दहदर मंजका कत्‍था 8:3 - पुना गच्छरना NT (BSI)

³ अरा अउर ओन्टा मेर्ख़ा पैकस सोना ही धूप कुहुड़'अना मौनीन धरचस ती बरचस, अरा आस गोड़हा गुसन इज्‍जस। अरा आस गे बग्‍गे धूप चीतारा का आस बॆल-गदिया ही मुन्दहारे र'अना सोना ही गोड़हा नू उर्मी नेम्हा आलर ही गोहरारना गुट्ठी गने धूप कुहुड़'ओस।

दहदर मंजका कत्‍था 8:3 Iomraidhean Croise

लू‍कस 1:10

दाँड़े अरग'अना बेड़ा नू आस नेम्‍हा अड्डा नू कोरचस, अरा ऒड़ लग्‍गा गे ख़ॊंड़रका बग्‍गे आलर बहरी बिन्‍ती ननालियर।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

इब्रानी 9:4

अइय्या सोना ही धूँप कुहड़'अना ही गोड़हा अरा चरियो तरा सोना ती मड़चका गच्‍छरना ही बकसा रहचा। अरा आ बकसा नू मन्ना ती निन्‍दका सोना ही लोटा अरा आरॊनसी ख़ूरका डंडा अरा दस पॆसका लिख्रका गच्‍छरना ही पखना ही सिलोट गुट्ठी रहचा।

दहदर मंजका कत्‍था 10:1

फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 14:18

अरा अउर ओन्टा मेर्ख़ा पैकस गोड़हा ती उरखस। आस गे चिच्‍ची मइय्याँ अदिया रहचा। आस नॆ धारे ताँतरन धरचका रहचस आसिन जॊरसरिया सड़ा ती बाचस, “ख़ॆख़ेल ही अंगुर ख़ंजपा पंज ख़च्चका ती ख़ोयना गे सपड़ारकी र'ई। औंगे निंग्‍है धारे ताँतरन हो'अरकी ख़ॆख़ेल ही अंगुर ख़ंजपा ही झोता गुट्ठिन खंडा चि'आ।”

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।

दहदर मंजका कत्‍था 6:9

भेंडो ख़द्द मसीस पंचे मरकन ख़च्‍चियस ख़ने, ऎन गोड़हा किइय्या अबड़ा जिया गुट्ठिन ईरकन, एकाबड़र धर्मेसी कत्‍था तेंगना ती अरा मानिम गोवाह र'अना ही चड्डे पिटतारका रहचर।

दहदर मंजका कत्‍था 7:2

फेन अउर ओन्टा मेर्ख़ा पैकासिन उज्‍जना धर्मेसी मरकन उइय्का ती पुरुब तरती मइय्याँ बरना ईरकन। अरा आस अबड़ा चरियो मेर्ख़ा पैकारिन नॆका ख़ॆख़ेल अरा मेर्ख़न नठाब'आ गे अदिया चीरकी रहचा आरिन जॊरसरिया चिच्चियारस ती बाचस,

दहदर मंजका कत्‍था 8:4

अरा मेर्ख़ा पैकासी ख़ेक्खा ती धूप ही कुहड़ा नेम्‍हा आलर ही गोहरारना गुट्ठी गने मइय्याँ अर्गिया अरा धर्मेस गुसन अंड़सिया।

दहदर मंजका कत्‍था 8:5

फेन मेर्ख़ा पैकस धूप कुहुड़'अना मौनीन होच्‍चस ती गोड़हा ता चिच्‍चिन नुल्लियस अरा ख़ॆख़ेल नू तुन्दियस चिच्‍चस, ख़ने मुर्रना चाड़ना गुट्ठी, अरा ख़रख़ना गुट्ठी, अरा लवका लौकारना गुट्ठी, अरा ख़ॆख़ेल नु‍कुरना मना हेलरा।

दहदर मंजका कत्‍था 9:13

फेन छैवाँ मेर्ख़ा पैकस पेंड़हे ऊरचस ख़ने, सोना ही गोड़हा एकदा धर्मेसी ही मुन्दहारे र'ई अदही चार मरग ती बरचका ओन्टा सड़न मेंजकन।