2 तीमोथियुस 4:11 - पुना गच्छरना NT (BSI)

¹¹ लूकस लेका एंग्‍है गने र'अदस। नीन बर'ओ बारी मरकुसिन निंग्‍है गने ओन्‍द्र‍'आ, एन्‍देरगेका आस एंग्‍है इसला नलख नू संगरा नना ओंगोस।

2 तीमोथियुस 4:11 Iomraidhean Croise

मत्तायोस 19:30

लिकिन अजम आलर नॆ अक्‍कु कोहाँ पद नू र'अनर, आर बरना उल्‍ला नू उर्मी ती किइय्‍या पद मनोर क'ओर। अरा अजम आलर नॆ अक्‍कु उर्मी ती किइय्‍या पद नू र'अनर, आर बरना उल्‍ला नू कोहाँ पद मनोर क'ओर।

मत्तायोस 20:16

एन्नेम ख़ॊख़ान्‍तर, मुन्‍द मनोर, अरा नॆ मुन्‍द र'अनर, आर ख़ॊख़ा मनोर।”

लू‍कस 13:30

अरा ऎरा, नॆ अक्‍कु किइय्या पद नू र'अनर आर आ बारी नू कोहाँ पद नू नन्‍तार'ओर, अरा नॆ अक्‍कु कोहाँ पद नू र'अनर आर आ बारी नू किइय्या पद नू नन्‍तार'ओर।”

त‍इरकर 12:12

इदिन अक्‍खस ती आस मरकुस बारना यॊहनसी तंगियो मरियम ही एड़पा बरचस। असन बग्‍गे आलर ख़ॊंड़रर ती गोहरार'आ लगियर।

त‍इरकर 12:25

बरनबास अरा स‍उलस तम्‍है नलखन मुंजियर अरा येरुसलॆम ती किर्रियर। अरा तम्‍है गने मरकुस बारना यॊहनसिन ओन्‍द्रर बरचर।

त‍इरकर 15:37

बरनबास गा मरकुस बारना यॊहनसिन संगे हो'आ गे तिगचस।

त‍इरकर 15:39

ई पत्त नू इरबर नू कोड़हे नग्‍गानख्रना मंजा का आर इरिबर छिन्‍डरर केरर। बरनबास मरकुसिन संगे होच्‍चस ती डोंगा ती कुप्रोस केरस।

त‍इरकर 16:10

पौलुसी ई देखार ईरका ख़ॊख़ा ऎम लॆम मकेदोनिया काला बिद्दकम। अरा ऎम बुझ्रकम का धर्मेस एमन आरिन दौ कत्‍था तेंगा गे मीख़कादस।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

कोलोस्से 4:14

एम्है दुलारु बइधस लूकस अरा दॆमस निमा गे मोंजरा नन्नर।

2 तीमोथियुस 1:15

नीन अख़दय का आसिया राजी ता पत्त'ऊ आलर ओर्मर एंगन ती किर्रका केरका र'अनर। कोड़हे गा फुगेलोस अरा हेरमोगेनेस हों आर नू र'अनर।

2 तीमोथियुस 2:21

एक‍अम ओर्तस मलदौ नलखन अम्‍बदस ती तंगन निमन ननोस होले, आस महबा ही संजगी मनोस, अरा आस नेम्‍हा मनोस ती उर्बासी नलख नू ब‍उरार'ओस। अरा एकअम मदहे बॆस नलख गे सपड़ारका र'ओस।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।

1 पतरस 5:13

निम्है गने चज्जरका र'अना बाबुलॊन ही कलीसिया हूँ निमन मोंजरा ननी। अन्नेम एंग्है ख़द्द लेक्खा चोन्हा ही मरकुस निमन मोंजरा नन्दस।