Juan 10:6 - Kuna Border

⁶ Imi Jesús oveja-taked-igalgin tulemalga chunmasdo, tenal tulemal yabli aku itomal ibi chogle-wede.

Juan 10:6 Iomraidhean Croise

Mateo 13:34

Imi Jesús tulemalga pel-kwapa immal-purpaledgin chunmadi-kus, tenal Jesús pakal-pud tulemalga kwen chunmaszhul-kus.

Mateo 13:51

Tegin Jesús aga e-chapinganzhe ekichialzhun: —¿Imi an-pemalga-purpal-Pab-neg-takmaidgin-chunmajad, pe mag itosmal? Tegin e-chapingan Jesúsga chogalmal: —Anmal pél mag itosmaldo.

Marcos 4:34

Tenal Jesús tulemal-oturdakalil, kusgu purpal chunmakalda, pakal-pud kwen chunmajul. Tenal Jesús aga e-chapinganbak pis nadel, e-chapinganga pakal-pud-pud pél immal chogzhagus.

Juan 16:25

Tegin Jesús chogalbal: “Imi an pemalga chogzhad, an otukal chogzhado. Tenal pemalga ibe noniko, an pemalga inniki-inniki Pabgin chunmanoniko, an otukal pemalga pal kwen chunmakojul.

Juan 16:29

Tegin e-chapingan Jesúsga chogalmal: —Imidin pe pakal-pud chunmasdo, pe otukal pal kwen chunmaszhul.

Juan 6:52

Tegin Judiomal aga emal-emal pela-pela imakalmal chogalmal: —¿Imi we tulede igi anmalga aga e-chan ukne-ade, anmal kunmalgal? Wedin kakanma.

Juan 6:60

Tegin Jesús-e-chapingan-ichejul Jesús-ega-chogzhad itosmalgu, chogalmal: —Peyedzheá. ¿Toa we igal abingao? Chulá.

Juan 7:36

¿Imi we tule-chunmajadde, ibi chogzhun? We tule chogzhado: ‘Imi pemal an-amialmalal, an-kwen-onogojul-kuo.’ Teginbal: ‘Pia an megódin, pemal kwen togojul-kuo.’ Tenal anmal kwen wichulmal we tule pia ne.

Juan 8:27

Tenal Judio-tummagan aku itosmal, Jesúsde e-Pabgin chunmadii.

Juan 8:43

¿Imi an-pemalga-chunmajad, ibiga pe mag itojulmal pe ebinzhe? Imi pemal Pab-Tummad-nuskan chul-choggu, al pe aku-itomaldo an-chunmajad.

1 Corintios 2:14

Tenal tule-purpal-purkwal-mamimalad, Pab-Purpa-Nued-akar-igal-tanikid kwen abingejulmal. Imi we immalmal purpal wisguleged-choggu, al tule-purkwal-mamimalad aku-itogedbal chogmal: “We igal ib-pinchegad.”

2 Pedro 2:22

Al tadgan nabir wegiid-tulegin chogzhado: Imi achu agzhal kannan aga e-agzhad kunpalo. Pr. 26:11 Tegin tadgan chogzhabaldo: “Imi chin-nan tigin enuklejal, kannan olligin obnonibalo.” Wedin choglege, wegiid-tulemal kusgu iskuedgin kannan iskunonibalo.

1 Juan 5:20

Tenal anmal nued wismalbaldo, Pab-Machi noni anmal mag immal-itogal. Al anmal mag Pab-Machi-chunchunnad-wisgunonimal. Tenal anmal Pab-Machi-chunchunnadgin mai. Tenal Pab-Machi-chunchunnaddin Jesucristo. Wedin Pab-chunchunnad tegin ilagwen-nadgu-tule-otulogedbal.