Lucas 2:13 - Kuna Border

¹³ Tegin angel-kepe-nonikid ampa chunmanaidgin, arpakaal Pab-angelmal-íchejul nikpa-akar nononimalmo tegin Pab-Tummad-otummoalmal, chogalmal:

Lucas 2:13 Iomraidhean Croise

Lucas 15:10

“Tenal an chunchunnad pemalga chogdo: imi tule-walgwen aga ulubgin iskuedgin pukib-itononikidbal, ome aga e-aimalbak welgujadyob Pab-angelmal peyedzhe welgumalmogo.”

Lucas 2:12

Tenal an wisgal pemalga chogdo: imi pe we machi-toto-mimmilejad pe taknadel, moli-mas-kunned-e-ulgin pe taknatapo chamolgin-ebirmakal-mai.

Lucas 2:14

Imi Pab Tummad immal-nued-imajadbal nikpa-neggin e-nug-otummoledi-kuo, tegin iti-napkin Pab-nued-tulemal-takmalad ulubgin akalzhul-itononimalbalo.

Efesios 3:10

¿Ibiga Pab we igal otus pe ebinzhe? Nabir. Imi Pab we igal otus angelmal-tummagan tegin tummagan-purpaled-pimalad-pel-kwapa, iglesiabal mag takegal, Pab piaje nono nika.

1 Timoteo 3:16

Imi an kwen penzhul, Pab-Jesucristo-igal-akpene-otukal-maid imis nononi. Wedin pul igal-chunchoged. Imi Pab-Jesucristo anmal tule-yopí iti-napche sanal mimmilenoni. Tegin Pab Purpa Nuedbal mag taklenoni, Jesucristo chunchunnad Pab-Machi. Tegin Jesucristo Pab-angelmal tar-takchamal Tegin tule napa-naid-ugakche tulemalga Jesucristogin chunmasmal, tegin tulemal iti-napkin Jesucristogin penzhul-kunonimalbal. Tegin Pab Tummad Jesucristo-onakwisbal e-neg-nugu-taklegedzhe.

Hebreos 1:14

Tenal angelmaldin tule-purpamalad. ¿Tenal Pab Tummad mosmalga angelmal-odoszhulzhí tule-abonolemaloed-pentagal? Teobdo.

1 Pedro 1:12

Tenal akpene Pab-kaka-palchogmalad we igalgin chunmanonigu, Pabdin Pab-kaka-palchogmaladga oyosdo, we Cristo-igaldin Pab-kaka-palchogmaladgabijul, tenal pemalga choglenonimalmo. Tenal Pab Purpa Nued Pab-neg-akar palmilenoni. Tenal tule Pab-Purpa-Nuedbal Cristo-kaka-nuegangin pemalga chunmanonimal. Tenal angelmal-ugakche ampa wisgubi-kusmalmogan, Cristo-igalde igi-wede.

Apocalipsis 5:11

Tegin an takchabal, Pab-ol-kan-chiid-nabal tegin immal-tulgan-walbakegwad tegin chelegan-tummagan pukwad-nabal, angelmal-miyon-tulaatal tegin ukin mili-milibal ebiris pukwamal.