दहदर मंजका कत्‍था 8:2 - पुना गच्छरना NT (BSI)

² अरा ऎन धर्मेसी मुन्दहारे इज्‍जका र'अनर अबड़ा सतियो मेर्ख़ा पैकारिन ईरकन, अरा आर गे सात गोटा पेंड़हे चीतारा।

दहदर मंजका कत्‍था 8:2 Iomraidhean Croise

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 24:31

अरा ऎन एंग्‍है पैकारिन पेंड़हे ही कोड़हे सड़ा गने तइय्योन, अरा आर मेर्ख़ा ही ई गंडा ती आ गंडा गूटी, चरियो खूंट ती एंग्‍है चज्जिका आलारिन ख़ॊंड़'ओर।

लू‍कस 1:19

ख़ने पैकस बाचस, “ऎन धर्मेसी छमहे नू इज्‍जका र'ऊ गबरिऎल हिकदन। ऎन निंग्‍है गने कछनख्र'आ गे अरा निंगन ई दौ कत्‍थन तेंगा गे त‍इरका र'अदन।

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

1 थेस्‍सलोनिकॆयर 4:16

एन्‍देरगेका उर्बस तानिम चिच्‍चियारना आन्ना गने अरा मुध मेर्ख़ा पैकासी सड़ा गने अरा धर्मेसी पेंड़हे ख़रख़ना गने मेर्ख़ा ती एत्तोस बर'ओस। अरा मसीसिन इंझ्रर ती केचका र'अनर आर मुन्‍द उज्‍जा चो'ओर।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”

दहदर मंजका कत्‍था 15:1

इदही ख़ॊख़ा ऎन मेर्ख़ा नू अउर ओन्टा कोहाँ अरा अजगुत चिन्हन ईरकन। सात गोटा मेर्ख़ा पैकर सात गोटा सस्ती गने इज्जर। इबड़ा छेद्दे सस्ती हवे, एन्‍देरगेका इबड़ा ही मंजका ती धर्मेसी कोड़हे खींस मुंजुर'ओ क'ओ।

दहदर मंजका कत्‍था 16:1

इदही ख़ॊख़ा ऎन मन्दिर ती ओन्टा जॊरसरिया सड़ा अबड़ा सतियो मेर्ख़ा पैकारिन एन्ने ब'अना मेंजकन, “कला, धर्मेसी खींस ही सतियो डुबहन ख़ॆख़ेल नू तुन्दा चि'आ।”

दहदर मंजका कत्‍था 8:13

फेन ऎन ईरकन का मेर्ख़ा ही मझी नू ओन्टा गरुड़ उढियार'आ लगिया, अरा आद जॊरसरिया एन्ने ब'अना मेंजकन, “बछ्रका नन्ना तिनियों मेर्ख़ा पैकर ऊरना र'ई, आ पेंड़हे ऊरना ती ख़ॆख़ेल ता आलर मइय्याँ बोख़ बोख़ बोख़!”

दहदर मंजका कत्‍था 8:6

फेन अबड़ा सतियो मेर्ख़ा पैकर नॆख'आ गुसन सतियो पेंड़हे रहचा आर ऊर'आ गे सपड़ारर।

दहदर मंजका कत्‍था 9:1

पांचवाँ मेर्ख़ा पैकस पेंड़हे ऊरचस ख़ने, ऎन ओन्टा बीनकोन मेर्ख़ा ती ख़ॆख़ेल नू खत्रना ईरकन, अरा आस गे भयभयान ख़ोड़ख़ा गड्डी ही बली ही कुची चीरा।