फिलिप्‍पी 4:6 - पुना गच्छरना NT (BSI)

⁶ एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

फिलिप्‍पी 4:6 Iomraidhean Croise

मत्तायोस 10:19

इकला निमन हें'ओर नीम अमके घोख'आ का ऎम एकासे तेंगोम महले एन्‍देर ब'ओम। लिकिन निमन एन्‍देर ब'अना र'ई अदिन आ बारिम तेंगतार'ओ कालो।

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 6:34

औंगे नॆला ही पत्त नू अमा घोख'आ, नॆला गा नॆला ही घोख आबोन घोख'ओ। इन्ना ता तिहा इन्ना गे मनो क'ओ।

मत्तायोस 6:8

आर ही लेक्‍खा अमा मना, एन्‍देरगेका निम्‍है ने'अना ती मुन्‍द तिम निम्‍है बंगस अख़दस का निमा एन्‍देर एन्देर जिनिस ही चाड़ र'ई।

लू‍कस 10:41

लिकिन उर्बस अदिन आनाकिर्ताचस, “अनय मारथा, मारथा, नीन बग्‍गे कत्‍था ही तिहा ती कैरारकी र'अदी।

लू‍कस 12:22

तहाँ येसुस तंग्‍है चेलारिन बाचस, “इदगे ऎन निमन ब'अदन, एन्‍दरन ओनोम एन्ने निम्‍है उज्‍जना गे, महले एन्‍दरन अत्तोम एन्ने निम्‍है मॆद गे घोख अमा नना।

लू‍कस 12:29

औंगे नीम अमा घोख'आ का एन्‍द्रन मॊख़ोम अरा एन्‍द्रन ओनोम अरा अमा दोलख़ा।

लू‍कस 18:1

येसुस तंग्‍है चेलर गे मल हेन्‍दवारना ती सगरोम गोहरारते र'अना र'ई इदन तेंगा गे ई जोक्‍खा ख़ीरिन तिंगियस।

लू‍कस 18:7

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

1 कोरिन्‍थ 7:21

नीन बिट्ठी ननू जॊंख़ लेक्‍खा मॆख़्रकादय होले, अदही पत्त नू अमा घोख'आ, लिकिन निंगा अम्‍ब्र'आ गे बेड़ा ख़क्‍ख्र'ओ होले, अम्‍ब्रनन इंझ्र'आ हो'आ।

1 कोरिन्‍थ 7:32

ऎन बेद्ददन का निमा इन्द्रिइम फिकिर अम्‍बो मना। नॆ मल्‍ला बेंज्रका, आस उर्बासिन एकासे रिझाब'ओन ब'अरकी उर्बासी पत्त नू लेका फिकिर नन्दस।

2 कोरिन्‍थ 1:11

नीम हूँ निम्‍है गोहरारना ती एम्‍है सहाड़ा नना। औंगे ई लेक्‍खा बग्‍गे गोहरारना चड्डे एमा आसीस मनो, अरा अदगे नगदे आलर धर्मेसिन धन्‍यावाद ननोर।

इफेसुस 5:20

अरा सगर घड़ी उर्मी कत्‍था गे नम्‍है उर्बस येसु मसीसी नामे ती धर्मे बंगासिन धन्यवाद नना।

इफेसुस 6:18

उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्‍हा आलर गे गोहरारनुम र'आ।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

कोलोस्से 4:2

गोहरारतेम र'आ, अरा धर्मेस गे धन्‍यवाद नना ती गोहरारना नू एज्रका र'आ।

1 तीमोथियुस 2:1

उर्मिन्‍ती मुन्‍द ऎन निंगन अरा अय्या ता पत्त'ऊ आलारिन आनदन का ओर्मा आलर गे बिन्‍ती नना। अरा आर गे धर्मेस ती संगरा ने'आ अरा गोहरार'आ अरा धन्‍यबाद नना।

1 तीमोथियुस 5:5

एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 पतरस 5:7

निम्है उर्मी घोख गुट्ठिन आस गे चिलघ'आ, एन्देगेका आस गे निम्है सोच र'ई।