दहदर मंजका कत्‍था 15:2 - पुना गच्छरना NT (BSI)

² अरा ऎन चिच्‍ची गने मेस्रका काँच ही समुदर लेक्खा ओन्टन, अरा नॆ आ मेक्‍खो अरा अदही मूर्ती अरा अदही नामे ही गनती आबोन जित्तचका रहचर आरिन ईरकन। आर आ काँच ही समुदर गुसन धर्मेसी तमा गे चिच्का तमुर्रा गुट्ठिन धरचका ती इज'आ लगियर।

दहदर मंजका कत्‍था 15:2 Iomraidhean Croise

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

1 पतरस 4:12

अना चोन्हा आलारो, निमन बिढ़'आ गे गौंगौंरना चिच्ची लेक्खा सस्ती निम्है मझी नू मना लगी। इदही पत्त नू एकअम मल मन्ना कत्था निम्है नू मंजकी र'ई एन्ने सोच'अरकी अमा अनचकर'आ।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 13:1

इदही ख़ॊख़ा ऎन ओन्टा मेक्‍खोन समुदर ती उरखना ईरकन। अदगे दस गोटा मरग अरा सात गोटा कुक्‍कु रहचा, अरा अदही मरग गुट्ठी नू दस गोटा मुकुट रहचा, अरा उर्मी कुक्कु नू धर्मेसिन हींड़ना नामे लिख्रकी रहचा।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 13:17

अरा आ पहिल मेक्खो ही नामे मलता आ नामे ही गनती ही मरकन नॆ नॆ लग्गनर, आरिन अम्‍बरकी नॆ हूँ ख़ॆन्दा पिटा पोल्‍लोर।

दहदर मंजका कत्‍था 21:18

अरा आ नगरे ही पचरी यसब ही कम्रकी रहचा, अरा नगरे अरगा सोना ही कम्रकी रहचा, एकदा झक झकर'आ काँच लेक्‍खा रहचा।

दहदर मंजका कत्‍था 4:6

अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।