फिलिप्‍पी 1:16 - पुना गच्छरना NT (BSI)

¹⁶ इबड़र चोन्‍हा ती दौ कत्‍था तेंगनर। ईर अख़नर का ऎन दौ कत्‍था ही ओदहा नू तेंगना ती हॆंरका र'अदन।

फिलिप्‍पी 1:16 Iomraidhean Croise

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

फिलिप्‍पी 1:12

अना भईरो! ऎन इदन नीम अख़'आ बेद्ददन का इय्या एंग्‍है नू मंजा अबड़ा उर्मी दौ कत्‍थन बींड़'आ गेम संगरा नंजा।

फिलिप्‍पी 1:5

एन्‍देरगेका ऎन निम्‍है गुसन बरचका उल्ला ती अक्‍कु गूटी दौ कत्‍था नलख नू नीम एंग्‍है गने संगे चिच्कर।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 2:22

लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।

फिलिप्‍पी 4:15

अना फिलिप्‍पी नगरे ता पत्त'ऊ आलारो, नीम इदिन हूँ अख़दर का नीम मसीसी दौ कत्‍थन सिख्रका ऒर ता बारी नू, ऎन निम्है मकेदोनिया जिला ती उरखकन ख़ने, निमन अम्‍बरकी नन्ना एकअम कलीसिया हूँ एंगा गे इनाम गुट्ठी चि'अना पत्त नू एंग्‍है गने संगे मल चिच्चा।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।