2 तीमोथियुस 4:10 - पुना गच्छरना NT (BSI)

¹⁰ एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

2 तीमोथियुस 4:10 Iomraidhean Croise

मत्तायोस 12:32

नीकईम मनवा ख़द्दन एंगा बिड़दो नू इन्द्रिइम कत्‍था ब'ओस, आद आस गे अम्‍बतार'आ उंगी, लिकिन नीकईम नेम्‍हा बॊलतासी बिड़दो इन्द्रिइम ब'ओस, आद आस गे ई सौंसे नू महले बरना सौंसे नू कहियों मल अम्‍बतार'ओ।

मत्तायोस 26:56

लिकिन इबड़ा उर्मी इदगे मं‍जा का धर्मेसी कत्था तिंगुर नेम्हा पुथी नू एंग्‍है पत्त नू लिखचका कत्‍था पूरा मनो।” ख़ने उर्मी चेलर अम्‍बियर ती बोंगर केरर।

लू‍कस 14:33

एन्नेम निमा हूँ एंग्‍है चेला मना गे उर्मीन मुरछ'आ गे सपड़'अना र'ई।

लू‍कस 16:13

एका जॊंख़स हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।”

लू‍कस 17:32

लॊथस तंग्‍आलिन सुरता नना का आद इकला किर्रे ईरिया।

त‍इरकर 13:13

अक्‍कु पौलुस अरा आसी संगेर कोहाँ डोंगा ती पाफोस ती पम्‍फुलिया ता पेरगॆ नगरे बरचर। असन यॊहन मरकुस आरिन अम्‍बियस ती येरुसलॆम किर्रियस।

त‍इरकर 15:38

लिकिन पौलुसी सोच एन्ने रहचा का एकास पम्‍फुलिया नू आरिन अम्‍बियस चिच्‍चस अरा आर ही नलख नू संगे मल चिच्‍चस, आसिन हो'अना दौ मलकी।

त‍इरकर 16:6

नेम्‍हा बॊलतस आरिन आसिया नू दौ कत्‍था तेंगा गे छेंकचस ती आर फ्रुगिया अरा गलातिया चकभार नू मन्नुम केरर।

त‍इरकर 17:1

फिन पौलुस अरा सीलास अम्‍फिपोलिस अरा अपोल्‍लॊनिया नगरे मन्नुम थेस्‍सलोनिकॆ नू बरचर। असन यहूदीर ही ओन्‍टा गोड़हा एड़पा रहचा।

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

त‍इरकर 17:13

लिकिन थेस्‍सलोनिकॆ ता यहूदीर अक्‍खर का पौलुस बेरोया नू हूँ धर्मेसी कत्‍था तेंगदस। ख़ने असन हूँ आर बरचर ती आलारिन तकाब'आ हेलरर अरा हेलहेलम नना हेलरर।

त‍इरकर 18:23

फिन पौलुस जोक्‍क उल्‍ला अन्‍तियोख़ेया नू रहचस। तहाँ आस गलातिया अरा फ्रुगिया चक मन्नुम ती अड्डा अड्डा कुद्दनुम उर्मी पत्त'ऊ आलारिन बड़ियर नंजस।

2 कोरिन्‍थ 2:13

अन्नु हूँ असन एंग्‍है जिया गे कोड़े मल ख़क्‍खरा, एन्‍देरगेका एंग्‍है भइय्योस तीतुसिन असन मल ख़क्‍खन। औंगे ऎन असता आलर ती बिदा मंजकन ती मकेदोनिया काला गे मुंहरारकन।

2 कोरिन्‍थ 7:6

अन्नु हूँ लुदऊ आलर गे जिया सालना चि'ऊ धर्मेस, तीतुसी बरना ती एमा सल चिच्‍चस।

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

2 कोरिन्‍थ 8:23

तीतुसी पत्त नू गा आस एंग्है सझा र'अस अरा निमा गे सुसर नन्ना नू एंग्है संगे नलख ननू र'अस। अरा एम्‍है भइय्योर ही पत्त नू गा आर कलीसिया ती तइरका पैकर अरा मसीस गे महबा आबोन ओन्द्र'ऊ र'अनर।

2 कोरिन्‍थ 8:6

औंगे ऎम तीतुसिन नॆचकन का आस एका दौ नलखन निम्‍है मझी नू ऒड़ नंजकाचस, अदिन मुंजा गे आस बर'अरकी निमन रिझ्रत'ओस।

गलातिया 1:2

अरा तइरका पौलुस एंग्‍है तरती अरा एंग्‍है संगे र'अनर अबड़ा भईर तरती हूँ गलातिया चकभार नू र'ई अबड़ा कलीसिया गुट्ठी गे ई चिठिन त‍इय्‍दम।

फिलिप्‍पी 2:21

अउर नन्ना ओर्मर तम्है तम्है पत्त ता कत्था गुट्ठी गे लेका घोख नन्नर, येसु मसीसी कत्था गुट्ठी गे घोख मल नन्नर।

1 तीमोथियुस 6:10

एन्‍देरगेका ढिबा ही चिबाख़ारना तिम उर्मी मदहे ही मलदौ गुट्ठी उरखी। जोक्‍क आलर बग्‍गे ढिबा ख़क्‍खना ही तिहा-तोरा नन्नुम आर पत्त'अना डहरे ती एबस्रनर ती कैनो मदहे ही दुक्‍खे गुट्ठी ती ताम तमानिम दुक्‍खे सारत'अनर।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

2 तीमोथियुस 1:15

नीन अख़दय का आसिया राजी ता पत्त'ऊ आलर ओर्मर एंगन ती किर्रका केरका र'अनर। कोड़हे गा फुगेलोस अरा हेरमोगेनेस हों आर नू र'अनर।

2 तीमोथियुस 4:16

एंगन बदी टिड्‍डर ती पहिल खेप कछारी नू नेंवई ननुसी मुन्‍दहारे इजताचका बेड़ा नू नॆ हों एंग्‍है संगे मल चिच्‍चर। ओर्मर एंगन अम्‍बका चिच्काचर। आर गे छमा ख़क्ख्र'ई नेक‍अन।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।

2 पतरस 2:15

आर उजगो डहरेन अम्बरकी तम्है डहरेन एब्सका चिच्का र'अनर। आर बोसोरसी तंग्दस धर्मेसी कत्था तिंगू बालामसी डहरे नू ईक्कानर, एकास मलदौ नन्ना ती ढिबा अर्ज'आ बेद्दा लगियस।