2 तीमोथियुस 3:5 - पुना गच्छरना NT (BSI)

⁵ अरा आर महबा ननू बेसे ऎथ्र'ओर, लिकिन अदही सवंगन मल पत्त'ओर। एन्ने आलर ती नीन तरकूटी र'अके।

2 तीमोथियुस 3:5 Iomraidhean Croise

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

2 थेस्‍सलोनिकॆयर 3:14

एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

1 तीमोथियुस 4:7

लिकिन नीन महबा मलका ख़ीरी अरा तेंगना ख़ीरी गुट्ठी ती तरकूटी र'आ। अरा निंगन महबा उज्‍जना उज्‍जा गे हेबाब'आ।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 तीमोथियुस 2:16

लिकिन महबा मलका ब'अना ती बछ्रका र'आ। एन्‍देरगेका ईद आलारिन धर्मेस ती अउर हूँ गेच्‍छा ननी चि'ई।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

तीतुस 1:16

आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।

तीतुस 3:10

आलारिन छिंडुसिन ओंग्‍‍होल, दुई हॆल तिगाब'आ ती तरकूटी र'आ।