फिलिप्‍पी 1:13 - पुना गच्छरना NT (BSI)

¹³ मसीसी जॊंख़ र'अना ही चड्डेम ऎन जेहेल नू हॆंरका र'अदन एन्ने कोहाँ बॆलासी गढ़िया ता उर्मी सैनर अरा इय्या ता ओर्मर सुपट अख़नर।

फिलिप्‍पी 1:13 Iomraidhean Croise

त‍इरकर 26:29

ख़ने पौलुस आनाकिर्ताचस, “जुक्‍की नू महले बग्‍गे नू एन्ने मला, धर्मेस ती एंग्‍है गोहरारना र'ई का, इन्ना नीन लेका मला लिकिन नॆ नॆ एंग्‍है कत्‍थन मेना लगनर, आर येसुसिन पत्त'अना नू एंग्‍है लेक्‍खा मन्नर नेकअन, लिकिन एंग्है लेक्खा हॆंरका मल मन्नर नेकअन।”

त‍इरकर 26:31

अरा काना बेड़ा नू आर ताम-ताम बाचर, “ई आलस पिटरना मलता गुड़रना जोक्‍खा एन्‍देर हूँ मल्‍ला नंजका।”

त‍इरकर 28:17

तीन उल्‍ला ख़ॊख़ा पौलुस यहूदीर ही मुद्ध आलारिन मीख़ियस। आर जुम्मरर ख़ने आरिन बाचस, “अना भ‍ईरो, ऎन नम्‍है आलर ही बिड़दो महले नम्‍है पूरखर ही चाल ही बिड़दो नू एन्‍देर हूँ मल नंजकन। अन्नु हूँ ऎन येरुसलॆम नू हॆंरकन ती रोमीर ही ख़ेक्खा नू सोंपतारकन।

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

त‍इरकर 28:30

पौलुस गोट्टा दुई बछर गूटी तानिम भड़ा चि'अरकी भड़ा एड़पा नू असन रहचस। आलर आसी गुसन बर'आ लगियर अरा आर ओर्मर गने भेंट मना लगियस।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

फिलिप्‍पी 1:30

अरा नीम एंग नू ईरकर, अरा एंगा गे अउर हूँ र'ई एन्ने अक्‍कु नीम मेन्दर, आ तिहा दिम निमा गे हूँ र'ई।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 4:22

उर्मी नेम्‍हा आलर निमा गे मोंजरा ब'अनर, कोड़हे गा कैसरसी गढ़िया नू नलख ननुर निमा गे मोंजरा ब'अनर।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।