फिलिप्‍पी 4:5 - पुना गच्छरना NT (BSI)

⁵ निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।

फिलिप्‍पी 4:5 Iomraidhean Croise

मत्तायोस 6:25

इदगे ऎन निमन ब'अदन, निम्‍है उज्‍जा गे अरा निम्‍है मॆद गे घोख अमा नना, एन्‍दरन ओनोम महले मॊख़ोन अरा एन्‍दरन अत्तोम। एन्‍देरगेका उज्‍जना मंडी ती अरा मॆद किचरी ती कोहाँ र'ई।

मत्तायोस 6:34

औंगे नॆला ही पत्त नू अमा घोख'आ, नॆला गा नॆला ही घोख आबोन घोख'ओ। इन्ना ता तिहा इन्ना गे मनो क'ओ।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

1 कोरिन्‍थ 6:7

मानिम नू निम्‍है नू कोहाँ बदी गा ईद र'ई का नीम नीम नू नालिस मंज नख्रदर। एन्ने मल नन्ना ती एन्‍देरगे नीम मलदौ आबोन मल सहदर, एन्‍देरगे घटा आबोन मल मॊख़दर?

1 कोरिन्‍थ 8:13

औंगे ऎन एन्‍द्रन ओन्‍दन-मॊख़दन, आद एंग्‍है पत्त'ऊ भ‍ईसिन पाप नन्‍त'आ गे ननी होले, ऎन एंग्‍है पत्त'ऊ भ‍ईसिन पाप नू मल खत्रत'आ गे अहड़ा कभो मल मॊख़ोन।

1 कोरिन्‍थ 9:25

ओर्मा बीचुर गा उर्मी मदहे कत्‍था नू तमन सम्ड़'अनर। ईर नठारना इनामन ख़क्‍खा गे एन्ने नन्नर। लिकिन नाम गा मल नठारना इनामन ख़क्‍खा गे एन्ने नन्‍दत।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 थेस्‍सलोनिकॆयर 2:2

एकअम धर्मेसी कत्था तिंगुर ही कत्‍था महले नन्नर ही कत्‍था महले चिठी एम्‍है तरती बरचा ब'अरकी, अइय्या “येसु मसीसी बरना अंड़सकी र'ई” एन्ने लिख्रकी र'ई ब'अरकी ब'अनर होले हूँ अत्र इत्र अमके मना।

तीतुस 3:2

आर नेक'आनिम आर ही बिड़दो नू ब'अनुम अम्‍बोर नठाब'आ, अरा आर अरबानखर'ऊ अम्‍बोर र'आ। अरा आर गे लुदऊ मन्‍ना र'ई, अरा ओर्मर गने तमन कोहाँ लेक्‍खा मला सन्नी लेक्‍खा ईद'उर र'अना र'ई।

इब्रानी 10:25

अरा एकासे जोक्‍क आलर नन्नर अन्ने नमा ख़ॊंड़रनन मल अम्‍बना र'ई। नाम अख़दत का धर्मेस आलारिन राजी नन्ना ही उल्‍ला हेद्दे अंड़सा लगी। औंगे तंग्‍है ती नन्नारिन रिझ्रत'अनुम र'ओत।

इब्रानी 10:37

एन्‍देरगेका नेम्हा पुथी नू एन्ने लिख्रकी र'ई का, “जुक्‍की बेड़ा नू, बर'उस बर'ओस अरा घड़ही मल ननोस।

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”