2 तीमोथियुस 4:5 - पुना गच्छरना NT (BSI)

⁵ लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

2 तीमोथियुस 4:5 Iomraidhean Croise

मत्तायोस 25:16

तहाँ नॆका पाँच थइला सोना ढिबा ख़क्‍ख्रकी रहचा आस लॆम केरस ती ख़िन्‍दियस पिटियस ती पाँच थइला सोना ढिबा अउरिम अर्जाचस।

मरकुस 13:34

ई उदाहरन आबोन मेना। ओन्‍टा आलस रहचस। आस उन्‍दुल डहरे ईक्‍कियस। आस एड़पा ती काना ती मुन्‍द तंग्‍है जॊंख़र सिरे एड़पा ही उर्मी नलख अम्‍बियस चिच्‍चस। तहाँ आस बली ख़ा‍पुसिन जॊहचका र'आ गे आनियस।

मरकुस 13:37

ऎन एकदन निमन ब'अदन, अदिन ओर्मारिन ब'अदन, ‘एंग्‍है बरना ही पाब ऎरना नू सपड़ारका र'आ’।”

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

त‍इरकर 21:8

दोसर उल्‍ला ऎम असले केरकम ती कैसरेया बरचकम, अरा सतियोर ती ओर्तोस दौ कत्‍था तिंगू फिलिप्‍पोसी एड़पा नू कोरचकम अरा आसी गने रहचकम।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

कोलोस्से 1:25

निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।

कोलोस्से 4:17

अरा नीम अर्ख़िप्पोसिन आनके का, “एका सुसर'अना उर्बस निंगा चिच्कादस, अदिन चिहुंक लगे पूरा ननके।”

1 थेस्‍सलोनिकॆयर 5:6

औंगे नाम नन्‍नर ख़न्‍द्रनर अन्ने अम्‍बोत ख़न्‍द्र'आ। लिकिन नाम एज्रका अरा जगचका र'अना र'ई।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 4:15

इबड़ा कत्‍था गुट्ठिन मने नना अरा इय्यम निंगन सोंपचका र'आ, होले ओर्मर निंग्‍है पर्रदनन ऎरोर।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

2 तीमोथियुस 2:3

मसी येसुसी बॆस लड़ाई ननू सैनस लेक्खा एम्‍है गने दुक्‍खे सार'आ।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

दहदर मंजका कत्‍था 3:2

अक्‍कु एज्र'अय, अरा खे'आ बेद्दना ती नॆ नॆ बछ्रका र'अनर आरिन बड़ियर नना। एन्‍देरगेका निंग्‍है नलख गुट्ठिन एंग्है धर्मेसी ऎरना नू अदखला ख़क्‍खकन।