2 तीमोथियुस 2:5 - पुना गच्छरना NT (BSI)

⁵ अन्नेम अखड़ा नू लड़‍'ऊ आलस नॆग ती मल लड़'ओस होले, दौ ख़ंजपा मल ख़क्‍खोस।

2 तीमोथियुस 2:5 Iomraidhean Croise

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

फिलिप्‍पी 1:15

जोक्कोर इस्गहा अरा नग्‍गानख्रना ती मसीसी दौ कत्‍थन तेंगा कुद्दनर, ईद मानिम दिम हिके। लिकिन जोक्क अउर आलर दौ जिया ती हूँ मसीसी दौ कत्‍थन तेंगा कुद्दनर।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

इब्रानी 2:7

जुक्‍किम गे नीन आसिन मेर्ख़ा पैकर ती सन्नी कमचकय, आसिन महबा दरा म‍ईन आबोन टुपरी अत्ताचकय।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 4:10

आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्‍लो ती हुल्‍लो गूटी उज्‍जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्‍त'अनर चि'अनर,

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।