Apocalipsis 15:3 - Kuna Border

³ Tegin we tulemal Pab-Tummad-e-mos-Moisés-namakedgin tegin Oveja-chapini-namakedgin namakalmal, chogalmal: Pab-Pul-Tummadye, pedin peyedzhe immal-keger-taked imadi-kusye. Tegin pedin pel-kwapa tulemal-chog-ilbal erreyga maioye. Tegin pedin napírra ilagwen immal ima, tegin pe ib-chunchunnadgin immal imabalye.

Apocalipsis 15:3 Iomraidhean Croise

Hebreos 3:5

Imi Moisés Pab-neg-yaginmalad-abalgin mosga inniki arpadi-kus. Tenal Moisés chogzhagusdo, we kakade kujal-choglenoniko.

Juan 1:17

Imi Pab Tummad Moisésbal igal-mezhis tule igi naneed-wilubmal. Tenal tulemal Jesucristobal kep wisgunonimal Pab Tummad wilejakwa tule-taked-wilubzhulinadbal, napírra wilejakwa tule-tak. Tenal tulemal Jesucristobal igal-chunchunnad wisgunonimalbal.

Apocalipsis 19:2

Imi Pab Tummad napírra tegin inniki igal-itogedbal sapejul tule-oturda. Al Pab Tummad e-chogzhadbal Babilonia-neg-kwebur-ome-macherganbi-wijiidyobid oturdanoni. Tenal Babilonia-neg-kweburginmalad e-iskuedbal pel-kwapa iti-napkin-pukmalad-egwasmal, tegin tule-Pabga-arpamalad-mechamalbal. Al Pab Tummad Babilonia-tolgan-abin-imasmo, tar-opelononi.

Apocalipsis 14:3

Tegin tulemal-144,000 Pab-ol-kangin-chiid-wagin tegin immal-tulgan-walbakegwad-wagin, tegin chelegan-tummagan-wala-tulagwen-kakabakegwad-wagin namaked-pingin, namakalmal. Tenal tulemal-144,000 iti-napkin-paklesmaladbalbi we namaked nabir namamal; tenal tule-pimaladdin keg kumal we namaked namagal.

Apocalipsis 17:14

“Tegin erreymal Oveja-chapinibak pila-onoalmalzhun. Tenal Oveja-chapinidin tummagan-e-tummad-choggu, tegin erreymal-e-saglabal-choggu, al Oveja-chapini erreymalgin nako. Tenal te ibegin e-chapingan Oveja-chapinibak kudigumalmogo. Tenal Oveja-chapini-e-chapingandin Pab-tarzhe-kochamalad, Pab-tar-chusmalad tegin Pabbal-inniki-kudigusmaladbal.”

Apocalipsis 11:17

Imi pedin Pab-Pul-Tummadye, pedin, pe pela-pela kannaleged nikaye. Tegin pe kepegin maigujad, tegin pe imisgwadzhe ampa maibalidye. Imi anmal yer itomalye, pedin pela-pela kannalegedbal iti-napkin neg-taknoniye.

Apocalipsis 4:8

Tenal we immal-tulgan chogbakegwad-ilbal, chakan-kwanerkwa-nika-ne. Tegin chakan-ulbal pél imiakibi-takle, tegin chakan-askin pél imiakibi-taklebal. Tegin we immalmal-tulgan mutik-ibgin keg-chulgu chogaldamal: Pab Tummad, pedin tule-chwilidikid, iskued-kwen-nikchulidye. Tenal Pab-Tummad-pel-kwapa-kannaleged-nika, tegin pedin Pul-Tule-Tummadga maibalye. Tegin Pab Tummad kusgu-maid, tegin imi maid, tegin peje napi pelgunonikoedye.

Apocalipsis 19:16

Tenal tule-moli-pirgin-chiid molgin tegin tuwagin, e-nug nermakal nai, chognai: erreymal-e-tummad, tegin tule-tummagan-e-tummad.

Apocalipsis 14:8

Tegin te-cholbal angel-pid chognonibal: “Imi Babilonia-neg-kwebur-tummad pato periengus. Tenal tule-Babilonia-neg-kweburginmalad iskuedgin pel-kwapa tule-akal-akal-chunmamalad-egwasmal, ome koelegal machered-pid imajadyob ebak teob nanegal, tegin tule inna-kobnaidgin nono owelejadyobbal.”

1 Timoteo 1:17

Tenal Pab Tummadbi walkwénna mai, tegin Pab Tummad erreyga-maid keg pel pelgubal. Tenal tule Pab-Tummad-kwen-takojul-kuo, tenal Pab Tummad kwen purkojulbal. Tenal Pab-Tummad-e-nugu-taklegeddin ilagwen pal kwen pelguojulilen, nabirin, tegin Pab Tummad ilagwen-nadgu otummoledi-kuelen, nabirbalin. Teobdo.

Apocalipsis 1:8

Imi Pab-Pul-Tummad chogdo: “Antin, A-yobid tegin Z-yobidbal, an kepe-sagla-akar-megwijad, tegin anche pel-kwapa pelgunonibalo. Tenal antin kusgu-maid, tegin an imis ampa mai, tegin an ilagwen-nadgu maibalo. Tegin antin pel-kwapa-kannaleged-nikabal.”