फिलिप्‍पी 1:21 - पुना गच्छरना NT (BSI)

²¹ एंगा गे गा, उज्‍जना मने मसीस गे उज्जना। अरा खे'अदन ख़ने, आद ख़ॆख़ेल नू उज्जना ती अउरिम दौ हवे।

फिलिप्‍पी 1:21 Iomraidhean Croise

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 3:22

एकासे का, ऎन पौलुस महले अप्‍पोल्लॊस महले पतरस ऎम ओर्मम निम्‍है दौ गे दिम हिकदम। ई सौंसार महले उज्‍जना महले खे'अना महले ई उल्‍ला महले बरना उल्‍ला अबड़ा उर्मी निम्‍है दौ गे दिम हवे।

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

2 कोरिन्‍थ 5:6

औंगे नाम सगर घड़ी डिढ गने र'अदत, अन्नु हूँ नाम अख़दम का एका गूटी ई मॆद नू र'अदत आ गूटी उर्बस ती गेच्‍छा र'अदत।

2 कोरिन्‍थ 5:8

नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 6:14

ऎन गा नम्‍है येसु मसीसी क्रुस आबोन अम्‍बरकी नन्‍ना एकअम कत्‍था नू फुल‍ई मल मन्दन नेक‍अन। मसीसी ई क्रुस ही चड्डे एंगा ख़ॆख़ेल ता मया मॊख़ क्रुस नू ठोकरकी र'ई, अरा ऎन हूँ ई ख़ॆख़ेल ता मया मॊख़ा गे क्रुस नू ठोकरकन।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 1:22

लिकिन ऎन ई मॆद नू उज्‍जना बारी र'ओन होले, मसीस गे बॆस अर्ज'अना नलख नना ओंगोन। औंगे ऎन बुझ्र'आ पोल्‍दन का ऎन एन्‍द्रन चाजोन, उज्जना बारी र'अना महले खे'अना।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।

फिलिप्‍पी 2:21

अउर नन्ना ओर्मर तम्है तम्है पत्त ता कत्था गुट्ठी गे लेका घोख नन्नर, येसु मसीसी कत्था गुट्ठी गे घोख मल नन्नर।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”