फिलिप्‍पी 3:13 - पुना गच्छरना NT (BSI)

¹³ अना भईरो, ऎन अख़दन का ऎन इदन पूरा मल नंज ख़च्चकादन। लिकिन ओन्टा नलख लेका नन्दन का एका कत्‍था ख़ॊख़ा अम्‍ब्रकी र'ई अदिन मॊध्रदन ती, मुन्दहारे ‍ता कत्‍था गुट्ठी तरा अबड़न ख़क्खा गे कोड़हे चिहुट नन्दन।

फिलिप्‍पी 3:13 Iomraidhean Croise

लू‍कस 10:42

लिकिन ओन्‍टा कत्‍था चाड़ र'ई। मरियम गा धर्मेसी कत्‍थन मेन्ना ही आ बॆस बटा आबोन चज्‍जकी र'ई, अदिन अदही गुसते पोल्‍लोर बच्‍चा।”

लू‍कस 9:62

येसुस आसिन चेता बाचस, “एका ओर्तस गोहला मुठिया नू ख़ेक्खा उइय्‍दस ती ख़ॊख़ा किर्रे ऎरदस, आसी उज्‍जना नू धर्मेस राजी नना गे आस जॊगे मलदस।”

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

फिलिप्‍पी 3:12

इबड़ा उर्मिन ऎन ख़क्‍खा ख़च्चकादन, महले पखड़ मंज ख़च्चकादन एन्ने मल सोचरकी, मसी येसुस ती ऎन एन्देरगे चजरकादन अदिन पूरा नना गेम ऎन कोड़हे चिहुट नन्तेम र'अदन।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

इब्रानी 6:1

औंगे बरा, नाम मसीसी पत्त ता ऒर ही सिखाब'अना नू लेका मला इज्‍जका ती बड़ियर मन्ना ही तरा मुन्‍द ऎकोत क'ओत। मसी उज्‍जना ही नेव ही मुध कत्‍था गुट्ठिन घड़ी घड़ी अदिनिम तेंगना ही चाड़ मलकी: मलदौ नलख ती जियन किर्त'अना, अरा धर्मेस म‍इय्याँ पत्त'अना,

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।