Timote dɔlɔɔ 2:8 - Bible

⁸ M̀ɛni ma ŋa ŋ̀wɛ̂lii fɛ̂ɛ núu kélee dí Ɣâla fɛli kwaa kélee ma dí díyee maa waa-ŋai tɛ́ ɣelêi dífe dílii ŋwàna, kpaa máŋ dífe laa-sâa kɛ̀;

Yálá laawoo hɛɓɛ (dc)

⁸ Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Yálá laawoo hɛɓɛ

⁸ Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Timote dɔlɔɔ 2:8 Iomraidhean Croise

Tɔɔɓɛlaa dɔlɔɔ 3:11

Nya ƃe Ɣâla è mò m̀a ǹyɛɛi, “Tãi nɔ́ ya m̀ɛnii ŋí mare-kɛ̂ɛ kɛ́i, ífe ílɛ̂wo su kôya mɛni mare kɛ̂ɛ kɛ́ níi, ífe tela tɔɔ-sãa mare kɛ̂ɛ kɛ́ ní íkpîŋ mɛni ma, kpaa máŋ íkpɔara-ƃelai su-kara mɛni, kɛ́lɛ ya mɛni ŋá káa maa târe mare-kɛɛ kɛ́ íkpîŋ mɛni ma a gɛ́ɛ í pɔri mɛni ŋá têei a zãai,

Zôo 16:17

É máŋ kɛ́ tí, ḿve niî mɛni nyɔ́mɔɔ kélee da kɛ́ ní, ńyee maa waâi. Ŋa ƃaa kɛ́-maa tɛ̂ɛ Ɣâla pɔ́ ŋá Ɣâla fɛliɛɛi su.

Mąątɛ̨nɛ̨ 134:2

Ka káyee tɛ́ ɣelêi gwaa maa waai ma ká Ɣâla fɛli, ká Yâwɛɛ láa maa tɛ́.

Mąątɛ̨nɛ̨ 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Mąątɛ̨nɛ̨ 24:4

Dia ƃa diai dílii su waâi, diai dífa díkpîŋ ɣala kpɛtɛi, diai da kono têe kɛ̀ dí ŋ̀aa see kɛ́i.

Mąątɛ̨nɛ̨ 26:6

Yâwɛɛ, ŋâa ńyee ŋá wáa a gɛɛ ŋá ǹɛ́ yâ a gɛɛ ńzɔŋ fé ḿâ. Ŋa lɛɣɛ a íɣâla-teƃelei a gɛɛ ŋá í fɛ́li.

Mąątɛ̨nɛ̨ 28:2

Íwoli tɔ́ɔ ŋ́vɛli-wooi ma kpɔŋ-maa mɛni ma, ŋa ńyee tɛ̀ ɣelêi ípɛrɛ maa waai naa pere.

Mąątɛ̨nɛ̨ 35:13

Da à kɛ̀ kɔ̂lɛi, ŋa sêe a maloŋ-pere, fa ŋɔ́nɔ ńaa mìi. Ŋa ŋ́uŋ pîlaŋ, ŋ́gɛ Ɣâla fɛ̀li.

Mąątɛ̨nɛ̨ 63:4

Ŋa pâi kɛ̂i nɔ́ ílaa maa tɛ̂i tãi nɔ́ ŋ́gaa la ɣele mai. Ŋa pâi ńyee tɛ̂i ɣelêi ŋ́gɛ í fɛ̀li.

Mąątɛ̨nɛ̨ 66:18

Eêi kɛ̀ fé ŋásɔnyɔ̂ŋ ƃó ní Ǹuu-namui ma, vêi ŋ̀óli tɔ̀ɔ ḿâ.

Hanwon 15:8

Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Hanwon 21:27

Ŋwana-lɔ̂ɔ-nuu ŋɔsâla-sɛŋ ƃɛlɛ fé Ɣâla Yâwɛɛ koi, ŋuŋ kpîŋ-kpiŋ ƃa à kɛ a zâlai kpîŋ kùla a kíri-pere.

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Maafîu 21:21

Nya ƃe Zîsɛ è díwoo su tòo, ǹyɛɛ diai, “Ŋa tɔ̃yâ ƃoi kâa, à kɛ̀ laa-la káa káyêei, káfa sîa tòo, káfe pâi nɔ m̀ɛnii kɛ̂i nyii kɛ̀ a fîi-wurii, kɛ́lɛ, à kɛ̀ máŋ kà mò ǹyéei ŋí ma, ‘Ímu siɣe í píli ǹyái su,’ a pâi kɛ̂i ti.

Maafîu 5:44

Kɛ́lɛ, ŋá m̀ôi kâa, ka kákpɔara-ƃelai wɛ́li, ká Ɣâla fɛli diai mɛni ma da kákpɔarâi,

Maafîu 6:12

Í ípôlu fé kútɔ̂ŋ-karaa-ŋai dîa, Yɛ̂ɛ berei kwa kúpôlu fè la kúƃarâai dítɔ̂ŋ-karaa-ŋai diai;

Lukə 23:34

Nya ƃe Zîsɛ e mò, ǹyɛɛi, “Ńâŋ, dísu-mɛni lɛɛ; kpɛ́ni fêi, dífe mɛnii kɔ́lɔŋ da gɛ̂i.” Dí ŋɔseɣei ŋá kɔ̀lɛ kpɛɛŋ su.

Lukə 24:50

È lì a dia Bɛtɛni kɔlɛ ma. Nya ƃe e ǹyée tɛ̀ dímɛi-pere, e lûwa too dîa.

