दहदर मंजका कत्‍था 8:12 - पुना गच्छरना NT (BSI)

¹² अरा चौथा मेर्ख़ा पैकस पेंड़हे ऊरचस ख़ने, तीन ती ओन भाग बीड़ी, अरा तीन ती ओन भाग चन्‍दो, अरा तीन ती ओन भाग बीनको नठारा। औंगे अबड़ा नू तीन ती ओन भाग ऊख़ा मंजा केरा। अरा तीन ती ओन भाग उल्‍ला नू अरा तीन ती ओन भाग माख़ा नू बिल्‍ली मल रहचा।

दहदर मंजका कत्‍था 8:12 Iomraidhean Croise

मत्तायोस 24:29

अबड़ा उल्‍ला सस्‍ती ही ख़ॊख़ा लॆम, ‘बीड़ी अरा चन्‍दो मल रफ'ओ, अरा मेर्ख़ा ती बीनको खत्र'आ हेलर'ओ। धर्मेस मेर्ख़ा नू र'ऊ उर्मी आलॊन नुक'ओस।’

मत्तायोस 27:45

अक्‍कु लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

मरकुस 13:24

अबड़ा उल्‍ला नू आ सस्‍ती ही ख़ॊख़ा, ‘बीड़ी अरा चन्‍दो मल रफ'ओ,

मरकुस 15:33

लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

लू‍कस 21:25

चन्‍दो बीड़ी अरा बीनको नू चिन्‍हा गुट्ठी ऎथ्र'ओ। अरा समुदर अरा लहरा ही ख़रख़ना ती ख़ॆख़ेल नू राजी राजिन्‍ता आलर एलचोर अरा अन्‍भूल मनोर।

त‍इरकर 2:20

उर्बासी कोहाँ अरा लौकारना उल्‍ला ही बरना ती मुन्‍द बीड़ी ऊख़ा अरा चन्‍दो ख़ॆंस लेक्‍खा मनो क'ओ।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 16:10

फेन पाँचवा मेर्ख़ा पैकस तंग्‍है डुबहन आ मेक्‍खो ही बॆल-गदिया नू तुन्दियस चिच्‍चस। ख़ने अदही राजी ऊख़ा मंजा केरा, अरा आलर डाहरना ती तम्है ततख़न चबर'आ हेलरर।

दहदर मंजका कत्‍था 6:12

अरा ऎन ईरकन का भेंडो ख़द्द मसीस छै मरकन ख़च्‍चियस ख़ने, कोहाँ ख़ॆख़ेल नुकुरना मंजा, अरा बीड़ी कमड़ा लेक्‍खा मोख़ारो मंजा केरा, अरा गोट्टा चन्‍दो ख़ॆंस लेक्‍खा ख़ॆंसो मंजा केरा।

दहदर मंजका कत्‍था 9:15

ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।

दहदर मंजका कत्‍था 9:18

अबड़ा ही बई ती उरखका इबड़ा तिनियों खिलपत चिच्‍ची अरा कुहड़ा अरा गन्धक ती आलर ही तीन ती ओन भाग पिटतारर।