दहदर मंजका कत्‍था 1:3 - पुना गच्छरना NT (BSI)

³ एकास धर्मेस ती मुन्द तिंका ई कत्‍था गुट्ठिन पढ़'उस अरा मिनुर अरा इय्या लिखचका लेक्खा ईकुर धर्मेस ती आसीस ख़क्ख'ऊ र'अनर। एन्‍देरगेका इबड़ा कत्था मन्ना ही बेड़ा हेद्दे अंड़सकी र'ई।

दहदर मंजका कत्‍था 1:3 Iomraidhean Croise

मत्तायोस 24:15

धर्मेसी कत्‍था तिंगुस दानियॆलसी बाचका लेक्‍खा, ‘नीम इकला आ उझड़'अना भंगड़भट्ठ ख़ाँड़ना आलॊन धर्मेसी मन्दिर ही नेम्‍हा अड्डा नू इज्‍जका ऎरोर’ (पढ़'उर बुझुर'आ हो'आ),

लू‍कस 11:28

लिकिन येसुस बाचस, “अदिन ती कोड़हे आसीस ख़क्‍खू र'अनर आर नॆ धर्मेसी कत्थन मेन्नर ती पॆस्रनर।”

रोमी 13:11

अक्‍कुन ता बेड़ा एकासे र'ई एन्ने अख़'अरकी इदिन नना। निमा अक्‍कु ख़न्‍द्रना ती एजरना ही बेड़ा अंड़सकी र'ई। एन्‍देरगेका एका लेक्‍खा नाम पत्ताचका रहचकत आ बेड़ा ती अक्‍कु नम्‍है नाड़रना हेद्दे र'ई।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।

दहदर मंजका कत्‍था 22:10

फेन आ मेर्ख़ा पैकस एंगन बाचस, “ई पुथी ही ख़ॊख़ा मन्ना धर्मेसी कत्‍था गुट्ठिन अमा मरका नना, एन्‍देरगेका इबड़ा कत्था मन्ना ही बेड़ा हेद्दे अंड़‍सकी र'ई।

दहदर मंजका कत्‍था 22:12

येसुस ब'अदस, “ऎरा, ऎन चाँड़हे बर'आ लगदन। अरा ओर्त ओर्त नंजका ही लेक्‍खा आस गे ऎन चि'अना इनाम एंग्‍है गुसन र'ई।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।