Juan 6:5 - Kuna Border

⁵ Tegin Jesús panna atadgu, takal tulemal-ichejul e-chiidzhe irmadanimal. Tegin tulemal nonimalgu, Jesús Felipega chogal: —¿Anmal pia tulemalga mas-kunned paknemalo-wede, tulemal-okunkal?

Juan 6:5 Iomraidhean Croise

Mateo 15:33

Tegin e-chapingan Jesúsga chogal: —Imi anmal neg-nikchulidbal pukwamal-choggu, ¿anmal pia mas-kunned onogo, we tulemal-íchejul-pukwad-okunkal? Keg kue.

Marcos 6:32

Tegin Jesús aga e-chapinganbak ulgin amalpí mata-kakpal nadmal, neg-tule-nikchulidbal.

Lucas 9:10

Tegin Jesús-nuggin-palmilegalmalad-walambe-kakabogwad kannan Jesúszhe nonimalgu, pél Jesúsga chognonimal, emalga igi immal kujad. Tegin Jesús pidzhi aga e-chapingan-walambe-kakabogwadbak Betsaida-neg-kweburzhik nadmal.

Juan 1:43

Tegin te pangin Jesús Galileaje nejognaidgin, Jesús Felipe-takal. Tegin Jesús Felipega chogal: —Anpak nemalma ankin turdagal. Tegin Felipe Jesúsga chogal: —Tegil nabirde.

Juan 1:44

Tenal Felipedin, Betsaida-tol, Andrés-tegin-Pedro-e-neg-kweburginmogad.

Juan 1:45

Tegin Felipe Natanael-aminad. Tegin Felipe Natanael-onosgu, ka chogal: —Imi anmal tule-walgwen-onos. Akpene-akar Moisés-kartagin nermakal maido, tule-walgwen taniko. Tenal Pab-kaka-palchogmalad ampa Moisés-chogzhadyob chogzhamalmo tule taniko. Tenal we tule Jesús-Nazaretkined. Tenal we Jesúsdin José-e-machi.

Juan 1:46

Tegin Natanael Felipega chogalzhun: —¿Nazaretkinedí? ¿Imi tule-nued Nazaret-akar igi noniko-ade? Chulá. Tegin Felipe Natanaelga chogal: —Tegil nemaldo takne, pe wisgal ib-chunchunnad o chul. Tegin Natanael Felipega chogal: —Tegil an pebak naodo.

Juan 1:48

Tegin Natanael Jesús-egin-chogzhad itosgu, Jesúszhe ekichial chogal: —¿Igi pe an-wiis-ade, an tule-yardaged-tulejul? Tegin Jesús Natanaelga chogal: —Imi Felipe ampayo peje kolneeddu, an chapi-wag-islub-ulpal-kwichi, an pe-takcha.

Juan 4:35

¿Imi pemal chogmalzhulzhí, ampa ni-walabake napi, immal-kwa weigal? Tenal an pemalga chogdo: pe nue takmaldo, trigo pato korodik nai, kuakwa kwangalnai. Tenal Jesús purpal chogzha, tulemal pato kuakwa pukwamal, Pabbal-naigugal.