Ɉaan 4:21

Zîsɛ e mò ma, ǹyɛɛi, “Nɛnîi, láa a ńyãa, tãi káa pâi nyii su núu da fe pâi Nàŋ-nuui fɛlîi ǹyéei ŋi ma, kpaa máŋ Zerusâlɛŋ.

Gɛlaɠaa 10:2

Ǹalôŋ ŋí è kɛ̀ kpɔ́ a Ɣâla mɛni kɛ́-nuu. Da ŋɔpɛ́rɛi mu-ƃelai kélee dí yào Ɣâla ma. È kpɔŋ-maa támaa tɛ̀ɛ nûa pɔ́. A kâa Ɣâla fɛ̀li a ɣele kélee.

Gɛlaɠaa 10:31

Ǹalôŋ ŋí è mo ḿâ, ǹyɛɛ, ‘Kɔniliɔ, Íɣâlai a ífɛli-wooi mɛni da gbɔŋ mâai yâ gɛ̂i maa tuŋ. A pá ífɛli-wooi su-toôi.

Gɛlaɠaa 10:4

Kɔniliɔ kɛ́ɛ a ŋ̀ɛ́i kpamo mài, è yào, ǹyɛɛi, “Lé ƃe, Kúnuu-namui?” Ŋ̀âla-taa kelai ǹyɛɛ mài, “Íɣâlai a ífɛli-wooi mɛni da íkpɔŋ-maai kɛ́ pere maa mɛni. A gbɛtɛ a gɛ́ɛ é íwoo su too.

Gɛlaɠaa 21:5

Kúɣele kûu lɔ́ɔlu mɛi feerɛi kpɛɛ ŋá-ɣelei, kú kùla naa kú nâa kúsiai kúla. Zîsɛ ŋɔpôlu-ƃelai kélee, dínɛyâai da dínîa-pɛlɛɛi dí pà kútɔɔ̂i perei é lɛ́ɛ la zu kú kúla daai ma. Kú pɛ̀lɛ kúŋume ŋá zîŋ ma ku Ɣâla fɛli, kú kúfɛli kúkîe-ni dîa.

Gɛlaɠaa 7:60

È pù ŋume ŋá é wɔ́lɔ a ŋ̀óo su-kɛ́tɛ, ǹyɛɛi, “Kúnuu-namui, ífe díkula maa kɛ̀ dísɔnyɔ̂ŋ ŋí mɛni ma.” Nyíŋi ƃóɔɔ mìi, è sàa.

Korɛntə dɔlɔɔ 1:2

Ɣâla-toli-kpɔŋ gáa Kɔleŋ da diai dímaa waai Zîsɛ Kôrai kponôi, e pɛlɛ diai kélee dîa díkaa kwaa kélee mai Ɣâla e dítòli a Ɣâla-ƃela gîe ma dí Kúnuu-namui Zîsɛ Kôrai láa tóli nyíi gáa a kwa dîa-ni Kúnuu-namui:

Korɛntə dɔlɔɔ 7:7

Kài kɛ̀ yɛ̂ɛ ńyãa. Kɛ́lɛ, núu kélee a sama-sɛŋ-sii tɛi-tɛi sɔlɔ ƃô Ɣâla yêei, núu da ŋɔɔ káa a da kpɛni m̀arâŋ-nuu ŋɔɔ kɛ́ ƃo a da kpɛni.

Korɛntə veelɛ 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsârai.

Filipə 1:12

Ŋánûa, ŋa ŋ̀wɛ̂lii ká gɔ́lɔŋ a gɛ́ɛ mɛni-ŋai kɛ̀ a ńyãai dí kɛ̀ a gɛ́ɛ Duŋ Lɛ́lɛɛi e li tuɛ-pere.

Tɛsalonikə dɔlɔɔ 1:8

Kpɛ́-ni fei, Masadonia da Ɛkeya dífe Kúnuu-namui ŋɔwóoi mɛni ni nɔ́ kásârai, kɛ́lɛ, naa-laai gáa káyêei Ɣâla kponôi a lí kwaa kélee a sɛŋ nyíi maa fe nɛ̃ɛ ni ku lóno é pîlaŋ mai.

Timote dɔlɔɔ 5:14

Mɛni ma ŋa ŋ̀wɛ̂lii a gɛ́ɛ pɔɔ-nɛyaa nyíi-ŋai díkaa a nɛnî-kpela-ŋai dí surɔ̂ŋ kula, dí nîa-pɛlɛɛ sɔlɔ ƃo, dí díkpîŋ-pɛrɛ-ŋai mɛi káa, dífe tãi tɛɛ kúkpɔara-nuui pɔ a gɛ́ɛ é lóno nyɔ́mɔɔ kɛ́ é pîlaŋ kûa.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋánaa, dí ƃo a kpɔŋ-maa núu-kpune mɛni ma.

Hebreu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.

Piɛrə dɔlɔɔ 3:7

Sinâa, kili-ŋa-sia é kɛ́ kâa a bere tɔnɔi tí é pîlaŋ kánɛyâai dîa a berei ka pɔ̂ri tûai la a diai. Ka ƃaa-kɛ-maa tɛ́ɛ dípɔ, kpɛ́ni fêi, díwala-walai fé seri ní káwɔ̂i pɔ, kpɛ́ni fêi ŋɔ́nɔ, ka dîa-ni kákaa a vulu-laai maa-ƃɛlɛ-sêei sɔlɔ-ƃo-ƃela zu tɔnɔɔ a gɛɛ pɔ́ɔ fé pɛlɛ Káɣâla-fɛliɛɛi ma.