दहदर मंजका कत्‍था 10:1 - पुना गच्छरना NT (BSI)

¹ फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 10:1 Iomraidhean Croise

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

लू‍कस 21:27

फिन उर्मी आलर मनवा ख़द्दन एंगन बदाली नू बरनन ऎरोर। अरा एंगा ख़ॆख़ेल ता आलारिन राजी नना गे कोड़हे महबा अरा आकुस मनो।

त‍इरकर 26:13

ख़ने बॆलायो, डहरे नू लोहाड़ी बेड़ा नू ऎन बीड़ी ही बिलचना ती हूँ कोड़हे बिलचना बिल्‍लिन मेर्ख़ा ती ईरकन, आद एंग्‍है अरा एंग्‍है गने बरचका आलर ही चरियो तरा बिल्‍चा लगिया।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!

दहदर मंजका कत्‍था 18:1

इबड़ा कत्था ही ख़ॊख़ा ऎन अउर ओन्टा मेर्ख़ा पैकासिन मेर्ख़ा ती एत्तना ईरकन। आस गे कोड़हे अदिया रहचा, अरा आसी बिल्चना ती ख़ॆख़ेल बिल्चिया केरा।

दहदर मंजका कत्‍था 18:21

फेन ओन्टा सवंगिय मेर्ख़ा पैकस ओन्टा कोहाँ जता ही लेक्‍खा ओन्टा पखनन चॊदस ती समुदर नू हिबिड़यस ती एन्ने बाचस, “कोहाँ नगरे बाबुलॊन एन्नेम कोहाँ सवंग ती खत्रतार'ओ, अरा आद अक्कु ती इकला हूँ मल ख़क्‍ख्र'ओ।

दहदर मंजका कत्‍था 20:1

फेन ओर्त मेर्ख़ा पैकासिन ऎन मेर्ख़ा ती एत्तना ईरकन, नॆख'आ ख़ेक्खा नू भयभयान ख़ोड़ख़ा गड्डी ही कुची अरा ओन्टा कोहाँ सिकड़ी रहचा।

दहदर मंजका कत्‍था 4:3

अरा अइय्या नॆ उक्‍का रहचस आस यसब अरा मानिक पखना ही बिलचना लेक्‍खा ऎथ्रदस। अरा बॆल-गदिया ही ओनबेंड़र'आ मरकत ती कमचका लेक्‍खा ओन्टा सोखाबोरा रहचा।

दहदर मंजका कत्‍था 5:2

अरा ऎन ओन्टा सवंगिय मेर्ख़ा पैकासिन जॊर सड़ा ती चिच्चि‍यारनुम ब'अना ईरकन, “ई पुथिन तिसक'आ गे अरा इदही मरकन ख़च्‍चा गे नॆ जॊगे र'ई?”

दहदर मंजका कत्‍था 8:13

फेन ऎन ईरकन का मेर्ख़ा ही मझी नू ओन्टा गरुड़ उढियार'आ लगिया, अरा आद जॊरसरिया एन्ने ब'अना मेंजकन, “बछ्रका नन्ना तिनियों मेर्ख़ा पैकर ऊरना र'ई, आ पेंड़हे ऊरना ती ख़ॆख़ेल ता आलर मइय्याँ बोख़ बोख़ बोख़!”