2 तीमोथियुस 4:14 - पुना गच्छरना NT (BSI)

¹⁴ अलेक्‍सन्द्रस ठठेरवस एं‍गा गे कोड़हे मलदौ नंजस। उर्बस आसिन एंग्‍है म‍इय्याँ नंजका नलख गे दंडे चि'ओस।

2 तीमोथियुस 4:14 Iomraidhean Croise

रोमी 12:19

दुलारो! अमके किर्त'अर बिड़द'आ, लिकिन धर्मेस तंग्‍है ख़ीस ती दंडे चि'आ गे आसी ख़ेक्खा नू अम्‍बा चि'आ, एन्‍देरगेका नेम्‍हा पुथी नू लिख्रकी र'ई, “उर्बस ब'अदस, ‘किर्त'अर बिड़द'अना एंग्‍है नलख हवे, ऎनिम किर्त'अर बिड़द'ओन।’”

रोमी 2:6

धर्मेस ओर्मर गे तम्है तम्‍है नलख लेक्‍खा भूती चि'ओस।

2 थेस्‍सलोनिकॆयर 1:6

धर्मेस उजगो र'अदस का आस नॆ निमन सस्‍ती नन्‍नर आर गे सस्‍ती चि'ओस।

1 तीमोथियुस 1:20

अबड़र नू हुमेनयुस अरा अलेक्‍सन्द्रस हूँ र'अनर। आरिन ऎन सैतान ही सवंग नू सोंपचकन चिच्‍चकन का अत्रु ती आर तम्‍है मलदौ नलखन अख़'ओर ती धर्मेसी बिड़दो ब'अनन अम्‍बोर।

2 तीमोथियुस 4:15

नीन हूँ आसी पत्त नू चिहुंक र'आ, एन्‍देरगेका आस एम्‍है कत्‍था गुट्ठी ही नगदे बिड़दो नंजकादस।

1 यॊहन 5:16

एकअम ओर्तस तंग्है संगे मसी भईस खे'अना नू मल कड़हाब'अना ओन्टा पापन नन्नन ऎरदस होले, आस धर्मेस गुसन आस गे गोहरारना र'ई। होले एकास खे'अना नू मल कड़हाब'अना पापन नन्दस आस गे धर्मेस उज्जनन चि'ओस। लिकिन खे'अना नू कड़हाब'अना पाप हूँ र'ई। ऎन मल ब'अदन का ई लेक्खा पापन ननुर गे नीम गोहरारना र'ई।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 18:6

आद एकासे नन्नर गे किर्त'अर चिच्चा अन्नेम नीम अदगे किर्त'अर चि'आ। अरा अदही नंजका मलदौ नलख गुट्ठी ही लेक्खा अदगे दुई गुना किर्त'अर नना। अरा आद एकासे नन्नारिन ओन्ताचा अन्ने नीम अदही डुबहा नू दुई गुना निन्द'आ ती अदिन ओन्त'आ चि'आ।

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”