ-ŋai kélee láa tɛ́ a gɛɛ kafa lâa ŋɔŋ kpɛ́ni-kpɛni too la ŋátêƃelei ŋa. Ńii fé láa ní káyêei. Fé pâi ńyee seêi zama sã̂ai mu ka pâ la ḿbɔi.

Maafîu 21:13

È mò dîa, ǹyɛɛi, “Bɔ̃yɛɛ̂i, ‘Da pâi ŋápɛrɛi tólîi a Ɣâla-fɛli-pɛrɛ.’ Kɛ́lɛ, ka gɛ̀ a ŋuma-ƃela-kɛ̂i.”

Gɛlaɠaa 20:33

Fé niî núu da ŋɔkáne maa-lii tée ní da gôo kpaa seɣe.

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ-woo-ŋa.

Ifisiɛŋ 5:18

Ŋwãai fe kákɛ̀, nyíi gáa a gɛ́-ɣeniɛ ŋuŋ fuloŋɔɔi; kɛ́lɛ, kálaa e fɛɛ a M̀ɔlêŋ,

Tɛsalonikə dɔlɔɔ 5:14

Kwa kalia-woo ƃôi, ŋánûa, a gɛ́ɛ diai dífe tíi kɛ̂i, ka dília-woo ƃó. Diai dílii toɔɔ̂i pôlui, ku dílii-kpele-woo ƃó. Ka kpɔŋ-maa tɛɛ vii-kpɛɛ-ƃelai pɔ. Lii-kpele é kɛ́ káyêei díkelee mɛni ma.

Timote dɔlɔɔ 3:8

Ǹyaŋ bere nɔ́ ƃe máŋ gáa la, fɛ̂ɛ díkɛŋ-ŋai dí dímɛi kaa, dífe kɛ̀ a ǹûai dínɛŋ káa díla feerɛ, dífe kɛ̀ a lɔɔ-kpele-ƃela, dífe kɛ̀ a sɛŋ-kao-wɛli-ƃela;

Timote veelɛ 3:2

Kpɛ́ni fêi, nûa da pâi kɛ̂i a díkpîŋ-wɛli-ƃela, dí ƃo a sɛŋ-kao wɛli-ƃela, su-mɛni kɛtɛ-ƃela, yoŋka-ƃela, woo-nyɔŋ-ńâ-ƃela, ǹûai dífa díkaa-ƃela wóo mɛnii, ǹûai dífa mɛni lɛ́lɛɛ maa-sɛɣɛi-féi kɛ̀i, da ǹûai dímaa fé waa níi,

Taitɔ 1:11

Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Taitɔ 1:7

Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii-fãa-goi-nûu, kpaa máŋ lɔ̂ɔ-kpele-nûu, kpaa máŋ namu-kɔ́-nuu, kpaa máŋ sɛŋ-kao-wɛ̂li-nuu.

Taitɔ 2:3

Nɛnî pɔlɔ-ŋai máŋ dí kɛ́ a ƃaa-kɛ-maa-ƃela dítûa-perei su, dífe kɛ̀ a laa-kara-ƃela da lɔɔ-kpeleɛ ŋɔluɛ-ŋa. Fɛ̂ɛ dí zɛŋ lɛ́ nyíi ǹɛ́lɛɛ̂i,

Taitɔ 3:2

Dífe mɛni nyɔ́mɔɔ ƃò é pîlaŋ núu da kélee ma. Dífe díyee pìli laa-saa-mɛni su. Dí kɛ́ a núu sɔŋ lɛ́lɛɛ-ŋa. Dí ƃaa-kɛ-maa lɛ́lɛɛ lɛ́ núu kélee ma.

Hebreu 13:5

Sɛŋ-kao-wɛli fé kɛ̀ káa káfulu-laai su. Zɛŋ nyíi gáa káyêei, kálii é láa mɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zĩi 4:1

Le ƃe pà a ǹaa-sâai da namu-kɔ̂ɔi kásamâi? Vé a kátûa-pere-nyɔŋ maa-sɛŋ-wɛliɛi nyíi gáa namu kɔ̂i kákponôi?

Piɛrə dɔlɔɔ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Piɛrə veelɛ 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Beelaŋ. Dí tɔ̀ɔ mà yɛ̂ɛ berei Kora è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.

M̀ɛni-lɛɛi 1:9

Ńyãa Zɔ̂ŋ, ńyãai ŋ́gaa a káƃarâŋ, ńyãai kwa kâa-ni kwa mɛni-kpɔlu kàa Zîsɛ kponôi, kwa kâa-ni kú Ŋ̀âla-taa kâloŋ laai sɔlɔ ƃo gîe-ma da nii-kpelei gáa kúyêei, dí ńdɛ̀ɛ tîŋ tɔnɔ su da dòli a Pamɔɔi, kpɛ́ni fêi, ŋá Ɣâla wóo ƃò ŋá Zîsɛ maa-sere-faa kɛ́.

Samuɛlə dɔlɔɔ 8:3

Kɛ́lɛ dítûa pere fé kɛ́ ní yɛ̂ɛ dínâŋ. Dífe kɛ́ ní a teniŋ-ƃo-ƃela. Da kâa yee-pɛlɛ ǹá-sɛŋ sòŋ, nyíi gɛ̀ dífa kâa mɛni-saa ŋá tèe a tɔ̃yâ perei.