दहदर मंजका कत्‍था 3:3 - पुना गच्छरना NT (BSI)

³ औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।

दहदर मंजका कत्‍था 3:3 Iomraidhean Croise

मत्तायोस 25:13

औंगे नीम एज्रका र'आ, एन्‍देरगेका नीम आ उल्‍लन महले आ बेड़न बलदर।

मरकुस 13:33

नीम एंग्‍है बरना बेड़न बलदर, औंगे नीम एंग्‍है बरना ही पाब ऎरना नू सपड़ारका र'आ।

मरकुस 13:36

उर्मी बारी सपड़ारका र'आ, मला होले ऎन आचका बर'अरकी निंगन बिगर सपड़ारका ख़क्‍खोन।

1 थेस्‍सलोनिकॆयर 5:2

एन्‍देरगेका उर्बासी बरना उल्‍ला माख़ा ख़लबर ही बरना लेक्‍खा मनो, अदिन नीम बॆस लगे अख़दर।

1 तीमोथियुस 6:20

अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

2 तीमोथियुस 1:13

एका बड़ियर कत्‍था गुट्ठिन नीन एंग्‍है ती मेंजकादय, अदिन मसी येसुस नू र'ई आ पत्त'अना अरा चोन्‍हा गने निंग्‍है चिन्‍हा कम'आ ती उइय्या।

इब्रानी 2:1

औंगे नाम एका मानी कत्‍थन मेंजकादत अबड़न नमा बॆस लगे चिहुंक ती नन्ना र'ई। एन्ने अम्‍बन मना का ना‍म अबड़ा मानी ती बेहड़ार'ओत कालोत।

2 पतरस 1:13

नम्है उर्बस येसु मसीस एंगन दहदर नंजका ती ऎन अख़दन का एंगा चाँड़हेम कुम्‍बा लेक्खा ई मॆदन अम्बना मनो। औंगे एका गूटी ऎन उज्जा लगदन आ गूटी निमन एन्ने सुरता नन्त'ओन। एंग्है अख़ना नू ईद बॆस र'ई।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

2 पतरस 3:10

लिकिन उर्बासी बरना उल्ला गा ख़लबस लेक्खा आचका बर'ओ। अउला मेर्ख़ा गुट्ठी गरजारनुम मेटर'ओ कालो, अरा मेर्ख़ा ता आलॊ गुट्ठी गौंगौंर'ओ ती चोदख़ो कालो ती नठार'ओ, अरा ख़ॆख़ेल नू आलर नंजका उर्मिन धर्मेस नेंवई नना गे दहदर नन्त'ओस।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”

दहदर मंजका कत्‍था 2:25

अन्‍ति नीम एंग्‍है बरना गूटी एंग्है नू जिटजिटने पत्त'अते र'अना र'ई।

दहदर मंजका कत्‍था 2:5

औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्‍खा नलख नना। लिकिन नीन जियन मल किर्त'ओय होले, ऎन निंग्‍है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।

दहदर मंजका कत्‍था 3:2

अक्‍कु एज्र'अय, अरा खे'आ बेद्दना ती नॆ नॆ बछ्रका र'अनर आरिन बड़ियर नना। एन्‍देरगेका निंग्‍है नलख गुट्ठिन एंग्है धर्मेसी ऎरना नू अदखला ख़क्‍खकन।