दहदर मंजका कत्‍था 15:4 - पुना गच्छरना NT (BSI)

⁴ अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 15:4 Iomraidhean Croise

रोमी 15:9

अरा आस इदगे हूँ इदिन नंजस का नन-यहूदीर तम्‍है ख़क्ख्रका सोग्‍गे ही चड्डे धर्मेसी ओहमा नना ओंगोर। एकासे नेम्‍हा पुथी नू लिख्रकी र'ई, “औंगे ऎन नन-यहूदीर नू निंग्‍है ओहमा ननोन। अरा निंग्‍है नामे ही ओहमा पाड़ोन।”

1 पतरस 1:16

एन्‍देरगेका नेम्‍हा पुथी नू लिख्रकी र'ई, “ऎन नेम्‍हा र'अदन, औंगे निमा हूँ नेम्हा र'अना र'ई।”

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 16:5

फेन ऎन ओर्मा अम्मु ही मइय्याँ अदिया उइय्यू मेर्ख़ा पैकासिन एन्ने ब'अना मेंजकन, “अना नेम्हाय, अरा नॆ र'अदय, अरा नॆ रहचकय, नीन उजगो हिकदय, एन्देरगेका नीन एन्ने लेक्खा इबड़ा नेंवई गुट्ठिन तइय्कादय।

दहदर मंजका कत्‍था 16:7

फेन ऎन गोड़हा ती एन्ने आनाकिर्त'अनन मेंजकन, “हाँ, अना उर्मी ती सवंगिय धर्मे उर्बायो, निंग्‍है नेंवई गुट्ठी मानी अरा उजगो र'ई।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 19:8

अरा बेंजा पेल्‍लो गे अरगा अरा बिल्चना लेपलेपे किचरी अत्ता गे चीरकी रहचा।” लेपलेपे किचरी ही माने नेम्‍हा आलर ही उजगो नलख गुट्ठी हवे।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का:

दहदर मंजका कत्‍था 4:8

अरा चरियो उज्जना आलॊ गे ओर्त ओर्त गे छै छै गोट डेना रहचा, अरा भितरी बहरी ख़न्न ख़न्न ती निंदकी रहचा। अरा अबड़ा उल्‍ला अरा माख़ा बिगर ठकरका एन्ने ब'अतेम र'आ लगिया, “उर्मी ती सवंगिय धर्मे उर्बस नेम्‍हा र'अस, नेम्‍हा र'अस, नेम्‍हा र'अस, नॆ रहचस, अरा र'अदस, अरा बर'ऊ र'अदस।”

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”