दहदर मंजका कत्‍था 8:9 - पुना गच्छरना NT (BSI)

⁹ अरा समुदर ही उज्जना आलॊ तीन ती ओन भाग केच्‍चा केरा। अरा तीन ती ओन भाग कोहाँ डोंगा नठारा केरा।

दहदर मंजका कत्‍था 8:9 Iomraidhean Croise

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 16:3

फेन दुसर मेर्ख़ा पैकस तंग्‍है डुबहन समुदर नू तुन्दियस चिच्‍चस। ख़ने समुदर केच्‍कर ही ख़ॆंस लेक्‍खा मंजा केरा, अरा समुदर ता उर्मी उज्‍जना आलॊ केच्‍चा केरा।

दहदर मंजका कत्‍था 8:10

अरा तिसर मेर्ख़ा पैकस पेंड़हे ऊरचस ख़ने, ओन्टा कोहाँ बीनको होरा लेक्‍खा लघरना ती मेर्ख़ा ती किच्‍चरा, अरा ख़ाड़ गुट्ठी ही तीन ती ओन भाग नू अरा अम्मु पझरा गुट्ठी नू खत्रा।

दहदर मंजका कत्‍था 8:12

अरा चौथा मेर्ख़ा पैकस पेंड़हे ऊरचस ख़ने, तीन ती ओन भाग बीड़ी, अरा तीन ती ओन भाग चन्‍दो, अरा तीन ती ओन भाग बीनको नठारा। औंगे अबड़ा नू तीन ती ओन भाग ऊख़ा मंजा केरा। अरा तीन ती ओन भाग उल्‍ला नू अरा तीन ती ओन भाग माख़ा नू बिल्‍ली मल रहचा।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 9:15

ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।

दहदर मंजका कत्‍था 9:18

अबड़ा ही बई ती उरखका इबड़ा तिनियों खिलपत चिच्‍ची अरा कुहड़ा अरा गन्धक ती आलर ही तीन ती ओन भाग पिटतारर।