दहदर मंजका कत्‍था 15:3 - पुना गच्छरना NT (BSI)

³ अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।

दहदर मंजका कत्‍था 15:3 Iomraidhean Croise

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

1 तीमोथियुस 1:17

सदौ राजी ननू बॆलस, मल बुड़र‍'ऊ, मल ईथ्र‍'ऊ, ओन्‍टे लेका धर्मेसी म‍ईन अरा महबा सदौ सदौ मनन नेक‍अन। आमेन।

इब्रानी 3:5

मूसस धर्मेसी आलर नू ओन्‍टा पत्त'अना जॊगे जॊंख़स रहचस। अन्नेम आस बरना उल्‍ला नू दहदर मन्ना ही पत्त नू गोवाह चि'उस रहचस।

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 11:17

अरा बाचर, “नॆ र'अदस अरा रहचस आ उर्मी ती सवंगिय धर्मे उर्बायो, ऎम निंगन धन्‍यवाद नन्दम, एन्देरगेका नीन निंग्‍है कोहाँ सवंगन होच्चकादय ती राजी नना हेलरकय।

दहदर मंजका कत्‍था 14:3

अरा आर बॆल-गदिया ही मुन्दहारे अरा चरियो उज्‍जना आलॊ ही मुन्दहारे अरा सेयान आलर ही मुन्दहारे ओन्टा पुना डंडी पाड़ा लगियर। अरा ख़ॆख़ेल ती नाड़रका ओन लाक चौवालीस हजार आलारिन अम्‍बर नॆ हूँ आ डंडीन सिख्र'आ पोल्‍ला लगियर।

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 19:16

अरा आसी किचरी नू अरा डुंडे नू ई नामे लिख्रकी रहचा: “बॆलर ही बॆलस अरा उर्बर ही उर्बस।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 4:8

अरा चरियो उज्जना आलॊ गे ओर्त ओर्त गे छै छै गोट डेना रहचा, अरा भितरी बहरी ख़न्न ख़न्न ती निंदकी रहचा। अरा अबड़ा उल्‍ला अरा माख़ा बिगर ठकरका एन्ने ब'अतेम र'आ लगिया, “उर्मी ती सवंगिय धर्मे उर्बस नेम्‍हा र'अस, नेम्‍हा र'अस, नेम्‍हा र'अस, नॆ रहचस, अरा र'अदस, अरा बर'ऊ र'अदस।”