फिलिप्‍पी 3:7 - पुना गच्छरना NT (BSI)

⁷ लिकिन एका एका कत्‍था एंग्‍है फैदा गे रहचा, अबड़न अक्कु ऎन मसीसी र'अना चड्डे फैदा मल चि'ऊ अक्‍कन।

फिलिप्‍पी 3:7 Iomraidhean Croise

मत्तायोस 16:26

ओन्‍टा आलस ई ख़ॆख़ेल ता उर्मी जिनिसन अर्ज'ओस, अरा धर्मेस गने जनमजुग ही उज्‍जनन एबस'ओस होले, आस गे एन्‍देर नाफा मनो? आलस एबस्रका उज्‍जनन फेन ख़क्‍खा गे ऊजी नू एन्‍दरन हूँ चि'आ पोल्‍दस।

मरकुस 10:50

ख़ने आस म‍इय्याँ अत्तका किचरिन हेबड़्रकी उदकारस अरा येसुस गुसन बरचस।

लू‍कस 14:26

“एकअम ओर्तस एंग्‍है गुसन बरदस, आस तंग्योन अरा तम्‍बासिन, मुक्‍कन अरा ख़द्द-ख़र्रा, भईरिन अरा बहिनरिन तंग्‍है जियन हूँ एंग्‍है ती कोड़हे चोन्‍हा नन्‍दस होले, आस एंग्‍है चेला मना पोलदस।

लू‍कस 14:33

एन्नेम निमा हूँ एंग्‍है चेला मना गे उर्मीन मुरछ'आ गे सपड़'अना र'ई।

लू‍कस 16:8

ख़ने उर्बस मलदौ ईरु-ख़ूजुसी लूर आबोन ईरियस ती आसिन सहरारस। एन्ने ई परिया ता मल पत्त'ऊ आलर गा तम्‍‍है आलर मदहे नू धर्मेसी राजी गे जॊगे आलर ती लूरगर र'अनर।

त‍इरकर 27:38

आर मोक्‍कर ती उड़चर ती कोहाँ डोंगा आबोन नेब्‍बा नना गे गहूँन समुदर नू हेबड़ा हेलरर।

इब्रानी 11:26

आस मसीस गे हींड्रनन मिसर ता खुर्जी ती कोहाँ जॊगे बुझ्रस। आस गा धर्मेसी बरना कोड़हे इनाम गे पाब ऎरा लगियस।