दहदर मंजका कत्‍था 8:10 - पुना गच्छरना NT (BSI)

¹⁰ अरा तिसर मेर्ख़ा पैकस पेंड़हे ऊरचस ख़ने, ओन्टा कोहाँ बीनको होरा लेक्‍खा लघरना ती मेर्ख़ा ती किच्‍चरा, अरा ख़ाड़ गुट्ठी ही तीन ती ओन भाग नू अरा अम्मु पझरा गुट्ठी नू खत्रा।

दहदर मंजका कत्‍था 8:10 Iomraidhean Croise

मत्तायोस 25:1

आ बारी नू मेर्ख़ा राजी दस गोटंग डिंडा पेल्‍लर लेक्‍खा र'ओ, नॆ तम्‍है होरन धरचर ती बेंजा जॊंख़ासिन भेंटार'आ गे उरखर।

लू‍कस 10:18

येसुस आरिन बाचस, “ऎन सैतान आबोन बिल्‍चत'अना लेक्‍खा मेर्ख़ा ती खत्तरनन ईरकन।

यहूदा 1:13

ईर समुदर ता कोहाँ लहरा गुट्ठी लेक्खा र'अनर, अरा लहरा ही बोट्टो लेक्खा तम्है लज्जे ही नलख गुट्ठिन लेछनर। ईर बेहड़ारका बीनको गुट्ठी लेक्खा र'अनर। ईर गे गटगट ऊख़ा जनमजुग गे उइरकी र'ई।

दहदर मंजका कत्‍था 1:20

एका सतियो बीनको गुट्ठिन एंग्‍है तीना ख़ेक्खा नू नीन ईरकय, अरा अबड़ा सतियो सोना ही बिल्‍ली पटनी गुट्ठी ही गम एन्ने र'ई। सात गोट बीनको सात कलीसिया ही पैकर हवे, अरा सात गोट बिल्‍ली पटनी सात कलीसिया हवे।

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 16:4

फेन तिसर मेर्ख़ा पैकस तंग्‍है डुबहन ख़ाड़ गुट्ठी नू अरा अम्मु ही पझरा गुट्ठी नू तुन्दिसय चिच्चस। ख़ने अबड़ा ख़ॆंसो मंजा केरा।

दहदर मंजका कत्‍था 6:13

अरा एकासे धुका ती अंजीर मन्न ती ख़ॆना ख़ंजका निदगी क'ई, अन्नेम मेर्ख़ा ती बीनको गुट्ठी ख़ॆख़ेल नू खत्तरा केरा।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 9:1

पांचवाँ मेर्ख़ा पैकस पेंड़हे ऊरचस ख़ने, ऎन ओन्टा बीनकोन मेर्ख़ा ती ख़ॆख़ेल नू खत्रना ईरकन, अरा आस गे भयभयान ख़ोड़ख़ा गड्डी ही बली ही कुची चीरा।

दहदर मंजका कत्‍था 9:15

ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।

दहदर मंजका कत्‍था 9:18

अबड़ा ही बई ती उरखका इबड़ा तिनियों खिलपत चिच्‍ची अरा कुहड़ा अरा गन्धक ती आलर ही तीन ती ओन भाग पिटतारर।