फिलिप्‍पी 2:8 - पुना गच्छरना NT (BSI)

⁸ तान तंगन एन्ने कोड़हे लुदऊ कमचस अरा खे'अना गूटी धर्मेसिन पॆस्रस का तंगन क्रुस नू खे'आ गे हूँ चिच्चस।

फिलिप्‍पी 2:8 Iomraidhean Croise

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

मत्तायोस 26:39

अरा आस कटी गुना मुन्‍द केरस। अरा आस ख़ॆख़ेल नू मुही पाब खत्रस ती बिन्‍ती नंजस, “एंग्‍है बंगायो, मना ओंगो होले, ई खिलपत एंगा अम्‍बो मना। लिकिन एंग्‍है मने लेक्‍खा मला, निंग्‍है मने लेक्‍खा मनन।”

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

लू‍कस 9:29

अरा आस बिन्‍ती ननो बारी आसी मुही ही ऎथ्रना बदलारा केरा, अरा आसी किचरी फुर्फुर'आ पंडरू मंजा ती बिल्चा हेलरा।

यॊहनस 10:18

अदिन नॆ हूँ एंग्‍है गुसते मल हो'अदस। ऎन अदिन एंग्‍है मने तिम चि'अदन। एंगा अदिन चि'आ गे हूँ अदिया र'ई, अरा अदिन फिन हो'आ गे हूँ अदिया र'ई। एम्‍बस एंगन पॆसका लेक्‍खा ऎन एन्नेम नन्‍दन।”

यॊहनस 14:31

अन्नु हूँ ख़ॆख़ेल अख़ना र'ई का ऎन बंगासिन चोन्‍हा नन्‍दन, अरा एकन्ने बंगस एंगन पॆसस, अन्नेम ऎन नन्‍दन। गुचा, नाम इसलेक क'ओत।”

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

त‍इरकर 8:33

आस ख़ाँड़तारस ख़ने आसी नेंव‍ई दौ गने मना पोल्‍ला। आसी बनस गुट्ठिन नॆ तंग्‍है तेंगा ओंगनर? आसी उज्‍जना गा ख़ॆख़ेल ती चॊदतारकी किरकी रहचा।”

रोमी 5:19

एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।