दहदर मंजका कत्‍था 8:7 - पुना गच्छरना NT (BSI)

⁷ अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 8:7 Iomraidhean Croise

याकॊब 1:11

बीड़ी अर्गी ख़ने, बिड़ना झोला ती लट्टी चड़मी अरा अदही पूंप निदगी क'ई अरा अदही फबना उधियार'ई क'ई। अन्नेम उरुब आलस हूँ तंग्‍है उर्मी नलखन नन्नुम बारिम नठार'ओस कालोस।

1 पतरस 1:24

एन्देरगेका नेम्हा पुथी एन्ने ब'ई का, “उर्मी आलर लट्टी लेक्‍खा र'अनर, अरा आर ही ओर्मा महबा लट्टी ही पूंप लेक्‍खा र'ई। लट्टी ख़ा'ई क'ई अरा पूंप निदगी क'ई।

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 16:2

ख़ने पहिल मेर्ख़ा पैकस केरस ती तंग्‍है डुबहन ख़ॆख़ेल नू तुन्दियस चिच्‍चस। ख़ने नॆख'आ मइय्याँ मेक्‍खो ही मरका लक्‍की रहचा अरा नॆ अदही मूर्तिन ऒड़ नंजर आर ही मइय्याँ घिनघिना नुंजना फूड़ी गुट्ठी उरखा।

दहदर मंजका कत्‍था 16:21

अरा मेर्ख़ा ती आलर ही मइय्याँ कोहाँ आली खत्रा। ओन्टा ओन्टा आली पखना मलागूटी पचास किलो ओत्था रहचा। अरा आ आली ही सस्ती ही चड्डे आलर धर्मेसिन हींड़चर, एन्‍देरगेका ई सस्ती नगदे कोहाँ रहचा।

दहदर मंजका कत्‍था 6:8

अरा ऎन ईरकन ख़ने, ऎरा, ओन्टा पियर घोड़ोन ईरकन। अरा अइय्या उक्‍काचस आसी नामे “खे'अना” रहचा। अरा नरक गड्डी आसी ख़ॊख़ा ख़ॊख़ा काला लगिया, अबड़ा गे तलवार, अरा अकाल, अरा कोहाँ रोगे, अरा ख़ॆख़ेल ता बनेला मेक्‍खो गुट्ठी ती ख़ॆख़ेल ता चार हींस आलारिन पिटा गे अदिया चीतारा।

दहदर मंजका कत्‍था 7:1

इदही ख़ॊख़ा ऎन चार गोटा मेर्ख़ा पैकारिन ख़ॆख़ेल ही चरियो कोंड़ा नू इज्‍जका ईरकन। अबड़र ख़ॆख़ेल ता चरियो ताकन उर्दका रहचर का ख़ॆख़ेल नू महले समुदर नू महले इन्द्रिइम मन्न नू ताका अम्‍बो तागर'आ।

दहदर मंजका कत्‍था 9:15

ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।

दहदर मंजका कत्‍था 9:18

अबड़ा ही बई ती उरखका इबड़ा तिनियों खिलपत चिच्‍ची अरा कुहड़ा अरा गन्धक ती आलर ही तीन ती ओन भाग पिटतारर।

दहदर मंजका कत्‍था 9:4

अरा अबड़ा गे एन्ने बातारा का, ख़ॆख़ेल ता लट्टिन महले एकअम हरियर ख़ोप्पन महले एकअम मन्नन अमके नठाब'आ, लिकिन नॆख'आ कपड़े नू धर्मेसी मरका मल्‍ला अबड़ा आलारिन लेका नठाब'आ।