Juan 2:4 - Kuna Border

⁴ Tegin Jesús aga e-nanga chogal: —Ome, ¿ibiga pe anka weob chogdé? Imi anka ampa wilub kwen omojul immal-taktijulid imagal.

Juan 2:4 Iomraidhean Croise

Mateo 15:28

Tegin Jesús omega chogal: —Ome, imi pe ankin peyedzhe penzhul-choggu, al pe-anche-immal-ekichijadyob, an pega chiskwa-nudako. Tegidgin apka-pakal ome-e-chiskwa ilgwen nuguszhun.

Mateo 8:29

Tegin tule-nia-nikmalad kolomakal Jesúsga chogalmal: —Pab-Machiye, ¿ibiga pe anmalgin yoledani-wede? ¿Imi pe yo wilub omoeddu, pato pe sapejul anmal-imadaniyé?

Lucas 2:49

Tegin Jesús aga e-nanga chogal: —¿Ibiga pe an-aminanimal-ade? ¿Pe wichulzhí antin, an-Pab-neggin chiid-wilub?

Juan 12:23

Tegin Andrés pél Felipe-ega-chogzhad Jesúsga chogzhagu, Jesús tule-walbogidga chogal: —¿Teobí? Tegin Jesús chogalbal: “Imi an-Te-Tule-Chunnaga wilub pato naigunoni an-nug okannolegal.

Juan 13:1

Teun Pab-Najad-Itoged-Ibe pan-kuele, Jesús pato wiis ega wilubgan noni iti-nap ebegal, nikpa e-Pabbak mes megnegal. Tenal Jesús tule-iti-napkin-ebal-nanimalad-pilalgus. Tenal Jesús pela-pela aga e-chapingan-pilalgus e-purkwijadzhe.

Juan 2:3

Tegin machi-ome-nikunaidga vino akunonigu, Jesús-e-nan Jesúsga chognoni: —Machi, tulemalga vino akus. ¿Anmal igi imamalo?

Juan 20:13

Tegin angelmal Maríaje ekichialmal: —¿Puna, ibiga pe po-wede? Tegin María angelmalga chogal: —Imi tulemal anpi-Tummad-e-mui chesmal. Tenal an wichul tulemal pia an-Tummad-tigzhamal.

Juan 20:15

Tegin Jesús Maríaga chogal: —¿Puna, ibiga pe po-wede? ¿Pe toa ami-ade? Tenal María ebinzhe, we tulede, nagnu-taked. Al María Jesúsga chogal: —An-ai, pe we tule-mui-chejal, anka pe chogoma, pia pe ches, an akne tignegal.

Juan 7:30

Tenal Judio-tummagan Jesús-chogzhad itosgu, Jesús-kabi-kualmal. Tenal tulemal Jesús-kwen-kaszhul-kus, Jesús kaleged-wilub ampa omojulidbal.

Juan 7:6

Al Jesús aga e-urpamalga chogalzhun: “Tenal ankadin ampa ibe kwen omojul Jerusalénzhe negal. Tenal pemalgadin meke-ibi-ibe, ibe-nued Jerusalénzhe negal.

Juan 7:8

“Tenal pemal nadmaldo, Jerusalénzhe ibe itogal. Tenal anka ampa wilub kwen omojul. Al an imis Jerusalénzhe kwen nejul ibe itogal.”

Juan 8:20

Tenal teun Jesús Pabzhe-koled-neggin tule-mani-ukmalad-neg-yabal tulemal-oturdadi-kus. Tenal Jesús ampa e-kaleged-wilub omojul-choggu, al tulemal Jesús-kwen-kaszhul-kusmal.

2 Corintios 5:16

Al anmal imis-akar tule-iti-napkin-pukmaladyob tule-kwen-takchulmal. Tenal anmal akpene tule-iti-napkin-pukmaladyob, Cristo-takchamal. Imidin anmal akpenegwadyob Cristo-pal-kwen-takchulmal.